​អំណានព្រះគម្ពីរពេលព្រឹក៖ ឱ​ពួក​ស្ងួនភ្ងា​អើយ ខ្ញុំ​ទូន្មាន​អ្នក​រាល់​គ្នា​ទុក​ដូច​ជា​ពួក​ប្រទេស​ក្រៅ ហើយ​ដូច​ជា​ពួក​អ្នក​ដែល​គ្រាន់​តែ​សំណាក់​នៅ​ថា ចូរ​ឲ្យ​អ្នក​រាល់​គ្នា​ចៀស​ពី​សេចក្តី​ប៉ងប្រាថ្នាខាង​សាច់​ឈាម ដែល​តយុទ្ធ​នឹង​ព្រលឹង​វិញ្ញាណ​ចេញ។ ពេត្រុសទី១ ២:១១

អំណានប្រចាំថ្ងៃ៖ ​ភាពជោគជ័យខាងលោកិយ អាចធ្វើឲ្យស្លាប់អស់​កល្បបាន

នៅពេលដែលចិត្តគំនិតនៅក្មេងខ្ចីមានកម្លាំងខ្លាំងអាចសម្របទៅនឹងការផ្លាស់ប្តូរភ្លាមៗឬឆាប់រហ័សនោះគឺមានសេចក្តីល្បួងយ៉ាងធំឲ្យធ្វើតែអ្វីៗដែលមនុស្សនៅក្នុងវ័យក្មេងៗចង់ធ្វើដើម្បីខ្លួនឯង។ បើសិនជាពួកគេទទួលបានជោគជ័យនៅក្នុងផែនការខាងលោកិយ ហើយមនុស្សដែលមានវ័យក្មេងៗមុខជាបន្តធ្វើអំពើទាំងនោះដែលធ្វើឲ្យពួកគេងាកចេញពីព្រះកាន់តែឆ្ងាយជាជាងស្វែងរកស្គាល់ព្រះ ហើយទទួលបានចរិតលក្ខណៈដូចជាព្រះគ្រីស្ទ។នៅពេលដែលមនុស្សដែលមានវ័យក្មេងបានទទួលជោគជ័យនៅក្នុងផែនការខាងលោកិយហើយ នោះជីវិតរបស់ពួកគេនឹងដើរនៅក្នុងទិសដៅដែលប្រឆាំងនឹងព្រះបន្ទូលរបស់ព្រះជាម្ចាស់ជាមិនខាន។

ឪពុកម្តាយមានការទទួលខុសត្រូវយ៉ាងធំធេងក្នុងអំឡុងពេលដែលកូនៗរបស់ពួកគេកំពុងតែស្ថិតនៅក្នុងវ័យកំពុងលូតលាស់។ ឪពុកម្តាយត្រូវបង្ហាញឬឲ្យកូនៗដែលជាយុវវ័យនៅក្នុងបរិយាកាសដែលមានឥទ្ធិពលត្រឹមត្រូវដើម្បីឲ្យពួកយុវវ័យយល់ក្នុងផ្លូវត្រឹមត្រូវពីជីវិតនិងអត្ថន័យពិតនៃភាពជោគជ័យ។តែមានឪពុកម្តាយជាច្រើន បែរជាខំប្រឹងព្យាយាមជួយកូនៗរបស់ពួកគេឲ្យបានជោគជ័យនៅក្នុងរឿងខាងលោកិយនេះទៅវិញ។ ឪពុកម្តាយជាអ្នក ជ្រើសរើសសកម្មភាពឬការងារនិងមិត្តភក្តិដែលមានចិត្តគំនិតចង់ឲ្យកូនល្បីខាងលោកិយទៅវិញ។ មានឪពុកម្តាយជាច្រើនធ្វើផ្ទះនៅក្នុង ទីក្រុងធំៗហើយបង្ហាញឬណែនាំឲ្យកូនៗចូលទៅក្នុងសង្គមឡូយឆាយ។ ពួកគេឲ្យកូនៗនៅក្នុងបរិយាកាសដែលជម្រុញឲ្យដើរក្នុងផ្លូវខាងលោកិយនិងមានអំនួត។នៅក្នុងបរិយាកាសបែបនេះធ្វើឲ្យចិត្តគំនិតខាងព្រលឹងវិញ្ញាណខ្សោយ។ការប្រាថ្នាខ្ពស់និងធ្វើជាមនុស្សដែលមានវណ្ណៈខ្ពង់ខ្ពស់នៃជីវិតគឺត្រូវបានបំភ្លេចចោល។ ឯកសិទ្ធិនៃការធ្វើជាកូនចៅរបស់ព្រះជាម្ចាស់ជាអ្នកដែលទទួលមរតកនៃភាពអស់កល្បត្រូវបានលក់ដើម្បីឲ្យបានខាងលោកិយ។

​អំណានព្រះគម្ពីរពេលល្ងាច៖ ម៉ាថាយ ៩៖១-៨