​អំណានព្រះគម្ពីរពេលព្រឹក៖ ក្មេង​រាល់​គ្នា​អើយ ចូរ​ស្តាប់​បង្គាប់​មាតា​បិតា​ខ្លួន​ក្នុង​ព្រះអម្ចាស់ ដ្បិត​ធ្វើ​ដូច្នោះ​ទើប​បាន​ត្រូវ។ អេភេសូរ ៦:១

អំណានប្រចាំថ្ងៃ៖ គំរូនៃការស្តាប់បង្គាប់របស់កូន

អ៊ីសាកត្រូវបានបង្ហាត់បង្រៀនឱ្យកោតខ្លាចព្រះ ទៅជាជីវិត​នៃ​ការស្តាប់​បង្គាប់។ ហើយពេលដែលគាត់មានអាយុ ៤០ឆ្នាំ គាត់បាន​ចុះចូល​​ជាមួយ​ព្រះទាំងស្រុង ដោយសុខចិត្តប្រគល់តួនាទីរើសគូ​ស្រករ​ដល់​អ្នកបំរើដ៏មានបទពិសោធន៍ និងកោតខ្លាចព្រះរបស់ឪពុកគាត់។ គាត់​បានជឿថា ព្រះនឹងដឹកនាំគាត់ទាក់ទងនឹងប្រពន្ធដែលគាត់​បាន​ទទួល​នេះ។ ករណីរបស់អ៊ីសាកនេះត្រូវបានកត់ទុកជាកំណត់ត្រា សម្រាប់ជាគំរូដល់មនុស្សជំនាន់ក្រោយឱ្យអនុវត្តតាម ជាពិសេស​ចំពោះ​អ្នកដែលអះអាងថាជាអ្នកកោតខ្លាចព្រះ។​ វិធីដែលលោកអ័ប្រាហាំបានប្រើដើម្បីអប់រំដល់អ៊ីសាកដែលធ្វើឱ្យគាត់ស្រឡាញ់ជីវិតនៃការស្តាប់បង្គាប់ដ៏ថ្លៃថ្នូរនេះ ត្រូវបានកត់ត្រាទុកសម្រាប់ជាប្រយោជន៍ដល់មាតាបិតាទាំងឡាយ ហើយនិងដឹកនាំពួកគេឱ្យគ្រប់គ្រងគ្រួសាររបស់គេតាមគំរូនេះ។ ពួកគេត្រូវតែបង្រៀនដល់កូនៗរបស់ខ្លួនឱ្យចេះ​ចុះចូលនិង​គោរព​នូវអំណាចគ្រប់គ្រងរបស់ឪពុកម្តាយ។ ហើយពួកគេត្រូវតែដឹងថាការដឹកនាំកូនៗឱ្យយល់ព្រមប្រគល់សេចក្តីស្រឡាញ់ ដល់អ្នកដែលពួក​គេនឹងរៀបចំទុកដាក់សម្រាប់កូនប្រុសកូនស្រីរបស់ខ្លួននោះគឺជាការទទួលខុសត្រូវផ្ទាល់របស់ពួកគេជាឪពុកម្តាយ។

​អំណានព្រះគម្ពីរពេលល្ងាច៖ លោកុប្ប​ត្តិ ២៤:៥០-៦៧