ថ្ងៃព្រហស្បតិ៍ ទី៣ ខែវិច្ឆិកា ឆ្នាំ២០២២
អំណានព្រះគម្ពីរពេលព្រឹក៖ ចូរពិចារណាពីសត្វស្លាបនៅលើអាកាស វាមិនសាបព្រោះ មិនច្រូតកាត់ ឬប្រមូលដាក់ក្នុងជង្រុកផង តែព្រះវរបិតានៃអ្នក ដែលគង់នៅស្ថានសួគ៌ ទ្រង់ចិញ្ចឹមវា ឯអ្នករាល់គ្នា តើគ្មានតម្លៃលើសជាងសត្វទាំងនោះទេឬអី។ ម៉ាថាយ ៦:២៦
អំណានប្រចាំថ្ងៃ៖ ព្រះយេស៊ូវបង្រៀនមេរៀនមកពីធម្មជាតិ
ដូច្នេះ នៅក្នុងប្រទេសអុីស្រាអែល ការបង្រៀនរបស់មនុស្សត្រូវបានដាក់ជំនួសការបង្រៀនរបស់ព្រះជាម្ចាស់។ មិនត្រឹមតែវត្ថុឬរបស់ទាំងឡាយនៅក្នុងធម្មជាតិតែប៉ុណ្ណោះទេ ប៉ុន្តែ ថែមទាំងពិធីធ្វើយញ្ញបូជានិងបង្រៀនព្រះគម្ពីរដោយគំនិតខ្លួនឯងទៀតផងទាំងអស់នេះត្រូវបានផ្តល់ឲ្យដើម្បីបង្ហាញពីព្រះជាម្ចាស់ត្រូវបានយកទៅបង្រៀនខុសហើយផលប៉ះពាល់នោះគឺត្រូវលាក់បាំងចំណេះប្រាជ្ញារបស់ព្រះជាម្ចាស់ពីមនុស្ស។
ព្រះយេស៊ូវបានយាងមកលើកគំរបដែលអំពើបាបបានគ្របដណ្តប់លើធម្មជាតិនៃលោកិយ។ ទ្រង់បានយាងមកយកគម្របដែលអំពើបាបគ្របពីលើផ្ទៃធម្មជាតិចេញដើម្បីឲ្យមនុស្សបានឃើញសិរីល្អរបស់ព្រះជាម្ចាស់សាជាថ្មី តាមរយៈការបង្កើតរបស់ទ្រង់។ ព្រះបន្ទូលរបស់ទ្រង់បានដាក់ការបង្រៀនពីធម្មជាតិក៏ដូចជាព្រះគម្ពីរនៅក្នុងរបៀបថ្មីហើយធ្វើឲ្យការបង្រៀនទាំងនោះក្លាយទៅជារឿងដែលថ្មីសម្រាប់បង្ហាញ។
ព្រះយេស៊ូវបានបេះផ្កាព្រលិតហើយដាក់វានៅក្នុងដៃកុមារតូចៗនិងពួកយុវវ័យ ហើយខណៈពេលដែលពួកគេមើលទៅព្រះភ័ក្ត្រដ៏ក្មេងរបស់ទ្រង់ ស្រស់ថ្លាដោយពន្លឺថ្ងៃចាំងពីព្រះភ័ក្ត្ររបស់ព្រះបិតាទ្រង់ ទ្រង់ក៏បានបង្រៀនថា «ចូររំពឹងគិតតែពីផ្កាឈូកនៅក្នុងបឹងដែលវាដុះជាយ៉ាងដូចម្តេចគឺវាមិននឿយហត់នឹងធ្វើការឬស្រាវរវៃទេ។ តែខ្ញុំប្រាប់អ្នករាល់គ្នាថាសូម្បីតែហ្លួងសាឡូម៉ូនក្នុងគ្រាដែលមានគ្រប់ទាំងសេចក្តីរុងរឿងរបស់ទ្រង់ នោះទ្រង់មិនបានតែងអង្គដូចជាផ្កា១ទងនោះផង»។ បន្ទាប់មកព្រះយេស៊ូវមានបន្ទូលកម្សាន្តចិត្តហើយបង្រៀនពួកមនុស្សថា «រីឯតិណជាតិដែលដុះនៅវាលក្នុងថ្ងៃនេះហើយថ្ងៃស្អែកត្រូវគេដុតនៅជើងក្រាន បើព្រះទ្រង់តុបតែងស្មៅយ៉ាងដូច្នោះនោះឱមនុស្សមានជំនឿតិចអើយ តើទ្រង់មិនតុបតែងឲ្យអ្នករាល់គ្នាលើសជាងទៅទៀតទេឬអី?
អំណានព្រះគម្ពីរពេលល្ងាច៖ ម៉ាថាយ ២៖១-១២
ខចងចាំ៖ ដូចមានសេចក្តីចែងទុកមកថា«សេចក្តីដែលភ្នែកមិនដែលឃើញ ត្រចៀកមិនដែលឮ ហើយចិត្តនឹកមិនដែលដល់ គឺសេចក្តីនោះឯងដែលព្រះបានរៀបចំទុកសំរាប់ពួកអ្នកដែលស្រឡាញ់ទ្រង់»។ កូរិនថូសទី១ ២៖៩
