​អំណានព្រះគម្ពីរពេលព្រឹក៖ គឺ​កាល​ណា​បើ​អ្នក​ណា​ស្តាប់​ព្រះបន្ទូល​ពី​នគរ តែ​មិន​យល់ នោះ​អា​កំណាច​ក៏​មក​ឆក់​យក​សេចក្តី ដែល​បាន​ព្រោះ​ក្នុង​ចិត្ត​អ្នក​នោះ​ទៅ​បាត់ នេះ​គឺ​ជា​អ្នក​ដែល​បាន​ទទួល​ពូជ​តាម​ផ្លូវ ។ ម៉ាថាយ ១៣:១៩

អំណានប្រចាំថ្ងៃ៖ការទិតៀនធ្វើឲ្យមនុស្សងាកបែរចេញពីព្រះជាម្ចាស់

អ្នកស្តាប់ជាច្រើនដែលស្តាប់ការអធិប្បាយអំពីព្រះបន្ទូលរបស់ព្រះចំណាយពេលរិះគន់ការអធិប្បាយនៅឯផ្ទះ។ ពួកគេអង្គុយរិះគន់ទៅលើការអធិប្បាយដូចជាការរិះគន់ទៅលើពាក្យសំដីរបស់អ្នកដែលនិយាយឬបង្រៀនឬក៏អ្នកនិយាយខាងនយោបាយ។ សារឬដំណឹងដែលពួកគេគួរតែ​ទទួលយកដូចជាព្រះបន្ទូលរបស់ព្រះជាម្ចាស់គឺនិយាយទៅហាក់ដូចជាមានតម្លៃតិចតួច ឬក៏បញ្ចេញយោបល់បញ្ឈឺទៅវិញ។ អត្តចរិត ហេតុផល ហើយនឹងទង្វើ​របស់គ្រូគង្វាល ហើយនឹងទង្វើរបស់ក្រុមជំនុំ ត្រូវបានគេយក​ទៅ​និយាយ​​ដោយសេរី។ ពួកគេតែងតែចាប់កំហុសលើអ្នកអធិប្បាយហើយនិងការចែកចាយដំណឹងល្អរបស់គាត់ ឬក៏និយាយដើមនិងនិយាយខុសអំពីអ្នកដទៃហើយពួកគេធ្វើបែបនេះនៅកន្លែងណាដែលអ្នកមានជំនឿផ្សេងឬមិនមានជំនឿអាចស្តាប់ឮ។ ជាញឹកញាប់ឪពុកម្តាយតែងតែនិយាយបែបនេះ​នៅពេលដែលកូនៗរបស់ពួកគេកំពុងតែស្តាប់។ ការធ្វើបែបនេះការគោរព​ចំពោះអ្នកអធិប្បាយហើយនិងគ្រូបង្រៀនរបស់ព្រះជាម្ចាស់ត្រូវបានបំផ្លាញហើយសារឬដំណឹងដែលពួកគេចែកចាយគ្មានប្រសិទ្ធិភាពល្អនោះទេ។ មានមនុស្សជាច្រើនត្រូវបានគេបង្រៀនឲ្យគិតថា ព្រះបន្ទូលរបស់ព្រះជាម្ចាស់គឺមិនមានអ្វីពិសេសនោះទេ។

ដូច្នេះនៅក្នុងគ្រួសារណាដែលហៅខ្លួនឯងថាជាគ្រីស្ទាន យុវវ័យជាច្រើនត្រូវបានអប់រំឲ្យទៅជាមនុស្សដែលមិនមានជំនឿទៅលើព្រះជាម្ចាស់នោះទេ។ ឪពុកម្តាយឆ្ងល់ថា ហេតុអ្វីបានជាកូនៗរបស់ពួកគេមានចំណាប់អារម្មណ៍ទៅលើដំណឹងល្អតិចតួចម្លេ៉ះ ហើយក៏ត្រៀមខ្លួនសង្ស័យចំពោះសេចក្តីពិតនៃព្រះគម្ពីររួចជាស្រេច។ ពួកគេមិនយល់ពីមូលហេតុដែលថាហេតុអ្វីបានជាពិបាកឲ្យកូនៗរបស់ពួកគេដើរតាមសីលធម៌ ហើយនិងការបង្រៀនខាងព្រះវិញ្ញាណនៃព្រះបន្ទូលរបស់ព្រះជាម្ចាស់ខ្លាំងម្លេ៉ះ។ ពួកគេមិនបានឃើញពីគំរូរបស់ពួកគេដែលបង្ហាញដល់កូនៗដែលធ្វើឲ្យកូនៗរបស់ពួកគេមានចិត្តរឹងរូសនោះទេ។ គ្រាប់ពូជល្អរកកន្លែងចាក់ឫស​មិនបាន ហើយ​​សាតាំងក៏យកវាចេញទៅ។

​អំណានព្រះគម្ពីរពេលល្ងាច៖ ម៉ាថាយ ៧៖១២-១៤