​អំណានព្រះគម្ពីរពេលព្រឹក៖ ព្រះយេហូវ៉ា​ទ្រង់​មាន​ព្រះបន្ទូល​នឹង​អាប់រ៉ាម​ថា ចូរ​ឯង​ចេញ​ពី​ស្រុក ពី​ញាតិសន្តាន និង​ពី​ផ្ទះ​ឪពុក​ឯង ទៅ​នៅ​ឯ​ស្រុក​ដែល​អញ​នឹង​បង្ហាញ​ឯងចុះ។ លោកុប្បត្តិ ១២ៈ១

អំណានប្រចាំថ្ងៃ៖ ​ត្រូវបានហៅឲ្យទៅសាបព្រោះដូចព្រះយេស៊ូវបានសាបព្រោះដែរ

ទ្រង់បានយាងទៅទទួលរងជាមនុស្សដែលឈឺចាប់ ត្រូវល្បួង ទ្រង់យាងចេញទៅដោយភាពឯកាទៅសាបព្រោះទាំងហូរទឹកនេត្រា(ទឹកភ្នែក)ទៅស្រោចស្រពដោយព្រះលោហិត សាបព្រោះគ្រាប់ពូជនៃជីវិតឲ្យពិភព​លោក​ដែលបាត់បង់។

អ្នកបម្រើទ្រង់ក៏ដូចគ្នាដែរត្រូវចេញទៅសាបព្រោះ។ ​ នៅពេលដែលត្រាស់ហៅឲ្យធ្វើជាអ្នកសាបព្រោះគ្រាប់ពូជនៃសេចក្តីពិត ព្រះជាម្ចាស់មានបន្ទូលប្រាប់ទៅលោកអ័ប្រាហាំថា «ចូរឯងចេញពីស្រុក ពីញាតិសណ្តាន នឹងពីផ្ទះឪពុកឯងទៅនៅឯស្រុកដែលអញនឹងបង្ហាញឯងចុះ» លោកុប្បត្តិ ១២ៈ១។ «គឺចេញទៅឥតមានដឹងជាទៅឯណាទេ» ហេព្រើរ១១ៈ៨។

នៅក្នុងរបៀបស្រដៀងគ្នានេះដែរលោកប៉ុលដែលជាសាវ័ករបស់ព្រះយេស៊ូវម្នាក់ដែរនោះ ខណៈពេលដែលគាត់កំពុងតែអធិស្ឋាននៅក្នុងព្រះវិហារនៅទីក្រុងយេរូសាឡិម ស្តាប់សារនេះមកពីព្រះជាម្ចាស់» ចូរទៅ​ចុះដ្បិតខ្ញុំនឹងចាត់អ្នកឲ្យទៅឯសាសន៍ដទៃដែលនៅឆ្ងាយពីទីនេះ។ កិច្ចការ២២ៈ២១។ ដូច្នេះអស់អ្នកដែលត្រូវបានហៅមករួបរួមជាមួយព្រះយេស៊ូវ ត្រូវតែលះបង់គ្រប់យ៉ាងដើម្បីដើរតាមទ្រង់។ ទំនាក់ទំនងចាស់ៗត្រូវតែបែកគ្នា គម្រោងសម្រាប់អនាគតនិងក្តីសង្ឃឹមនៅលើផែនដីត្រូវតែបោះបង់ចោល។ ត្រូវតែខំសាបព្រោះគ្រាប់ពូជទាំងទឹកភ្នែកទាំងនៅក្នុងភាពឯកានិងតាមរយៈការលះបង់។

​អំណានព្រះគម្ពីរពេលល្ងាច៖ ម៉ាថាយ ៥៖៣៣-៣៧