​អំណានព្រះគម្ពីរពេលព្រឹក៖ ទេវតា​នៃ​ព្រះយេហូវ៉ា​ចោមរោម​នៅ​ជុំវិញ​នៃ​អស់​អ្នក​ដែលកោតខ្លាច​ដល់​ទ្រង់ ហើយ​ក៏​ជួយ​គេ​ឲ្យ​រួច។ ទំនុកតម្កើង ៣៤:៧

អំណានប្រចាំថ្ងៃ៖ ព្រះសន្យាថានឹងការពារ

ពួកលោកបានប្រាប់អ័ដាមនិងអេវ៉ាថា ព្រះមិនបង្ខំឱ្យពួកគេស្តាប់បង្គាប់ទ្រង់ឡើយ ទ្រង់មិនបានដកចេញពីពួកគេនូវអំណាចនៃការប្រព្រឹត្តិផ្ទុយពីព្រះហឫទ័យរបស់ទ្រង់ទេ ពួកគេគឺជាអ្នកមានសីលធម៌ គឺគេមានសេរីភាព​ចង់ស្តាប់បង្គាប់ទ្រង់ក៏បាន មិនស្តាប់បង្គាប់ក៏បាន។ មានការហាមឃាត់​មួយ​ដែលព្រះបានទតឃើញថាត្រឹមត្រូវ ដើម្បីសាកល្បងពួកគេ។ ប្រសិនបើពួកគេបំពាននឹងព្រះហឫទ័យរបស់ព្រះ ពួកគេនឹងត្រូវស្លាប់ជាប្រាកដ។ ពួកទេវតាបានប្រាប់លោកអ័ដាមនិងនាងអេវ៉ាថា ទេវតាដ៏ខ្ពស់បំផុតដែលមានឋានៈបន្ទាប់ពីព្រះគ្រីស្ទបានបដិសេធមិនគោរពច្បាប់របស់ព្រះដែលទ្រង់បានតាំងឡើងសម្រាប់គ្រប់គ្រងពួកទេវតានៅស្ថានសួគ៌ ការមិនស្តាប់បង្គាប់នេះ បានបណ្តាលឱ្យមានសង្គ្រាមនៅស្ថានសួគ៌ដែលជាលទ្ធផលនៃការបះបោរហើយពួកទេវតាទាំងនេាះត្រូវបានបណ្តេញចេញត្រូវបានបណ្តេញ​ចេញ​ពីស្ថានសួគ៌ពីព្រោះទេវតាទាំងនោះ​បានរួបរួមជាមួយវា ហើយបានសង្ស័យទៅលើអំណាចដ៏អស្ចារ្យរបស់ព្រះ ហើយថាឥឡូវនេះ ពួកទេវតាដែលធ្លាក់ចុះមកនោះគឺជាសត្រូវរបស់អ្នកដែលចាប់អារម្មណ៍លើ​ព្រះនិង​ជាសត្រូវរបស់ព្រះរាជបុត្រាស្ងួនភ្ងារបស់ព្រះផងដែរ។

ទេវតាបានប្រាប់ដល់គេទាំងពីរនាក់ថា គំនិតរបស់សាតាំងគឺធ្វើឱ្យគេឈឺចាប់ ដូច្នេះពួកគេចាំបាច់ត្រូវតែប្រុងប្រយ័ត្ន ដ្បិតពួកគេអាច​នឹងទាក់​ទង​ជាមួយនឹងសត្រូវដែលបានធ្លាក់ចុះមកនោះ តែវា​មិនអាចប៉ះពាល់ដល់​ពួកគេបានទេ ដរាបណាពួកគេនៅតែស្តាប់បង្គាប់ការត្រាស់បង្គាប់របស់ព្រះជាម្ចាស់ ដ្បិត​ប្រសិនបើចាំបាច់ទេវតានៅស្ថានសួគ៌នឹងយាង​ចុះមក​ជួយដល់ពួកគេ កុំឱ្យសាតាំងអាចធ្វើអ្វីដល់ពួកគេបាន។ ប៉ុន្តែ ប្រសិនបើគេទាំងពីរនាក់មិនបានស្តាប់បង្គាប់តាមការត្រាស់បង្គាប់របស់ព្រះទេ នោះសាតាំងនឹងមានអំណាចអុកឡុកពង្វក់ពង្វីនិងធ្វើឱ្យមានបញ្ហាដល់ពួកគេជាមិនខាន។

ប្រសិនបើពួកគេរក្សាជំហររឹងមាំប្រឆាំងនឹងការបញ្ចុះបញ្ចូលលើកដំបូងរបស់សាតាំង នោះពួកគេនឹងមានសេចក្តីសុខសាន្តដូចជាពួកទេវតានៅឯស្ថានសួគ៌ដែរ។ ប៉ុនែ្ត ប្រសិនបើពួកគេស្តាប់តាមមេល្បួងដែលទ្រង់មិនបានត្រាប្រណីដល់ពួកទេវតាដែលតម្កើងខ្លួន នោះទ្រង់ក៏មិន​អនុគ្រោះ​ដល់ពួកគេដែរ។ ពួកគេត្រូវតែទទួលការឈឺចាប់ ដោយសារកំហុសនៃការប្រព្រឹត្តិរំលងច្បាប់ព្រះរបស់ពួកគេ ដ្បិតច្បាប់របស់ព្រះ ពិសិដ្ឋដូចជាអង្គ​ទ្រង់ដូច្នោះ​ដែរ ហើយទ្រង់បានតម្រូវឱ្យទាំងទេវតានៅស្ថានសួគ៌និងមនុស្សនៅផែនដីស្តាប់បង្គាប់តាមជាដាច់ខាត។

​អំណានព្រះគម្ពីរពេលល្ងាច៖ ទំនុកតម្កើង ជំពូក៩១