​អំណានព្រះគម្ពីរពេលព្រឹក៖ តែ​ចូរ​កំឡា​ចិត្ត​គ្នា​ទៅ​វិញ​ទៅ​មក​ជា​រាល់​ថ្ងៃ​វិញ ក្នុង​កាល​ដែល​នៅ​តែ​ហៅ​ថា «ថ្ងៃ​នេះ»នៅ​ឡើយ ក្រែង​អ្នក​រាល់​គ្នា​ណា​មួយ​មាន​ចិត្ត​រឹងរូស ដោយ​សេចក្តី​បញ្ឆោត​របស់​អំពើ​បាប។ ហេព្រើរ ៣:១៣

អំណានប្រចាំថ្ងៃ៖ ​ដីនៅតាមជាយផ្លូវ ឬខាងផ្លូវ

ចំណុចសំខាន់នៃរឿងប្រៀបប្រដូចអំពីអ្នកសាបព្រោះគឺជាពិសេសនិយាយអំពីប្រភេទដី និងផលប៉ះពាល់របស់វា នៅពេលដែល​ដំណាំនោះ​ដុះ​នៅលើ។ ក្នុងការនិយាយរឿងប្រៀបប្រដូចនេះព្រះយេស៊ូវបានមានបន្ទូលទៅកាន់អ្នកស្តាប់របស់ទ្រង់ថា«វាមិនមែនជារឿងល្អនោះទេ ដែលអ្នករិះគន់​ការងាររបស់ខ្ញុំនោះ ឬក៏ធ្វើឲ្យអ្នកខកចិត្តដោយសារតែអ្វីដែលខ្ញុំធ្វើមិនមែនជាអ្វីដែលអ្នកបានគិតរំពឹងទុកនោះទេ»។ សំណួរដែលធំសំខាន់បំផុតចំពោះអ្នកនោះគឺតើអ្នកធ្វើអ្វីចំពោះដំណឹងរបស់ខ្ញុំ? ជីវិតអស់កល្បឬក៏សេចក្តីស្លាប់របស់អ្នកគឺអាស្រ័យទៅលើរបៀបនៃការទទួលយកនូវអ្វីដែលខ្ញុំនិយាយ។

ក្នុងការពន្យល់អំពីអត្ថន័យនៃគ្រាប់ពូជដែលធ្លាក់នៅតាមផ្លូវ ទ្រង់បានមានបន្ទូលថា «នៅពេលមាននរណាម្នាក់ឮដំណឹងអំពីនគរឋានសួគ៌ហើយធ្វើជាមិនយល់នោះសាតាំងនឹងមក ហើយឆក់យកសេចក្តីពិតដែលបានសាបព្រោះនៅក្នុងចិត្តរបស់គេចេញ។ នេះគឺជាអ្វីដែលនឹងកើតឡើងចំពោះអ្នកដែលមានលក្ខណៈដូចជាគ្រាប់ពូជដែលធ្លាក់នៅតាមផ្លូវ។

គ្រាប់ពូជដែលសាបព្រោះនៅតាមផ្លូវតំណាងឲ្យព្រះបន្ទូលរបស់ព្រះកាលណាព្រះបន្ទូលនោះបានឮដល់អ្នកស្តាប់ដែលមិនមានចិត្តចាប់អារម្មណ៍។គឺអ្នកដែលមានចិត្តស្រឡាញ់ការសប្បាយខាងលោកិយនិងអំពើបាបគឺដូចជាផ្លូវដែលត្រូវបានមនុស្សនិងសត្វកំណាចដើរជាន់ពីលើឲ្យហាប់។ មនុស្សនោះរវល់តែធ្វើអ្វីៗសម្រាប់ខ្លួនឯង ហើយសប្បាយរីករាយជាមួយនិងខាងលោកិយគឺជាមនុស្សដែល «មានចិត្តរឹងរូសដោយសេចក្តីបញ្ឆោតរបស់អំពើបាប»។ ហេព្រើរ ៣ៈ១៣។ ពួកគេត្រូវពិការខាងឯព្រលឹងវិញ្ញាណ។ មនុស្សឮព្រះបន្ទូលតែមិនយល់អំពីវា។ ពួកគេមិនឃើញថា វាមានជាប់ទាក់ទងជាមួយនិងពួកគេនោះទេ។ ពួកគេមិនដឹងពីសេចក្តីត្រូវការឬក៏ភាពគ្រោះថ្នាក់របស់ពួកគេទេ។ ពួកគេមិនយល់ច្បាស់អំពីសេចក្តីស្រឡាញ់របស់ព្រះយេស៊ូវនោះទេ ហើយក៏ចាត់ទុកព្រះគុណរបស់ព្រះជាម្ចាស់ដូចជារឿងឬរបស់ដែលមិនសំខាន់ចំពោះពួកគេទៅវិញ។

​អំណានព្រះគម្ពីរពេលល្ងាច៖ ម៉ាថាយ ៧៖១-៦