​អំណានព្រះគម្ពីរពេលព្រឹក៖លុះ​ដល់​អាប់រ៉ាម​អាយុ​៩៩​ឆ្នាំ នោះ​ព្រះយេហូវ៉ា​​ទ្រង់​លេច​មក​ឯគាត់​ប្រាប់​ថា អញ​ជា​ព្រះ​ដ៏​មាន​គ្រប់​ព្រះចេស្តា ចូរ​ឯង​ដើរ​នៅ​មុខ​អញ ហើយ​ឲ្យ​បាន​គ្រប់​លក្ខណ៍​ចុះ នោះ​អញ​នឹង​តាំង​សញ្ញា​នឹង​ឯង ហើយ​នឹង​ចំរើន​ឯង​ឲ្យ​មាន​គ្នា​ជា​សន្ធឹក​ឡើង។ ​លោកុប្បត្តិ ១៧:១-២

អំណានប្រចាំថ្ងៃ៖ ការមិនទុកចិត្តទៅលើសេចក្តីសន្យារបស់ព្រះ

ព្រះយេហូវ៉ាបានមានព្រះបន្ទូលមកកាន់លោកណូអេ និង្រគួសាររបស់គាត់ដែលត្រូវបានសង្គ្រោះ នៅក្នុងទូកថា «ដ្បិតអញមិនបានឃើញមនុស្សណាសុចរិតដូចជាឯងនៅជំនាន់នេះទេ» លោកុប្បត្តិ ៧:៣១។ លោកណូអេមានប្រពន្ធតែមួយគត់ ហើយគ្រួសារដែលមានវិន័យនិងរួបរួមគ្នារបស់គាត់ត្រូវបានព្រះប្រទានពរឱ្យ។ ដោយសារតែកូនប្រុសៗរបស់លោកណូអេជាមនុស្សសុចរិត ពួកគេត្រូវបានការពារនៅក្នុងទូកជាមួយឪពុកដ៏សុចរិតរបស់គេ។ ព្រះទ្រង់មិនបានយល់ព្រមឱ្យមនុស្សណាម្នាក់មានប្រពន្ធច្រើនក្នុងពេលតែមួយនោះទេ ព្រោះវាផ្ទុយពីបំណងព្រះហប្ញទ័យរបស់​ទ្រង់។ ព្រះទ្រង់ជ្រាបថា សុភមង្គលរបស់មនុស្សនឹងត្រូវបានបំផ្លាញដោយសារការមានប្រពន្ធច្រើននេះ។ សេចក្តីសុខសាន្តរបស់លោកអ័ប្រាហាំត្រូវបានធ្វើឱ្យសៅហ្មងជាខ្លាំងដោយការមិនសប្បាយចិត្តរបស់គាត់ ព្រោះគាត់បានរៀបការជាមួយនាងហាការ។

បន្ទាប់ពីលោកអ័ប្រាហាំបានបែកចេញពីឡុតមក ព្រះបានមានព្រះបន្ទូលទៅកាន់គាត់ថា “ចូរឯងងើបភ្នែកឡើងឥឡូវ ហើយមើល​ពីកន្លែង​ឯងនោះ ទៅខាងជើង ខាងត្បូង ខាងកើត ហើយខាងលិចចុះ ដ្បិតស្រុកទាំងប៉ុន្មានដែលឯងមើលឃើញ នោះអញនឹងឱ្យដល់ឯងនិងពូជឯងជាដរាបតទៅ«អញនឹងធ្វើឱ្យពូជឯងបានចម្រើនឡើងដូចជាធូលីដី បានជា​បើអ្នកណាអាចរាប់ធូលីដីបាន នោះនឹងរាប់ពូជឯងបានដែរ» ព្រះយេហូវ៉ាទ្រង់មានបន្ទូលនឹងអាប់រ៉ាម ដោយការជាក់ស្តែងថា អាប់រ៉ាមអើយ កុំឱ្យខ្លាច​អ្វីឡើយ អញជាខែល ហើយជារង្វាន់ដ៏ធំក្រៃលែងរបស់ឯង . . . ។ អាប់រ៉ាមក៏ទូលទៀតថា មើលទ្រង់មិនបានប្រទានឱ្យទូលបង្គំមានកូនសោះ ហើយមើលបាវម្នាក់ដែលកើតនៅផ្ទះទូលបង្គំ វានឹងគ្រងមរតករបស់ទូលបង្គំហើយ។

លោកអ័ប្រាហាំគ្មានកូនទេ ដូច្នេះដំបូងគាត់គិតថា អ្នកបំរើដ៏ស្មោះត្រង់របស់គាត់ឈ្មោះ អេលាស៊ើរ អាចនឹងក្លាយជាកូនចិញ្ចឹមនិងជាអ្នកគ្រង​មរតករបស់គាត់។ ប៉ុន្តែ ព្រះទ្រង់បានប្រាប់ អ័ប្រាហាំថាបាវនោះនឹង​មិន​មែន​ជាកូនដែលត្រូវទទួលមរតករបស់គាត់នោះទេ ហើយថាគាត់ពិតជានឹងមានកូនប្រាកដមែន។ «រួចទ្រង់នាំគាត់ចេញទៅក្រៅ ប្រាប់ថា ចូរមើលទៅ​លើ​មេឃឥឡូវ ហើយរាប់ផ្កាយចុះ បើឯងអាចនឹងរាប់ទាំងអស់បាន រួចទ្រង់​មានបន្ទូលថា ពូជឯងនឹងបានដូច្នោះដែរ»។

​អំណានព្រះគម្ពីរពេលល្ងាច៖ លោកុប្បត្តិ ជំពូក​១៣