​អំណានព្រះគម្ពីរពេលព្រឹក៖លោក​ក៏​មិន​បាន​សង្ស័យ ចំពោះ​សេចក្តី​សន្យា​របស់​ព្រះ ដោយ​ចិត្ត​មិន​ជឿ​ឡើយ គឺ​រឹត​តែ​មាន​សេចក្តី​ជំនឿ​ខ្លាំង​ឡើង ទាំង​សរសើរដំកើង​ដល់​ព្រះ​វិញ ហើយ​ក៏​ជឿជាក់​អស់​ពី​ចិត្ត​ថា សេចក្តី​អ្វី​ដែល​ទ្រង់​សន្យា នោះ​អាច​នឹង​ធ្វើ​ឲ្យ​សំរេច​បាន។ ​រ៉ូម ៤:២០-២១

អំណានប្រចាំថ្ងៃ៖ សាររបស់ទេវតា

អ៊ីសាកបានជឿទៅលើព្រះ។ គាត់បានទទួលការបង្រៀនឱ្យស្តាប់បង្គាប់ឪពុករបស់ខ្លួនជាដាច់ខាត ហើយគាត់ស្រឡាញ់និងគោរពដល់ព្រះនៃឪពុករបស់គាត់យ៉ាងខ្លាំង។ គាត់អាចប្រឆាំងទល់នឹង​ឪពុករបស់គាត់​បាន ប្រសិនបើគាត់ចង់។ ប៉ុន្តែ បន្ទាប់ពីការឱបរិតដ៏ពោរពេញដោយស្រឡាញ់ដល់ឪពុកគាត់មក គាត់បានប្រគល់ខ្លួនឱ្យឪពុកចង ហើយលើក​ដាក់លើឧស។ នៅពេលដែលដៃរបស់ឪពុកបានលើកទ្បើងប្រុងនឹងសម្លាប់កូនរបស់ខ្លួនទេវតានៃព្រះជាម្ចាស់ដែលបានកត់សំគាល់នូវការស្មោះត្រង់ទាំងអស់របស់លោកអ័ប្រាហាំនៅតាមផ្លូវ ទៅកាន់ភ្នំម៉ូរីយ៉ា បានមានបន្ទូល​ពី​លើមេឃហៅគាត់ថា «អ័ប្រាហាំៗអើយ នោះគាត់ទូលឆ្លើយថា ព្រះករុណា​​វិសេស​ ព្រះអម្ចាស់ រួចទ្រង់មានបន្ទូលថា កុំឱ្យលូកដៃទៅ​លើកូនក្មេងនោះទ្បើយ កុំឱ្យធ្វើអ្វីដល់វាឱ្យសោះ ដ្បិតឥឡូវនេះ អញដឹងថា ឯងកោតខ្លាចដល់ព្រះហើយ ដោយព្រោះមិនបានសំចៃទុកនូវកូនឯងតែមួយនោះនឹងអញសោះ»។

«នោះអ័ប្រាហាំងើបភ្នែក​​ទ្បើងឃើញចៀមឈ្មោលមួយ ជាប់ស្នែង​នៅព្រៃខាងក្រោយខ្លួន រួចក៏យកចៀមឈ្មោលនោះមកថ្វាយជាតង្វាយដុតជំនួសកូនខ្លួនវិញ»។ ឥឡូវនេះលោកអ័ប្រាហាំបានឆ្លងផុតពីការសាកល្បងបានយ៉ាងពេញលេញនិងដោយថ្លៃថ្នូរហើយ រួចដោយសារសេចក្តីជំនឿដ៏ស្មោះត្រង់របស់គាត់ បានបំពេញនូវការខ្វះខាតជំនឿគ្រប់​​លក្ខណ៍របស់គាត់ចំពោះទ្រង់ដែលបានបាត់បង់ដោយការយកនាងហាការមកធ្វើជាប្រពន្ធនោះ។ បន្ទាប់ពីការបង្ហាញនូវសេចក្តីជំនឿ និងការស្តាប់បង្គាប់របស់លោកអ័ប្រាហាំមកព្រះជាម្ចាស់ទ្រង់បានរំឭកសេចក្តីសន្យារបស់ទ្រង់ដល់គាត់។ «ទេវតានៃព្រះយេហូវ៉ា ទ្រង់ក៏ហៅពីលើមេឃមកអ័ប្រាហាំម្តងទៀត ទ្រង់មានបន្ទូលថា អញបានស្បថដោយនាមរបស់អញ ព្រោះឯង​បានធ្វើដូច្នេះ គឺដែលមិនបានសំចៃទុកនូវកូនឯងតែមួយនេះ នោះអញ​នឹងឱ្យពរដល់ឯងនឹងចម្រើនពូជឯងឱ្យមានគ្នាសន្ធឹក ដូចជាផ្កាយ​នៅ​លើមេឃ ហើយដូចជាខ្សាច់នៅមាត់សមុទ្រ ពូជឯងនឹងបានគ្រប់គ្រងលើទ្វារក្រុងនៃពូកខ្មាំងសត្រូវ គ្រប់ទាំងសាសន៍ នៅផែនដី នឹងបានពរដោយសារពូជឯង ពីព្រោះឯងបានស្តាប់តាមពាក្យអញ»។

​អំណានព្រះគម្ពីរពេលល្ងាច៖ ម៉ាថាយ ៦:២៥-៣៤