ថ្ងៃពុធ ទី០៨ ខែធ្នូ ឆ្នាំ២០២១
អំណានព្រះគម្ពីរពេលព្រឹក៖ កូនតូចៗ រាល់គ្នាអើយ ដែលខ្ញុំសរសេរសេចក្តីទាំងនេះផ្ញើមក នោះដើម្បីកុំឲ្យអ្នករាល់គ្នាធ្វើបាបទៀត តែបើសិនជាអ្នកណាភ្លាត់ធ្វើបាបវិញ នោះយើងមានព្រះដ៏ជាជំនួយ១អង្គហើយ ដែលទ្រង់គង់នៅចំពោះព្រះវរបិតា គឺជាព្រះយេស៊ូវគ្រីស្ទ ជាព្រះដ៏សុចរិត ដែលទ្រង់ជាតង្វាយធួននឹងបាបយើងរាល់គ្នា មិនត្រឹមតែបាបរបស់យើងរាល់គ្នាតែប៉ុណ្ណោះ គឺនឹងបាបរបស់លោកីយ៍ទាំងមូលដែរ។ យ៉ូហានទី១ ២:១-២
អំណានប្រចាំថ្ងៃ៖ តង្វាយធួននឹងបាប
កាលដើមដំបូងឡើយ មេគ្រួសារនីមួយៗត្រូវបានគេផ្តល់សិទ្ធិឱ្យគ្រប់គ្រង និងធ្វើជាសង្ឃនៅក្នុងគ្រួសារ។ ក្រោយមកទៀត នៅពេលដែលពូជមនុស្សកាន់តែចម្រើនឡើង នៅពាសពេញផែនដី ព្រះបានតម្រូវឱ្យប្រារឰពិធីថ្វាយតង្វាយយញ្ញបូជា ជាការថ្វាយបង្គំដ៏ពិសិដ្ឋនេះសម្រាប់មនុស្ស។ ឈាមរបស់សត្វដែលត្រូវបានគេសម្លាប់ បញ្ជាក់ប្រាប់ដល់បាបជនឱ្យឃើញនូវព្រះលោហិតនៃព្រះរាជបុត្រារបស់ព្រះ។ ការស្លាប់នៃសត្វរងគ្រោះគឺជាភស្តុតាងបញ្ជាក់ថា តម្លៃនៃអំពើបាបគឺសេចក្តីស្លាប់។ ដោយសារសកម្មភាពនៃតង្វាយយញ្ញបូជានេះ បាបជនទាំងឡាយត្រូវតែដឹងថា កំហុសរបស់ខ្លួននិងទទួលសេចក្តីជំនឿរបស់ខ្លួន ដោយសម្លឹងមើលទៅតង្វាយលោះបាបដ៏គ្រប់លក្ខណ៍របស់ព្រះរាជបុត្រានៃព្រះ ដែលតំណាងឱ្យតង្វាយយញ្ញបូជា ជាសត្វ (ចៀម) នេះ។ ប្រសិនបើគ្មានតង្វាយលោះឱ្យធួននឹងបាបនៃព្រះរាជបុត្រារបស់ព្រះទេ នោះក៏នឹងគ្មានទំនាក់ទំនងនៃព្រះពរនិងសេចក្តីសង្គ្រោះ មកកាន់មនុស្សយើងដែរ។ ព្រះមានព្រះហឫទ័យច្រណែននឹងការគោរពច្បាប់របស់ទ្រង់។ ការប្រព្រឹត្តិរំលងនឹងច្បាប់របស់ព្រះបណ្តាលឱ្យមានការបំបែកមនុស្សចេញពីព្រះយ៉ាងគួរឱ្យភ័យខ្លាច។ ព្រះបានប្រទានសេរីភាពដល់លោកអ័ដាម និងកូនចៅរបស់លោក ឱ្យអាចទាក់ទងជាមួយនឹងព្រះអាទិកររបស់គេដោយផ្ទាល់ ដោយសេរី និងដោយសប្បាយរីករាយ។ ក្រោយពីមនុស្សបានប្រព្រឹត្តរលំងនឹងច្បាប់របស់ព្រះមក ព្រះទ្រង់បានទាក់ទងជាមួយនឹងមនុស្សតាមរយៈព្រះគ្រីស្ទនិងពួកទេវតាវិញ។
អំណានព្រះគម្ពីរពេលល្ងាច៖ យូ៉ហានទី១ ៤៖៧-១៦
ខចងចាំ៖ ដ្បិតព្រះទ្រង់ស្រឡាញ់មនុស្សលោកដល់ម៉្លេះបានជាទ្រង់ប្រទានព្រះរាជបុត្រាទ្រង់តែ១ ដើម្បីឲ្យអ្នកណាដែលជឿដល់ព្រះរាជបុត្រានោះ មិនត្រូវវិនាសឡើយ គឺឲ្យមានជីវិតអស់កល្បជានិច្ចវិញ។ យ៉ូហាន ៣:១៦
