​អំណានព្រះគម្ពីរពេលព្រឹក៖ នោះ​គេ​និយាយ​គ្នា​ថា តើ​យើង​មិន​មាន​សេចក្តី​ខ្មួលខ្មាញ់​នៅ​ក្នុង​ចិត្ត ក្នុង​ពេល​ដែល​ទ្រង់​កំពុង​តែ​មាន​ព្រះបន្ទូល​នឹង​យើង ហើយ​សំដែង​ពី​គម្ពីរ តាម​ផ្លូវ​នោះ​ទេ​ឬ​អី។ លូកា ២៤ៈ៣២

អំណានប្រចាំថ្ងៃ៖ ចូរឲ្យព្រះបន្ទូលរបស់ព្រះនិយាយទៅកាន់មនុស្សគ្រប់គ្នា

នៅក្នុងសម័យកាលព្រះយេស៊ូវពួកគ្រូបង្រៀនសាសនាបានប្តូរអត្ថន័យនៃព្រះគម្ពីរជាច្រើនកន្លែង។ ដោយសារការបង្រៀនព្រះបន្ទូលរបស់ព្រះ ជាម្ចាស់ផ្តន្ទាទោសចំពោះការប្រព្រឹត្តិរបស់ពួកគេដោយត្រង់ៗ ពួកគេបានព្យាយាមបំផ្លាញអំណាចរបស់វា។ សព្វថ្ងៃនេះការប្រព្រឹត្តិបែបនេះ ក៏កើតមាន​ដូចគ្នាដែរ។ ព្រះបន្ទូលរបស់ព្រះជាម្ចាស់ត្រូវបានគេធ្វើឲ្យមានសភាពដូចជាអាថ៌កំបាំង ហើយពិបាកយល់ ដើម្បីដោះសា យករួចខ្លួនពីការរំលងក្រឹត្យវិន័យរបស់ព្រះ។ ព្រះយេស៊ូវបានស្តីបន្ទោសចំពោះការប្រព្រឹត្តិទាំងនេះ​​នៅក្នុងសម័យកាលរបស់ទ្រង់។ ទ្រង់បានបង្រៀនថា ព្រះបន្ទូល​របស់​ព្រះជាម្ចាស់ត្រូវបានចែងឡើងឲ្យមនុស្សគ្រប់គ្នាបានយល់។ ទ្រង់បានចង្អុលទៅ​ព្រះគម្ពីរថា ជាព្រះគម្ពីរដែលត្រឹមត្រូវឥតខ្ចោះហើយយើង​ត្រូវ​ប្រព្រឹត្តិ​ដូចគ្នា​ដែរ។ ត្រូវបង្រៀនព្រះគម្ពីរថាជាព្រះបន្ទូលរបស់ព្រះជាម្ចាស់ជាចុងបញ្ចប់នៃវិវាទទាំងអស់ និងជាមូលដ្ឋានគ្រឹះនៃសេចក្តីជំនឿទាំងអស់។

មនុស្សបានប្លន់​អំណាច​ពីព្រះគម្ពីរ ហើយលទ្ធផលបានបង្ហាញឲ្យឃើញនៅក្នុងភាពខ្វះខាតខាងព្រលឹងវិញ្ញាណសុីជម្រៅនៅក្នុងគ្រីស្ទាននានា។ការអធិប្បាយដែលបានអធិប្បាយនៅក្នុងព្រះវិហារជាច្រើនគឺខ្វះអំណាចពីព្រះវិញ្ញាណបរិសុទ្ធដែលជួយដាស់មនសិការនិងផ្តល់ជីវិតខាងព្រលឹងវិញ្ញាណឲ្យដល់អ្នកស្តាប់។ អ្នកស្តាប់មិនអាចនិយាយថា «តើយើងមិនមានសេចក្តីខ្មួលខ្មាញ់នៅក្នុងចិត្ត ក្នុងពេលដែលកំពុងតែមានបន្ទូលនឹងយើង ហើយសម្តែងពីគម្ពីរតាមផ្លូវនោះទេឬអី?» លូកា ២៤ៈ៣២។ មានមនុស្សជាច្រើន​ដែលស្រែកដង្ហោយរកព្រះដែលមានព្រះជន្មរស់ ចង់ជួប/ឃើញទ្រង់ជាខ្លាំងlonging for His Presence។ ទស្សនវិទ្យា និងអក្សរសាស្ត្រ ទោះបីជាឆ្លាត ឬខ្លាំងពូកែប៉ុនណាក៏មិនអាចធ្វើឲ្យចិត្តបានស្កប់ស្កល់ដែរ។ ការអះអាង និងការបង្កើត​របស់មនុស្សគឺគ្មានតម្លៃទេ។ សូមឲ្យព្រះបន្ទូលរបស់ព្រះជាម្ចាស់និយាយទៅកាន់មនុស្សនានា។ មនុស្សទាំងឡាយណាដែលបានឮតែគំនិតរបស់​មនុស្សចាំបាច់ត្រូវតែឮព្រះបន្ទូលរបស់ព្រះជាម្ចាស់ហើយទទួលបានការកែប្រែជីវិតជាថ្មី ដែលនាំឆ្ពោះទៅរកជីវិតអស់កល្ប។

​អំណានព្រះគម្ពីរពេលល្ងាច៖ ម៉ាថាយ ៦៖៥-១៥