​អំណានព្រះគម្ពីរពេលព្រឹក៖ មាន​ផ្លូវ​មួយ​ដែល​មើល​ទៅ​ដូច​ជា​ត្រឹម​ត្រូវ​ល្អ ដល់​មនុស្ស តែ​ចុង​បំផុត​នៃ​ផ្លូវ​នោះ គឺ​ជា​សេចក្តី​ស្លាប់​វិញ។ សុភាសិត ១៤:១២

អំណានប្រចាំថ្ងៃ៖ ការបរាជ័យមិនអាចឆ្លងរួចពីការសាកល្បង

លោកអ័ដាមមានការស្តាយក្រោយជាខ្លាំងដោយនាងអេវ៉ាត្រូវតែឃ្លាតចេញពីគាត់ ប៉ុន្តែ ឥឡូវនេះនាងបានប្រព្រឹត្តកំហុសនោះរួចទៅហើយ។ គាត់ច្បាស់ជានឹងត្រូវព្រាត់ពីនាង ជានារីដែលគាត់ស្រឡាញ់​យ៉ាងខ្លាំង​ជាក់​ជាមិនខាន។​ តើគាត់អាចទ្រាំទ្រនឹងការនេះយ៉ាងណាទៅ?​​ សេចក្តីស្រឡាញ់របស់គាត់ចំពោះនាងអេវ៉ាខ្លាំងណាស់។ ហើយគាត់បានសម្រេចចិត្តទទួលវាសនាអាក្រក់ជាមួយនាងដោយការខកចិត្តជាទីបំផុត។ គាត់បាន​ពិចារណា​ថា នាងអេវ៉ាគឺជាចំណែកនៃខ្លួនរបស់គាត់ ហើយប្រសិនបើនាងត្រូវស្លាប់ គាត់ក៏នឹងត្រូវតែស្លាប់ជាមួយនឹងនាងដែរ ព្រោះគាត់មិនអាចទ្រាំទ្រនឹងការឃ្លាតចេញពីនាងឡើយ។ គាត់ខ្វះជំនឿទៅលើព្រះអាទិករដ៏មានមេត្តាករុណា និងស្លូតបូតរបស់គាត់។ គាត់មិនបានគិតថាព្រះ​ដែលបានសូនគាត់ពីធូលី​ដីមកឱ្យកើតជាមនុស្សរស់ដែលមានរូបរាងយ៉ាងស្អាត ហើយបានបង្កើតនាងអេវ៉ាជាដៃគូរបស់គាត់ ទ្រង់អាចនឹងប្រទាននាងម្នាក់ទៀតដល់គាត់បានទេ។ ជាពិសេស តើពាក្យសំដីរបស់សត្វពស់នេះអាចពិតដែរឬទេ? នៅ​ចំពោះ​មុខគាត់ នាងអេវ៉ាជានារីដ៏ស្រស់ស្អាតគួរជាទីស្រឡាញ់ ហើយមើលទៅ​ដូច​ជាគ្មានទោសអ្វីសោះ ដូចជាពេលមុនដែលនាងមិនស្តាប់បង្គាប់ដែរ។ ដោយសារលទ្ធផលរបស់ឥទ្ធិពលនៃការបរិភោគផ្លែឈើនោះ នាងបានបញ្ចេញ​សេចក្តីស្រឡាញ់ចំពោះគាត់ធំជាងខ្លាំងជាងមុនការមិនស្តាប់​បង្គាប់​របស់​នាង។ នាងមិនបានឃើញមានសញ្ញានៃសេចក្តីស្លាប់ណាមួយឡើយ។ នាងបានប្រាប់អ័ដាមពីឥទ្ធិពលដ៏សប្បាយរីករាយនៃផ្លែឈើនោះ អំពីសេចក្តីស្រឡាញ់ដ៏ខ្លាំងក្លារបស់នាង ហើយគាត់ក៏សម្រេចចិត្តទទួលលទ្ធផលនោះដោយក្លាហាន។ គាត់បានទទួលយកផ្លែឈើនោះ ហើយបរិភោគ​យ៉ាង​រហ័សក៏ដូចជានាងអេវ៉ាដែរ គាត់បានដឹងថា មិនមានជំងឺអ្វីកើតឡើងដល់គាត់ភ្លាមៗនោះឡើយ។

ខនាងអេវ៉ាបានគិតខ្លួនឯងអំពីលទ្ធភាពនៃការដឹងខុសនិងត្រូវ។ សេចក្តីសង្ឃឹមនៃការមានចំណេះដឹងដ៏ខ្ពស់ដែលសាតាំងបានបញ្ចើចបញ្ចើ នាំនាងឱ្យគិតថាសត្វពស់គឺជាមិត្តដ៏ពិសេសរបស់នាងគួរជាទីពេញចិត្ត។ ប្រសិនបើ​នាងបានទៅរកប្តីរបស់នាង ហើយគេទាំងពីរនាក់បានតំណាលរឿងនោះទូលដល់ព្រះរបស់គេនូវពាក្យពេចន៍របស់សត្វពស់ នោះពួកគេនឹងត្រូវបានរំដោះពីសេចក្តីល្បួងដ៏ប៉ិនប្រសប់នោះភ្លាមមួយរំពេច។ ព្រះមិនបានឱ្យពួកគេទៅមើលផ្លែដឹងខុសត្រូវនោះទេ ដ្បិតពេលនោះគេនឹងបានឃើញមុខមាត់ក្លែងក្លាយរបស់សាតាំង។ ព្រះអង្គទ្រង់ជ្រាបថា ប្រសិនបើពួកគេមិនបានប៉ះពាល់ផ្លែដឹងខុសត្រូវនោះទេ នោះនឹងមិនមានរឿងអាក្រក់កើតឡើងដល់​ពួក​គេឡើយ។

​អំណានព្រះគម្ពីរពេលល្ងាច៖ សុភាសិត ១៖១-១៩