ថ្ងៃសុក្រ ទី០៣ ខែធ្នូ ឆ្នាំ២០២១
អំណានព្រះគម្ពីរពេលព្រឹក៖ ព្រះយេហូវ៉ាទ្រង់ជាពន្លឺ ហើយជាសេចក្តីសង្គ្រោះរបស់ខ្ញុំ តើខ្ញុំនឹងត្រូវខ្លាចចំពោះអ្នកណា ព្រះយេហូវ៉ាទ្រង់ជាទីពឹងពំនាក់នៃជីវិតខ្ញុំ តើត្រូវឲ្យខ្ញុំភ័យចំពោះអ្នកណា។ ទំនុកតម្កើង ២៧:១
អំណានប្រចាំថ្ងៃ៖ រូបភាពនៃសាតាំង
ខ្ញុំត្រូវបានបង្ហាញឱ្យឃើញសាតាំង ជាទេវតាដ៏សប្បាយរីករាយយ៉ាងខ្ពស់មួយអង្គដូចពីមុន។ រួចមកខ្ញុំត្រូវបានបង្ហាញឱ្យឃើញនូវលក្ខណៈដែលវាមាននៅពេលនេះ។ វានៅតែបញ្ចេញទ្រង់ទ្រាយដ៏សប្បុរស។ លក្ខណៈរបស់វានៅតែថ្លៃថ្នូរ ដ្បិតវាជាទេវតាដែលបានធ្លាក់ចុះ។ ប៉ុន្តែ ទឹកមុខរបស់វាពោរពេញដោយការថប់បារម្ភ កង្វល់ ការមិនសប្បាយចិត្ត ការព្យាបាទ សម្អប់សេចក្តីប៉ងប្រាថ្នា ការបោកបញ្ឆោត និងអំពើអាក្រក់គ្រប់បែបយ៉ាង។ ខ្ញុំបានឃើញថាការអាក្រក់បានគ្រប់គ្រងលើរូបវាយ៉ាងយូរដែលធ្វើឱ្យគុណសម្បត្តិល្អៗទាំងអស់របស់វាត្រូវបានរលាយអស់ ហើយនៅក្នុងខ្លួនវាមានតែលក្ខណៈអាក្រក់បានរីកចម្រើនឡើង។ ភ្នែករបស់វាមុត វាងវៃនិងបង្ហាញនូវសេចក្តីអង់អាច។ មាឌរបស់វាធំ ហើយសាច់ឈាមរបស់វាស្រស់ថ្លាដូចជាដៃនិងមុខរបស់វាដែរ។ នៅពេលដែលខ្ញុំបានសម្លឹងមើលវា វាយកដៃស្តាំទ្រចង្កា។ បង្ហាញថាវាកំពុងគិតពិចារណាយ៉ាងវែងឆ្ងាយ។ ទឹកមុខញញឹមរបស់វាធ្វើឱ្យខ្ញុំញ័រ វាមានពេញដោយការអាក្រក់ និងភាពវាងវៃក្នុងឋានៈជាសាតាំង។ ភាពញញឹមនេះគឺជាការញញឹមដែលវាមាននៅពេលដែលវាដឹងច្បាស់ពីអ្នករងគ្រោះរបស់វា ហើយនៅពេលដែលវាសម្លឹងមិនដាក់ភ្នែកទៅលើអ្នករងគ្រោះទាំងឡាយនៅក្នុងអន្ទាក់របស់វាភាពញញឹមនេះរីកធំគួរឱ្យរន្ធត់។
លោកអ័ដាមនិងនាងអេវ៉ាបានចាកចេញពីសួនច្បារជាទីស្រឡាញ់ដែលពួកគេធ្លាប់តែសប្បាយរីករាយ ដោយភាពក្រៀមក្រំដ៏ទន់ទាបមិនអាចថែ្លងបាន រហូតដល់ពេលពួកគេបានប្រព្រឹត្តល្មើសទៅនឹងបញ្ញត្តិរបស់ព្រះ។ បរិយាកាសក៏បានប្រែប្រួល គឺលែងដូចមុនពេលដែលពួកគេ ប្រព្រឹត្តរំលងទៀតហើយ។ ព្រះបានស្លៀកពាក់ឱ្យពួកគេដោយសំលៀកបំពាក់ដែលធ្វើពីស្បែកសត្វ ដើម្បីការពារពួកគេពីភាពរងាញ័រញាក់ និងពីកំដៅដែលគេបានទទួល។
អំណានព្រះគម្ពីរពេលល្ងាច៖ សាការី ជំពូក៣
ខចងចាំ៖ ដ្បិតឈ្នួលរបស់អំពើបាប នោះជាសេចក្តីស្លាប់ តែអំណោយទាននៃព្រះវិញ គឺជាជីវិតដ៏នៅអស់កល្បជានិច្ច ដោយព្រះគ្រីស្ទយេស៊ូវ ជាព្រះអម្ចាស់នៃយើងរាល់គ្នា។ រ៉ូម ៦:២៣
