ថ្ងៃព្រហស្បតិ៍ ទី១ ខែធ្នូ ឆ្នាំ២០២២
អំណានព្រះគម្ពីរពេលព្រឹក៖ ពួកសិស្សទ្រង់ជាច្រើន ដែលឮសេចក្តីនោះ ក៏និយាយថា ពាក្យនេះពិបាកស្តាប់ណាស់ តើអ្នកណាយល់បាន ប៉ុន្តែ ព្រះយេស៊ូវទ្រង់ជ្រាបក្នុងព្រះអង្គទ្រង់ថា ពួកសិស្សរទូរទាំពីសេចក្តីនោះ បានជាទ្រង់មានព្រះបន្ទូលថា តើសេចក្តីនេះនាំបង្អាក់ដល់ចិត្តអ្នករាល់គ្នាឬអី ចុះបើអ្នករាល់គ្នាបានឃើញកូនមនុស្សឡើងទៅឯស្ថាន ដែលលោកនៅពីដើម នោះតើនឹងគិតដូចម្តេចទៅ គឺជាវិញ្ញាណដែលឲ្យមានជីវិត រូបសាច់គ្មានប្រយោជន៍អ្វីទេ ឯពាក្យដែលខ្ញុំនិយាយនឹងអ្នករាល់គ្នា នោះត្រូវខាងវិញ្ញាណនឹងជីវិតវិញ ។ យ៉ូហាន ៦:៦០-៦៣
អំណានប្រចាំថ្ងៃ៖ គោលបំណងនៃដំណឹងល្អ គឺត្រូវជួយយើងឲ្យចេញផុតពីអំពើបាប
ពន្លឺថ្ងៃនៅរដូវក្តៅដែលជួយពង្រឹងនិងធ្វើឲ្យគ្រាប់ពូជនៅលើដើមរុក្ខជាតិដែលមានឫសចាក់ជ្រៅទុំបំផ្លាញរុក្ខជាតិដែលមានឫសខ្លី។ ដូចគ្នានេះដែរ អ្នកដែលគ្មានឫស«នៅរស់តែ១រយៈ» ប៉ុន្តែ នៅពេលដែលមានបញ្ហាឬក៏ការបៀតបៀនមកដល់ ដោយសារតែព្រះបន្ទូលរបស់ព្រះមិនយូរទេ អ្នកនោះនឹងបោះបង់ហើយ។ មនុស្សជាច្រើនទទួលយកដំណឹងល្អធ្វើជាផ្លូវគេចចេញពីការឈឺចាប់ជាជាងយកវាមកជួយរំដោះខ្លួនឲ្យរួចពីអំពើបាប។ ពួកគេរីករាយ១រយៈតែប៉ុណ្ណោះ ដោយសារតែពួកគេគិតថា សាសនានឹងជួយឲ្យពួកគេរួចពីទុក្ខលំបាកនិងបញ្ហានានា។ ខណៈពេលដែលជីវិតមិនមានបញ្ហាធំដុំពួកគេធ្វើហាក់ដូចជាគ្រីស្ទានល្អ។ ប៉ុន្តែនៅពេលដែលសេចក្តីល្បួងមកដល់ ពួកគេបរាជ័យឬក៏បោះបង់ចោល។ ពួកគេមិនអាចទទួលយកការរិះគន់ការតិះដៀលនិងការបៀតបៀននានាបាន ដែលរឿងនេះច្រើនតែកើតមានឡើងចំពោះអ្នកដែលជឿលើព្រះយេស៊ូវ។ នៅពេលដែលព្រះបន្ទូលរបស់ព្រះបង្ហាញអំពីការស្រឡាញ់អំពើបាបខ្លះៗឬក៏តម្រូវឲ្យធ្វើការលះបង់ពួកគេមិនសប្បាយចិត្តទេ។ វានឹងធ្វើឲ្យពួកគេពិបាកយ៉ាងខ្លាំងនៅក្នុងការកែប្រែយ៉ាងធំហើយឆាប់រហ័សនៅក្នុងជីវិតរបស់ពួកគេ។ ពួកគេមើលទៅមើលទៅការលំបាកនិងបញ្ហានៅពេលបច្ចុប្បន្ន ហើយភ្លេចពីមរតកដែលព្រះបានសន្យាដែលមរតក៌នោះគឺជាភាពអស់កល្ប។ ដូចពួកសាវ័កដែលចាកចេញពីព្រះយេស៊ូវដែរពួកគេត្រៀមខ្លួននិយាយជាស្រេចថា «ពាក្យនេះពិបាកស្តាប់ណាស់តើអ្នកណាយល់បាន?» យ៉ូហាន ៦ៈ៦០។
អំណានព្រះគម្ពីរពេលល្ងាច៖ ម៉ាថាយ ៧៖២៤-២៩
ខចងចាំ៖ «ខ្ញុំប្រាប់អ្នករាល់គ្នាថា នៅស្ថានសួគ៌នឹងមានសេចក្តីអំណរយ៉ាងនោះដែរ ដោយសារមនុស្សបាបតែ១នាក់ ដែលប្រែចិត្តវិញ ជាជាងមនុស្សសុចរិត៩៩នាក់ ដែលមិនត្រូវការប្រែចិត្តទេ»។ លូកា ១៥:៧
