ថ្ងៃអង្គារ ទី២២ ខែធ្នូ ឆ្នាំ២០២០
អំណានព្រះគម្ពីរប្រចាំថ្ងៃ៖ នាងអេសធើរ ជំពួក៦
ខព្រះគម្ពីរប្រចាំថ្ងៃ៖ ចូរផ្ចង់ចិត្តទៅឯសេចក្តីទាំងអស់ដែលនៅខាងលើ កុំឲ្យផ្ចង់ទៅឯសេចក្តីទាំងប៉ុន្មាន ដែលនៅផែនដីឡើយ។ កូឡូស ៣:២
ពេលយើងមកដល់ក្រុងយេរូសាឡិម ពួកបងប្អូនបានទទួលយើងយ៉ាងរាក់ទាក់។ ហើយនៅថ្ងៃបន្ទាប់ លោកប៉ុលបានទៅផ្ទះលោកយ៉ាកុបជាមួយយើងដែរ ។ ពួកចាស់ទុំទាំងអស់ក៏មានវត្តមាននៅទីនោះដែរ។
ក្នុងឱកាសនេះ លោកប៉ុលនិងគូកនរបស់លោកបានបង្ហាញជាផ្លូវការ ពីការរួមចំណែកផ្តល់វិភាគទានដោយពួកជំនុំសាសន៍ដទៃ ដើម្បីគាំទ្រដល់អ្នកក្រក្នុងចំណោមបងប្អូនសាសន៍យូដា និងដល់ពួកមេដឹកនាំនៃកិច្ចការនៅក្រុងយេរូសាឡិម ។ ការប្រមូលវិភាគទានទាំងនេះបានធ្វើឲ្យសាវ័កប៉ុលនិងមិត្តរួមការងាររបស់លោកត្រូវចំណាយពេលវេលាជាច្រើនក្នុងការគិតគូរ និងធ្វើការយ៉ាងនឿយហត់ ។ ចំនួនដ៏ច្រើនលើសពីការរំពឹងទុករបស់ពួកចាស់ទុំនៅក្រុងយេរូសាឡិម តំណាងឲ្យការលះបង់ជាច្រើន ហើយរហូតដល់មានការខ្វះខាតយ៉ាងធ្ងន់ធ្ងរនៃពួកអ្នកជឿសាសន៍ដទៃ។
តង្វាយស្ម័គ្រពីចិត្តទាំងនេះបានបង្ហាញពីភក្ដីភាពរបស់ពួកសាសន៍ដទៃ ដែលបានកែប្រែចិត្ត ចំពោះកិច្ចការដែលបានរៀបចំរបស់ព្រះ នៅទូទាំង ពិភពលោក ហើយគួរតែទទួលយកតង្វាយទាំងនោះដោយអរព្រះគុណ ប៉ុន្តែ គឺជាលក្ខណៈរបស់សាវ័កប៉ុល និងដៃគូរបស់លោក ដែលសូម្បីតែក្នុងចំណោមអ្នកដែលពីមុនជាមនុស្សដែលពុំបានកោតសរសើរចំពោះស្មារតីនៃក្ដីស្រឡាញ់ជាបងប្អូន ក៏ឥឡូវនេះបានជំរុញឲ្យមានអំណោយទាំងនេះដែរ។
នៅដើមឆ្នាំដំបូងៗនៃការធ្វើការផ្សាយដំណឹងល្អ នៅក្នុងចំណោមសាសន៍ដទៃ ពួកបងប្អូនដែលជាអ្នកដឹកនាំមួយចំនួន នៅក្រុងយេរូសាឡិម ជាអ្នកដែលប្រកាន់ខ្ជាប់នូវការប្រកាន់ពូជសាសន៍និងទម្លាប់នៃគំនិត ជាដើមនោះ មិនបានសហការជាមួយលោកប៉ុល និងសហការីរបស់លោកដោយស្មោះត្រង់ទេ។ នៅក្នុងការនឿយណាយនឹងការរក្សាទម្រង់នៃពិធីបុណ្យផ្សេងៗដែលគ្មានន័យមួយចំនួន ពួកគេបានមើលលែងឃើញនូវព្រះពរ ដែលនឹងកើតឡើងដល់ពួកគេនិងពីមូលហេតុដែលពួកគេស្រឡាញ់ តាមរយៈការខិតខំដើម្បីរួបរួមគ្នាជាធ្លុងមួយ នៅក្នុងគ្រប់ផ្នែកទាំងអស់នៃការងាររបស់ព្រះជាម្ចាស់។ ទោះបីជាបំណងប្រាថ្នាចង់បានសុវត្ថិភាពដ៏ល្អបំផុតគឺជាចំណាប់អារម្មណ៍របស់ពួកជំនុំគ្រិស្តបរិស័ទក៏ដោយ ក៏ពួកគេបានបរាជ័យក្នុងការបោះជំហានជាមួយនឹងទិព្វញ្ញាណដ៏ជឿនលឿនរបស់ព្រះដែរ ហើយដោយសារគំនិតរបស់មនុស្ស ពួកគេបានប៉ុនប៉ងដាក់កំណត់ច្បាប់ដែលមិនចាំបាច់ជាច្រើនទៅលើអ្នកធ្វើការ។ ដូច្នេះ មានមនុស្សមួយក្រុមដែលមិនធ្លាប់មានបទពិសោធន៍ជាមួយនឹងការផ្លាស់ប្តូរកាលៈទេសៈ និងតម្រូវការចាំបាច់ ដោយផ្ទាល់ដែលពួកអ្នកបម្រើការងារនៅកន្លែងឆ្ងាយៗបានជួប ហើយជាអ្នកដែលទទូចថាពួកគេមានអំណាចដឹកនាំបងប្អូនរបស់ពួកគេ នៅតាមកន្លែងទាំងនេះ ដើម្បីធ្វើតាមវិធីសាស្ត្រនៃការធ្វើការជាក់លាក់មួយចំនួន។ ពួកគេបានដឹងថាកិច្ចការនៃការអធិប្បាយដំណឹងល្អ ត្រូវបានបោះជំហានទៅមុខ ស្របជាមួយនឹងគំនិតរបស់ពួកគេ។
ជាច្រើនឆ្នាំបានកន្លងផុតទៅ ចាប់តាំងពីបងប្អូននៅក្រុងយេរូសាឡិម ជាមួយនឹងអ្នកតំណាងមកពីពួកជំនុំធំៗមួយចំនួន បានពិចារណាយ៉ាងប្រុងប្រយ័ត្នអំពីសំណួរដ៏ពិបាក ដែលបានកើតឡើង ទាក់ទងនឹងវិធីសាស្ដ្រផ្សេងៗ ដែលពួកអ្នកដែលកំពុងបម្រើដល់ពួកសាសន៍ដទៃបានអនុវត្តតាម។ ជាលទ្ធផលនៃការប្រជុំនេះ បងប្អូនបានរួបរួមគ្នាក្នុងការផ្ដល់អនុសាសន៍ដ៏ជាក់លាក់ដល់ពួកជំនុំ ទាក់ទងនឹងពិធីនិងទំនៀមទម្លាប់មួយចំនួន រួមទាំងការកាត់ស្បែកផងដែរ ។ គឺនៅក្នុងក្រុមប្រឹក្សាទូទៅនេះហើយ ដែលបងប្អូនបានរួបរួមគ្នា ក្នុងការស្នើដល់ពួកជំនុំគ្រិស្តបរិស័ទ ឲ្យលោកបាណាបាសនិងលោកប៉ុលក្លាយជាអ្នកបម្រើការ ដែលមានតម្លៃអាចទុកចិត្តបានយ៉ាងពេញទំហឹងពីសំណាក់អ្នកគ្រប់ៗគ្នា។
ក្នុងចំណោមពួកអ្នកដែលមានវត្តមាននៅក្នុងអង្គប្រជុំនេះ មានអ្នកខ្លះបានរិះគន់ខ្លាំងៗ អំពីវិធីសាស្រ្តនៃការធ្វើការងារ ដែលសាវ័កប៉ុលបានអនុវត្ត ទៅលើអ្នកដែលមានបន្ទុកសំខាន់ៗក្នុងការផ្សាយដំណឹងល្អទៅកាន់សាសន៍ដទៃ។ ប៉ុន្ដែ ក្នុងអំឡុងពេលនៃការប្រជុំនោះ ទស្សនៈរបស់ពួកគេអំពីគោលបំណងរបស់ព្រះបានរីកចម្រើនឡើង ហើយពួកគេបានផ្សាភ្ជាប់ជាមួយបងប្អូនរបស់គេ ដើម្បីធ្វើការសម្រេចចិត្ដប្រកបដោយប្រាជ្ញា ដែលនាំឲ្យមានការបង្រួបបង្រួមពួកអ្នកជឿទាំងអស់។
ខព្រះគម្ពីរប្រចាំថ្ងៃសប្តាហ៍៖ ហើយអស់អ្នកដែលតយុទ្ធគ្នា គេខំអត់សង្កត់ចិត្តគ្រប់ជំពូក គឺធ្វើដូច្នោះដើម្បីឲ្យបានតែភួងជ័យដែលត្រូវពុករលួយ តែយើងរាល់គ្នាវិញគឺឲ្យបានមកុដ១ដែលមិនចេះពុករលួយឡើយ បានជាខ្ញុំខំរត់យ៉ាងដូច្នោះ មិនមែនបែបដូចជាមិនស្គាល់ផ្លូវទេ ខ្ញុំក៏ខំប្រដាល់យ៉ាងដូច្នោះដែរ មិនមែនដូចជាដាល់ខ្យល់ទេ។ (កូរិនថូសទី១ ៩:២៥-២៦)
