ថ្ងៃសៅរ៍ ទី២៧ ខែវិច្ឆិកា ឆ្នាំ២០២១
អំណានព្រះគម្ពីរពេលព្រឹក៖ គឺជាអំពើទុច្ចរិតរបស់ឯងរាល់គ្នា ដែលបានខណ្ឌជាកណ្តាលឯង ហើយនឹងព្រះនៃឯងទេតើ ហើយអំពើបាបរបស់ឯងរាល់គ្នាបានបាំងព្រះភក្ត្រទ្រង់មិនឲ្យឯងឃើញ ដល់ម៉្លេះបានជាទ្រង់មិនព្រមស្តាប់ទេ។ អេសាយ ៥៩:២
អំណានប្រចាំថ្ងៃ៖ បណ្តាសា
រួចព្រះយេហូវ៉ាដ៏ជាព្រះទ្រង់មានបន្ទូលទៅពស់ថា «ដោយព្រោះឯងបានធ្វើដូច្នេះ នោះនៅក្នុងអស់ទាំងពួកសត្វស្រុកសត្វព្រៃ ឯងជាសត្វត្រូវបណ្តាសាហើយ គឺឯងត្រូវលូនតែនឹងពោះ ហើយត្រូវស៊ីធូលីដីអស់១ជីវិត»។ ពស់ជាសត្វដែលព្រះបានលើកតម្កើងខ្ពស់លើសអស់ទាំងសត្វនានា ឥឡូវនេះបានបន្ទាបមកទាបជាងគេបំផុតវិញ ហើយត្រូវបានមនុស្សស្អប់ខ្ពើមផង ចាប់តាំងពីវាបានធ្វើជាភ្នាក់ងាររបស់សាតាំងមក។ «រួចទ្រង់ក៏មានបន្ទូលទៅអ័ដាមថា ដោយព្រោះឯងបានស្តាប់តាមប្រពន្ធឯង ហើយស៊ីផ្លែឈើនោះដែលអញបានហាមមិនឱ្យស៊ីឡើយ នោះដីត្រូវបណ្តាសា ដោយព្រោះឯង ឯងត្រូវរកស៊ីពីដីដោយនឿយហត់អស់១ជីវិត ដីនឹងដុះជាបន្លាហើយនិងអញ្ចាញឱ្យឯង ឯងត្រូវស៊ីអស់តិណជាតិដែលដុះនៅស្រែចំការ ឯងនឹងបានអាហារស៊ីដោយការបែកញើសដរាបដល់ឯងត្រឡប់ទៅជាដីវិញ ពីព្រោះអញបានយកឯងពីដីមក ដ្បិតឯងជាធូលីក៏ត្រូវត្រឡប់ទៅជាធូលីដីវិញ»។
ព្រះបានដាក់បណ្តាសាដល់ដី ពីព្រោះអំពើបាបរបស់គេទាំងពីរនាក់ដែលបានបរិភោគផ្លែដឹងខុសត្រូវ។ ហើយមានបន្ទូលថា «ឯងត្រូវរកស៊ីពីដីដោយនឿយហត់អស់១ជីវិត»។ ព្រះទ្រង់បានប្រទានអ្វីៗគ្រប់យ៉ាងសុទ្ធតែល្អដល់ពួកគេ តែឥឡូវនេះបែរជាលាយឡំជាមួយនឹងការអាក្រក់វិញ។ ឥឡូវនេះទ្រង់បានប្រកាសថា ពួកគេត្រូវស៊ី (ផល) ពីដីមានន័យថា ពួកគេត្រូវតែនៅជាមួយនឹងអំពើបាបអស់មួយជីវិតគេ។
អំណានព្រះគម្ពីរពេលល្ងាច៖ ទំនុកតម្កើង ជំពូក៤២
ខចងចាំ៖ ចូរទីពឹងដល់ព្រះយេហូវ៉ាឲ្យអស់អំពីចិត្ត កុំឲ្យពឹងផ្អែកលើយោបល់របស់ខ្លួនឡើយ ត្រូវឲ្យទទួលស្គាល់ទ្រង់នៅគ្រប់ទាំងផ្លូវឯងចុះ នោះទ្រង់នឹងដំរង់អស់ទាំងផ្លូវច្រករបស់ឯង ។ សុភាសិត ៣:៥-៦
