ថ្ងៃអង្គារ ទី២៩ ខែវិច្ឆិកា ឆ្នាំ២០២២
អំណានព្រះគម្ពីរពេលព្រឹក៖ ហើយអ្នកដែលបានទទួលពូជក្នុងកន្លែងថ្ម នោះគឺជាអ្នកដែលឮព្រះបន្ទូល រួចទទួលភ្លាមដោយអំណរ តែគ្មានចាក់ឫសនៅក្នុងខ្លួន ហើយមិននៅជាប់ជាយូរប៉ុន្មានទេ លុះកាលណាកើតមានសេចក្តីទុក្ខលំបាក ឬសេចក្តីបៀតបៀនដោយព្រោះព្រះបន្ទូល នោះគេរសាយចិត្តចេញភ្លាម។ ម៉ាថាយ ១៣:២០-២១
អំណានប្រចាំថ្ងៃ៖ ចិត្តដែលរឹងរួសនាំឲ្យក្លាយទៅជាគ្រីស្ទានដែលទន់ខ្សោយ
អ្នកដែលទទួលគ្រាប់ពូជនៅកន្លែងដែលមានដុំថ្មច្រើនគឺជាអ្នកដែលឮព្រះបន្ទូលហើយទទួលយកវាដោយអំណរគ្រាប់ពូជនោះរស់បានតែរយៈពេលខ្លី ប៉ុន្តែដោយសារតែមិនសូវមានដីច្រើន គ្រាប់ពូជមិនអាចចាក់ឫសបានហើយនៅពេលដែលមានបញ្ហាឬក៏ការបៀតបៀនមកដល់ដោយសារតែមានសេចក្តីជំនឿលើព្រះយេស៊ូវអ្នកនោះមានចិត្តអាម៉ាស់ហើយបោះបង់សេចក្តីអំណរដែលខ្លួនទទួលបានទៅ។
គ្រាប់ពូជដែលបានសាបព្រោះទៅលើដីដែលសំបូរដុំថ្មមិនមានដីច្រើនសម្រាប់លូតលាស់ទេ។ រុក្ខជាតិដុះឡើងឆាប់រហ័ស ប៉ុន្តែឫសរបស់វាមិនអាចដុះចាក់ចូលទៅក្នុងថ្ម ដើម្បីស្រូបយកជីវជាតិចិញ្ចឹមខ្លួនវាឲ្យធំលូតលាស់បានទេ ហើយមិនយូរទេ វានឹងងាប់។ មនុស្សជាច្រើនដែលនិយាយថាពួកគេជឿនោះគឺជាអ្នកស្តាប់ឮប្រៀបដូចជារុក្ខជាតិដែលដុះនៅលើកន្លែងដែលសំបូរដុំថ្ម។ ដូចដុំថ្មនៅក្រោមស្រទាប់ដីរាក់ចិត្តអាត្មានិយមរបស់ពួកគេស្ថិតនៅពីក្រោមដីនៃសេចក្តីប្រាថ្នានិងការតាំងចិត្តល្អ។ គេមិនបានគ្រប់គ្រងការស្រឡាញ់ខ្លួននោះទេ។ ពួកគេមិនបានយល់ទេថា អំពើបាបនោះវាមានទោសធ្ងន់ទេ ហើយទោសកំហុសដែលពួកគេបានប្រព្រឹត្តិមិនបាននាំឲ្យពួកគេចេះបន្ទាបខ្លួនឡើយ។ មនុស្សទាំងនេះអាចឆាប់ទទួលដំណឹងល្អអំពីព្រះយេស៊ូវហើយមើលទៅដូចជាអ្នកដែលផ្លាស់ប្តូរជំនឿបានល្អ(មានជំនឿមុតមាំ) ប៉ុន្តែពួកគេមានជំនឿលើសាសនាមិនសុីជម្រៅនោះទេ។
អំណានព្រះគម្ពីរពេលល្ងាច៖ ម៉ាថាយ ៧៖១៥-២០
ខចងចាំ៖ «ខ្ញុំប្រាប់អ្នករាល់គ្នាថា នៅស្ថានសួគ៌នឹងមានសេចក្តីអំណរយ៉ាងនោះដែរ ដោយសារមនុស្សបាបតែ១នាក់ ដែលប្រែចិត្តវិញ ជាជាងមនុស្សសុចរិត៩៩នាក់ ដែលមិនត្រូវការប្រែចិត្តទេ»។ លូកា ១៥:៧
