ថ្ងៃព្រហស្បតិ៍ ទី២៧ ខែមករា ឆ្នាំ២០២២
អំណានព្រះគម្ពីរពេលព្រឹក៖ ឯរូបធ្លាក់ តើមានប្រយោជន៍អ្វី បានជាជាងឆ្លាក់ធ្វើវា និងរូបសិត គឺជាគ្រូបង្រៀនសេចក្តីកំភូតនោះផង បានជាជាង ដែលសិតធ្វើរាងរូបនោះ ក៏យកជាទីទុកចិត្តរបស់ខ្លួន ដើម្បីនឹងបង្កើតរូបព្រះគឡើងដូច្នេះ វេទនាដល់អ្នកណាដែលនិយាយដល់ដុំឈើថា សូមតើនឡើង ហើយដល់ដុំថ្មគថា សូមក្រោកឡើងចុះ តើរូបនោះនឹងបង្រៀនបានឬ មើល គេស្រោបវាដោយមាស និងប្រាក់តែគ្មានខ្យល់ដង្ហើមនៅខាងក្នុងទេ ឯព្រះយេហូវ៉ា ទ្រង់គង់នៅក្នុងព្រះវិហារបរិសុទ្ធរបស់ទ្រង់វិញ ចូរឲ្យផែនដីទាំងមូលស្ងៀមនៅចំពោះទ្រង់ចុះ។ ហាបាគុក ២:១៨-២០
អំណានប្រចាំថ្ងៃ៖ សេចក្តីសង្ឃឹមរៀបតែនឹងកន្លងផុតទៅហើយ
ស្តេចពីរអង្គចុងក្រោយដែលបានគ្រងរាជបល្ល័ង្កនៃប្រទេសអេស៊ីព្ទបានរំលោភជិះជាន់ដល់សាសន៍ហេព្រើរយ៉ាងព្រៃផ្សៃ។ ពួកចាស់ទុំនៃសាសន៍អ៊ីស្រាអែលបានប្រឹងប្រែង លើកសេចក្តីជំនឿដែលកំពុងតែលិចលង់របស់សាសន៍អ៊ីស្រាអែលដោយយោងទៅលើសេចក្តីសន្យាដែលព្រះបានប្រទានដល់លោកអ័ប្រាហាំ និងពាក្យទំនាយរបស់លោកយ៉ូសែប មុននឹងការស្លាប់ដែលបានទាយទុកជាមុនអំពីការរំដោះរបស់ពួកគេ ចេញពីប្រទេសអេស៊ីព្ទ។ បណ្តាជនខ្លះបានស្តាប់និងជឿតាម។ មួយចំនួនទៀតបានសម្លឹងមើលទៅស្ថានភាពនៃទុក្ខព្រួយរបស់ពួកគេហើយមិនមានសង្ឃឹមឡើយ។
បណ្តាជនអ៊ីស្រាអែលបានទទួលឥទ្ធិពលពីបរិយាកាសនៅជុំវិញសាសន៍អេស៊ីព្ទបានដឹងពីសេចក្តីសង្ឃឹមរបស់កូននៅអ៊ីស្រាអែល ហើយបានចំអកមើលងាយ សេចក្តីសង្ឃឹមលើការរំដោះរបស់ពួកគេ ហើយបាននិយាយមើលងាយដល់ព្រះចេស្តានៃព្រះរបស់សាសន៍អ៊ីស្រាអែល។ ពួកនោះ (អេស៊ីព្ទ) បានចង្អុលទៅស្ថានភាពរបស់ពួកគេ (អ៊ីស្រាអែល) ជាមនុស្សដែលគ្រាន់តែជាសាសន៍នៃទាសករមួយតែប៉ុណ្ណោះ ហើយបាននិយាយដោយក្រអឺតក្រទមថា ប្រសិនបើព្រះរបស់អ្នកឯងពិតជាយុត្តិធម៌ មានមេត្តាករុណា ហើយមានអំណាចលើព្រះទាំងឡាយរបស់សាសន៍អេស៊ីព្ទមែន ហេតុអ្វីបានជាទ្រង់មិនធ្វើឱ្យអ្នករាល់គ្នាមានសេរីភាពទៅ? តើហេតុអ្វីបានជាទ្រង់មិនបង្ហាញភាពអស្ចារ្យនិងអំណាចរបស់ទ្រង់ ហើយលើកតម្កើងអ្នករាល់គ្នាទ្បើងទៅ?
បន្ទាប់មកសាសន៍អេស៊ីព្ទបានទាក់ទាញពួកអ៊ីស្រាអែលឱ្យចាប់អារម្មណ៍ទៅលើបណ្តាជនរបស់ពួកគេ ដែលបានថ្វាយបង្គំព្រះផ្សេងៗតាមចិត្តគេចង់ ដែលសាសន៍អ៊ីស្រាអែលបានចាត់ទុកថាជាព្រះក្លែងក្លាយ។ ពួកគេបាននិយាយដោយលើកតម្កើងខ្លួនថា ព្រះរបស់ពួកគេបានធ្វើឱ្យពួកគេចម្រើនទ្បើង ហើយបានផ្តល់ស្បៀងអាហារនិងសំលៀកបំពាក់ដល់ពួកគេ ព្រមទាំងធ្វើឱ្យពួកគេចម្រើនទ្បើងហើយបានផ្តល់ស្បៀងអាហារ ព្រមទាំងធ្វើឱ្យពួកគេបានក្លាយជាអ្នកមានថែមទៀតផង ហើយគេនិយាយថាព្រះរបស់ពួកគេបានប្រគល់ជនជាតិអ៊ីស្រាអែល មកក្នុងកណ្តាប់ដៃគេ ដើម្បីឱ្យបំរើដល់ពួកគេ ហើយពួកគេមានអំណាចនឹងជិះជាន់សង្កត់សង្កិនសាសន៍អ៊ីស្រាអែល និងបំផ្លាញជីវិតពួកគេទាំងអស់ ដូច្នេះពួកគេមិនមែនជាជាតិសាសន៍អ្វីនោះឡើយ។ ពួកវាបានចំអកមើលងាយ ដោយគំនិតថា សាសន៍ហេព្រើរនឹងមិនអាចបានរំដោះរួចពីទាសភាពបានឡើយ។
អំណានព្រះគម្ពីរពេលល្ងាច៖ និក្ខមនំ ជំពូក៥
ខចងចាំ៖ ចូរស្ងៀមនៅចំពោះព្រះយេហូវ៉ា ហើយរង់ចាំទ្រង់ចុះកុំឲ្យក្តៅចិត្ត ដោយព្រោះអ្នកដែលចំរើនក្នុងផ្លូវគេឬមនុស្សដែលបង្កើតការអាក្រក់សំរេចបាននោះឡើយ។ ទំនុកតម្កើង ៣៧:៧
