អំណានព្រះគម្ពីរប្រចាំថ្ងៃ៖ របាក្សត្រ​ទី១ ជំពូក១៤

លោកអេសាយបានទស្សទាយថា «មានលំពង់មួយនឹងដុះចេញពីគល់របស់អ៊ីសាយ ហើយមែកមួយ ដែលចេញពីឫសគាត់»។ «ចូរឱនត្រចៀក ហើយមកឯអញ ចូរស្តាប់ចុះ នោះព្រលឹងឯងនឹងបានរស់នៅ ហើយអញនឹងតាំងសេចក្តីសញ្ញានឹងឯងរាល់គ្នា ជាសញ្ញាដ៏នៅអស់កល្បជានិច្ច គឺជាសេចក្តីមេត្តាករុណាស្មោះត្រង់ ដែលបានផ្តល់ដល់ដាវីឌ មើល អញបានតាំងដាវីឌទុកជាទីបន្ទាល់ដល់ប្រជាជាតិទាំងឡាយ គឺជាអ្នកនាំមុខហើយជាអ្នកបង្គាប់ ដល់គេ មើលឯងនឹងហៅសាសន៍មួយដែលឯងមិនបានស្គាល់ ហើយសាសន៍ មួយដែលមិនបានស្គាល់ឯង គេនឹងរត់មកឯឯង ដោយព្រោះព្រះយេហូវ៉ា ជាព្រះនៃឯង គឺជាព្រះដ៏បរិសុទ្ធនៃសាសន៍អ៊ីស្រាអែល ដ្បិតទ្រង់បានលើក តម្កើងឯងហើយ» (អេសាយ ១១:១ និង ៥៥:៣-៥)។

លោកយេរេមាក៏បានធ្វើទីបន្ទាល់អំពីព្រះដ៏ប្រោសលោះ ដែលនឹង យាងមកជាព្រះអម្ចាស់នៃរាជវង្សហ្លួងដាវីឌផងដែរ «ព្រះយេហូវ៉ាទ្រង់មានព្រះបន្ទូលថា មើល នឹងមានគ្រាមកដល់ ដែលអញនឹងបង្កើតឲ្យដាវីឌមានលំពង់សុចរិតមួយ លំពង់នោះទ្រង់នឹងសោយរាជ្យទុកដូចជាស្តេច ហើយ នឹងប្រព្រឹត្តដោយវាងវៃ ព្រមទាំងសម្រេចសេចក្តីយុត្តិធម៌ និងសេចក្តីសុចរិត នៅក្នុងស្រុកផង នៅគ្រារបស់ទ្រង់ ពួកយូដានឹងបានសង្គ្រោះ ហើយពួកអ៊ីស្រាអែលនឹងនៅដោយសន្តិសុខ ឯព្រះនាមដែលគេនឹងហៅទ្រង់ នោះគឺ ព្រះយេហូវ៉ាដ៏ជាសេចក្តីសុចរិតនៃយើងរាល់គ្នា»។ ហើយម្តងទៀត៖ «ដ្បិត ព្រះយេហូវ៉ាទ្រង់ មានព្រះបន្ទូលដូច្នេះថា ដាវីឌនឹងមិនដែលអាក់ខានមាន មនុស្សសម្រាប់អង្គុយលើបល្ល័ង្ករបស់ពូជពង្សនៃអ៊ីស្រាអែលឡើយ។ ហើយ​ពួកសង្ឃនិងពួកលេវី ក៏មិនដែលអាក់ខានមានមនុស្ស នៅចំពោះអញ សម្រាប់​ថ្វាយតង្វាយដុត តង្វាយម្សៅ ហើយនិងយញ្ញបូជាជាប់នៅជានិច្ច ដែរ» (យេរេមា ២៣:៥, ៦ និង ៣៣:១៧, ១៨)។

សូម្បីតែទីកន្លែងប្រសូតនៃព្រះមែស្ស៊ីក៏ត្រូវបានប្រាប់ឲ្យដឹងជាមុនដែរ៖ «ដូច្នេះ អ្នកនោះនឹងប្រគល់គេទៅដរាបដល់កំណត់នៃនាងដែលឈឺនឹង សម្រាលបានកើតកូនមក នោះសំណល់នៃពួកបងប្អូនរបស់អ្នកនោះ នឹងបានវិលត្រឡប់មកឯពួកកូនចៅអ៊ីស្រាអែលវិញ» (មីកា ៥:២)។

ព្រះរាជកិច្ចដែលព្រះអង្គសង្រ្គោះនឹងត្រូវបំពេញនៅលើផែនដីនេះក៏ត្រូវបានសង្ខេបប្រាប់យ៉ាងពេញលេញដែរ «ព្រះវិញ្ញាណនៃព្រះយេហូវ៉ានឹង សណ្ឋិតនៅលើអ្នកនោះ គឺជាព្រះវិញ្ញាណនៃប្រាជ្ញានឹងយោបល់ ជាព្រះ វិញ្ញាណនៃគំនិតវាងវៃ និងឫទ្ធានុភាព ជាព្រះវិញ្ញាណនៃសេចក្តីចេះដឹង និងសេចក្តីកោតខ្លាចដល់ព្រះយេហូវ៉ា អ្នកនោះនឹងវៃរហ័ស ចំពោះសេចក្តីកោតខ្លាចដល់ព្រះយេហូវ៉ា»។ ជាព្រះមួយអង្គដែលនឹងត្រូវចាក់ប្រេងតាំងឲ្យ«ផ្សាយ ដំណឹងល្អដល់មនុស្សទ័លក្រ … ដើម្បីនឹងប្រោសមនុស្សដែលមានចិត្តសង្រេង និងប្រកាសប្រាប់ពីសេចក្តីប្រោសលោះដល់ពួកឈ្លើយ ហើយពីការដោះលែងដល់ពួកអ្នកដែលជាប់ចំណង ព្រមទាំងប្រកាសប្រាប់ពីឆ្នាំដែលព្រះយេហូវ៉ាទ្រង់សព្វព្រះហឫទ័យ និងពីថ្ងៃ ដែលព្រះនៃយើងខ្ញុំនឹងសង សឹកផង ហើយឲ្យកម្សាន្តចិត្តនៃអស់អ្នកណាដែលសោយសោកនឹងចែក ឲ្យដល់ពួកអ្នក ដែលសោយសោក នៅក្រុងស៊ីយ៉ូនបានភួងលម្អជំនួសផេះ ហើយប្រេងនៃសេចក្តីអំណរជំនួសសេចក្តីសោកសៅព្រមទាំងអាវពាក់ នៃសេចក្តីសរសើរ ជំនួសទុក្ខធ្ងន់ដែលគ្របសង្កត់ ដើម្បីឲ្យគេបានហៅថា ជាដើមឈើនៃសេចក្តីសុចរិត គឺជាដើមដែលព្រះយេហូវ៉ាបានដាំ មាន ប្រយោជន៍ឲ្យទ្រង់បានថ្កើងឡើង» (អេសាយ ១១:២, ៣ និង ៦១:១-៣)។

«មើល នេះនែអ្នកបម្រើរបស់អញ ដែលអញទប់ទល់ គឺជាអ្នកជ្រើស រើសរបស់អញ ដែលជាទីរីករាយដល់ចិត្តអញ អញបានដាក់វិញ្ញាណអញឲ្យសណ្ឋិតលើទ្រង់ ហើយទ្រង់នឹង សម្តែងចេញ ឲ្យគ្រប់ទាំងសាសន៍បានឃើញសេចក្តីយុត្តិធម៌ ទ្រង់នឹងមិនស្រែក ឬបន្លឺឡើង ឬឲ្យអ្នកណាឮសំឡេងនៅក្នុងផ្លូវឡើយ ទ្រង់នឹងមិនផ្តាច់ដើមត្រែងដែលបាក់ទេ ក៏មិនលត់ប្រឆេះ ដែលនៅហុយដែរ ទ្រង់នឹងសម្តែងចេញនូវសេចក្តីយុត្តិធម៌ដោយសេចក្តីពិត ទ្រង់នឹងមិនដែលអន់ថយ ឬរសាយចិត្តដរាបដល់បានតាំងសេចក្តីយុត្តិធម៌ឡើងនៅផែនដី ហើយកោះទាំងប៉ុន្មាននឹងសង្ឃឹមដល់ក្រឹត្យក្រមរបស់​ទ្រង់» (អេសាយ ៤២:១-៤)។