អំណាន​​ព្រះគម្ពីរប្រចាំថ្ងៃ៖ សំាយូអែលទី២ ជំពូក៥

ខព្រះគម្ពីរប្រចាំថ្ងៃ៖ ឯ​មនុស្ស​ទាំង​ហ្វូង​ដែល​បាន​ជឿ គេ​ក៏​មាន​ចិត្ត​មាន​គំនិត​តែ​១ គ្មាន​អ្នក​ណា​ប្រកាន់​ថា អ្វីៗ ដែល​ខ្លួន​មាន​ជា​របស់​ផង​ខ្លួន​នោះ​ទេ គឺ​គ្រប់​របស់​ទាំង​ប៉ុន្មាន ជា​របស់​សំរាប់​ប្រើ​ជា​មួយ​គ្នា​ទាំង​អស់។ កិច្ចការ ៤:៣២

នៅពេលពួកសាវ័កបានប្រកាសផ្សាយដំណឹងល្អនៅទីក្រុងយេរូសាឡិម ព្រះបានប្រទានទីសម្គាល់ដល់ពាក្យសម្តីរបស់ពួកគេ ហើយមនុស្ស​ជាច្រើន​បានជឿ។ ពួកអ្នកមានជំនឿថ្មីទាំងនេះជាច្រើនត្រូវបានកាត់ចេញពីគ្រួសារឬមិត្តភក្តិរបស់ពួកគេភ្លាមៗ ដោយពួកយូដាដែលច្រណែន​នឹងជំនឿ​សាសនា ហើយពួកសាវ័កចាំបាច់ត្រូវតែផ្តល់ចំណីអាហារនិងជម្រកដល់ពួកនោះ។

កំណត់ត្រានៃព្រះគម្ពីរបានចែងថា «នៅក្នុងពួកគេគ្មានអ្នកណាខ្វះខាតអ្វីសោះ»។ ហើយគម្ពីរក៏បានចែងទៀតដែរថា ការខ្វះខាតរបស់​ពួកគេត្រូវបានបំពេញតាមសេចក្តីត្រូវការក្នុងចំណោមពួកអ្នកជឿដែលមានលុយកាក់ និង​ទ្រព្យសម្បត្តិ បានបរិច្ចាគដើម្បីបំពេញ​សេចក្តីត្រូវការជាបន្ទាន់ទាំងនេះដោយរីករាយ។ ពួកគេបានលក់ទ្រព្យសម្បត្តិនិងផ្ទះសម្បែងរបស់ពួកគេ យកលុយមកដាក់នៅទៀបជើងពួកសាវ័ក «ហើយគេក៏ចែកដល់គ្រប់គ្នាតាមត្រូវការ»។

ចិត្តសប្បុរសរបស់ពួកគេទៅលើពួកអ្នកដែលមានជំនឿថ្មីគឺជាលទ្ធផលនៃការចាក់បង្ហូរព្រះវិញ្ញាណបរិសុទ្ធ។ ពួកអ្នកជឿដល់ដំណឹងល្អ «គេក៏មាន​ចិត្ត​មានគំនិតតែមួយ»។ ចំណាប់អារម្មណ៍រួមតែមួយបានគ្រប់គ្រងលើពួកគេ គឺជោគជ័យនៃបេសកកម្មដែលព្រះបានប្រទានដល់ពួកគេ ហើយមិនមានការលោភលន់ណានៅក្នុងជីវិតពួកគេឡើយ។ សេចក្តីស្រឡាញ់​ចំពោះ​បង​ប្អូននិងកិច្ចការរបស់ពួកគេ ធំធេងជាងសេចក្តីស្រឡាញ់លុយកាក់និងទ្រព្យសម្បត្តិ ។ កិច្ចការរបស់ពួកគេបានបង្ហាញថាពួកគេឲ្យតម្លៃដល់ជីវិតរបស់មនុស្ស ខ្ពស់ជាងតម្លៃទ្រព្យសម្បត្តិខាងលោកិយ។

រឿងដូច្នេះតែងតែកើតឡើងជានិច្ច នៅពេលដែលព្រះវិញ្ញាណបរិសុទ្ធគ្រប់គ្រងលើជីវិត។ អស់អ្នកដែលមានចិត្តពោរពេញទៅដោយសេចក្តីស្រឡាញ់របស់ព្រះគ្រិស្ត នឹងយកគំរូតាមព្រះ ដែលសុខចិត្តក្លាយ ជាអ្នកក្រីក្រដោយ​សារតែយើងរាល់គ្នា ដើម្បីយើងរាល់គ្នាបានក្លាយជាអ្នកមានដោយសារភាពកម្ររបស់ទ្រង់។ លុយកាក់ ពេលវេលា និងឥទ្ធិពល ពោលគឺអំណោយទាន​ទាំងអស់នេះ ដែលពួកគេបានទទួលពីព្រះហស្តរបស់ព្រះ ពួកគេនឹង​យក​ទៅ​នឹងយកទៅ​ប្រើប្រាស់ដើម្បីជំរុញដំណឹងល្អឆ្ពោះទៅមុខប៉ុណ្ណោះ។ ពួក ជំនុំដំបូងមានលក្ខណៈយ៉ាងដូច្នេះឯង។ ហើយនៅពេលដែល​ពួកជំនុំនា​ពេលសព្វថ្ងៃនេះបានដកចិត្តចេញ​ពីរបស់នៃលោកិយ បែរមកលះបង់ដើម្បី មនុស្សដូចគ្នាបានឮដំណឹងល្អ ធ្វើឲ្យសេចក្តីពិតដែលគេបានប្រកាសផ្សាយ មានឥទ្ធិពលដោយសារព្រះចេស្តានៃព្រះវិញ្ញាណយ៉ាងខ្លាំងក្លាទៅលើអ្នកស្តាប់ទាំងឡាយមិនខាន។

អាកប្បកិរិយារបស់អាន្នា៉នាសនិងសាភីរ៉ា ដែលបទពិសោធន៍របស់ពួកគេបានកត់ត្រាដោយស្លាបប៉ាកកាដែលព្រះវិញ្ញាណបានបណ្តាល បានបន្សល់ទុកជាស្លាកស្នាមដ៏ខ្មៅងងឹតនៅក្នុងប្រវត្តិសាស្រ្តនៃពួកជំនុំដំបូងនោះ ផ្ទុយគ្នាស្រឡះពីគំរូដែលប្រកបដោយចិត្តមេត្តារបស់ពួកអ្នកមានជំនឿ។ អ្នកទាំងពីរនេះបានទទួលឱកាសនៃការឮការអធិប្បាយដំណឹងល្អដោយពួកសាវ័កជាមួយនឹងពួកអ្នកជឿដទៃទៀតដែរ។ ពួកគេបាននៅជាមួយនឹងពួកអ្នកជឿដទៃទៀត នៅពេលមានការរញ្ជួយដី បន្ទាប់ពីពួកសាវ័កបានអធិដ្ឋាន «នោះកន្លែងដែលគេប្រជុំគ្នាក៏រញ្ជួយ ហើយគេបានពេញជាព្រះវិញ្ញាណបរិសុទ្ធទាំងអស់គ្នា» (កិច្ចការ ៤:៣១) ។ នៅក្រោមឥទ្ធិពលដោយផ្ទាល់របស់ព្រះវិញ្ញាណនៃព្រះ។ គ្រប់គ្នា​ដែលមានវត្តមាននៅទីនោះមានការជឿជាក់យ៉ាង​ខ្លាំង អាណានាសនិងសាភីរ៉ាបានសន្យាថានឹងថ្វាយទៅព្រះជាម្ចាស់នូវលុយដែលបានមកពីការលក់ដីមួយកន្លែង។