ថ្ងៃព្រហស្បតិ៍ ទី០៦ ខែតុលា ឆ្នាំ២០២២
អំណានព្រះគម្ពីរពេលព្រឹក៖ ចូរប្រាប់គេថា ព្រះអម្ចាស់យេហូវ៉ាទ្រង់ស្បថថា ដូចជាអញរស់នៅ នោះប្រាកដជាអញមិនរីករាយចំពោះសេចក្តីស្លាប់របស់មនុស្សអាក្រក់ឡើយ គឺចូលចិត្តឲ្យគេលះចោលផ្លូវរបស់ខ្លួន ហើយមានជីវិតរស់នៅវិញទេតើ ចូរឲ្យឯងរាល់គ្នាបែរមក ចូរបែរមកពីផ្លូវអាក្រក់របស់ខ្លួនចុះ ដ្បិតឱពួកវង្សអ៊ីស្រាអែលអើយ ហេតុអ្វីបានជាចង់ស្លាប់។ អេសេគាល ៣៣:១១
អំណានប្រចាំថ្ងៃ៖ គ្រប់ទាំងករណីត្រូវបានវិនិច្ឆ័យ
គ្រប់ទាំងករណីត្រូវបានសម្រេចឱ្យបានជីវិត ឬត្រូវស្លាប់។ នៅពេលដែលព្រះយេស៊ូវទ្រង់បានធ្វើការនៅក្នុងទីបរិសុទ្ធនោះ ការជំនុំជម្ររះត្រូវបានធ្វើបន្តសម្រាប់អ្នកសុចរិតដែលបានស្លាប់ រួចបន្ទាប់មកសម្រាប់អ្នកសុចរិតដែលមានជីវិតរស់នៅនៅឡើយ។ ព្រះគ្រីស្ទបានទទួលនគររបស់ទ្រង់បានធ្វើការប្រោសលោះឱ្យធួននឹងបាប សម្រាប់រាស្ត្ររបស់ទ្រង់ និងបានលុបចោលនូវអំពើបាបរបស់គេផង។
អាពាហ៍ពិពាហ៍របស់កូនចៀមត្រូវបានចប់រួចរាល់ហើយ។ ហើយនគរនិងសិរីរុងរឿងនៃនគរដែលនៅក្រោមស្ថានសួគ៌ ត្រូវបានប្រទានដល់ព្រះយេស៊ូវ និងអស់អ្នកដែលបានទទួលសេចក្តីសង្គ្រោះ។ ហើយព្រះយេស៊ូវនឹងគ្រងរាជ្យ ជាស្តេចលើអស់ទាំងស្តេចតទៅ។
នៅពេលដែលព្រះយេស៊ូវយាងចេញពីទីបរិសុទ្ធបំផុត ខ្ញុំបានឮសំឡេងចង្រ្កង់ ដែលនៅជាប់នឹងស្បៃរបស់ទ្រង់ ហើយនៅខណៈដែលទ្រង់យាងចេញនោះ មានពពកខ្មៅងងឹតបានមកគ្របដណ្តប់ អ្នកដែលរស់នៅលើផែនដីទាំងមូល។ នៅពេលនោះ គ្មានសន្ធាការី (អ្នកសម្របសម្រួល) រវាងមនុស្សជាអ្នកមានទោសនិងព្រះទេ។ នៅពេលដែលព្រះយេស៊ូវបានឈរនៅចន្លោះព្រះជាម្ចាស់ និងអ្នកមានទោស សាតាំងបានគ្រប់គ្រងលើមនុស្សរឹងចចេសទាំងស្រុង។
នៅពេលដែលព្រះយេស៊ូកំពុងធ្វើការនៅទីបរិសុទ្ធនោះ ទេវតាមិនអាចចាក់សេចក្តីវេទនាមកលើផែនដីបានទេ ប៉ុន្តែ នៅពេលដែលកិច្ចការរបស់ទ្រង់នៅទីនោះត្រូវបានបំពេញចប់សព្វគ្រប់ ហើយការជួយអង្វរសុំទោសព្រះវរបិតារបស់ទ្រង់បានបិទ នោះគ្មានអ្វីអាចទប់មិនឱ្យសេចក្តីក្រោធរបស់ព្រះធ្លាក់មកបានឡើយ ហើយសេចក្តីក្រោធនោះនឹងធ្លាក់យ៉ាងគំហុកមកលើក្បាលដែលគ្មានជម្រកការពាររបស់អ្នកមានបាប ដែលបានបដិសេធសេចក្តីសង្គ្រោះ និងដែលបានស្អប់ខ្ពើមការស្តីបន្ទោស។ នៅក្នុងគ្រាដ៏គួរឱ្យភ័យខ្លាចនោះ បន្ទាប់ពីការបិទការសម្របសម្រួលជាមួយនឹងព្រះវរបិតា ជំនួសមនុស្សរបស់ព្រះយេស៊ូមក ពួកអ្នកបរិសុទ្ធដែលបានរស់នៅចំពោះព្រះនេត្រនៃព្រះដ៏បរិសុទ្ធ ដោយមិនចាំបាច់មានអ្នកសម្របសម្រួលទៀតទេ។ ព្រះអង្គបានសម្រេចគ្រប់ករណីទាំងអស់រួចរាល់ហើយ អស់អ្នកដែលទទួលព្រះយេស៊ូវជាព្រះអង្គសង្គ្រោះ ជាមនុស្សដែលនៅក្នុងក្រុមបរិសុទ្ធនោះ។ ព្រះយេស៊ូវបានរង់ចាំនៅទីលានខាងក្រៅទីបរិសុទ្ធនៅស្ថានសួគ៌បន្តិច ហើយទ្រង់បានយកអស់ទាំងអំពើបាបដែលមនុស្សបានលន់តួទៅទ្រង់ នៅពេលដែលទ្រង់គង់នៅឯទីបរិសុទ្ធបំផុតនោះ ប្រគល់ឱ្យទៅសាតាំងជាម្ចាស់ដើមនៃអំពើបាបនោះវិញ ហើយវាត្រូវតែទទួលរងទុក្ខ ចំពោះអំពើបាបទាំងនោះ។
អំណានព្រះគម្ពីរពេលល្ងាច៖ វិវរណៈ ជំពូក ៧ៈ១-៤; ៩-១៧
ខចងចាំ៖ ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ ព្រមទាំងធ្វើបុណ្យជ្រមុជទឹកឲ្យ ដោយនូវព្រះនាមព្រះវរបិតា ព្រះរាជបុត្រា និងព្រះវិញ្ញាណបរិសុទ្ធចុះ ហើយបង្រៀន ឲ្យគេកាន់តាមគ្រប់ទាំងសេចក្តី ដែលខ្ញុំបានបង្គាប់មកអ្នករាល់គ្នាផង ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប។ អាម៉ែន។ ម៉ាថាយ ២៨:១៩-២០
