ថ្ងៃអាទិត្យ ទី១៣ ខែកុម្ភៈ ឆ្នាំ២០២២
អំណានព្រះគម្ពីរពេលព្រឹក៖ ដ្បិតអញនេះ គឺយេហូវ៉ាជាព្រះនៃឯង អញនឹងកាន់ដៃស្តាំឯង ដោយពោលនឹងឯងថា កុំឲ្យភ័យខ្លាចឡើយ អញនឹងជួយឯង។ អេសាយ ៤១:១៣
អំណានប្រចាំថ្ងៃ ការរំដោះចេញពីសាសន៍អាម៉ាលេក
«នោះសាសន៍អាម៉ាលេកក៏មកច្បាំងនឹងពួកអ៊ីស្រាអែលនៅត្រង់រេជីឌីម ហើយម៉ូសេបង្គាប់ដល់យ៉ូស្វេថា ចូរឯងទៅរករើសមនុស្សមក ហើយចេញទៅទប់ទល់ជាមួយនឹងសាសន៍អាម៉ាលេក ទៅថ្ងៃស្អែកនេះអញនឹងកាន់ដំបងព្រះទៅឈរនៅលើកំពូលភ្នំ យ៉ូស្វេក៏ធ្វើដូចម៉ូសេបានបង្គាប់លោកទៅច្បាំងនឹងសាសន៍អាម៉ាលេក ឯម៉ូសេ អើរ៉ុន និងហើរក៏ទ្បើងទៅលើកំពូលភ្នំ បើកាលណាម៉ូសេលើកដៃទ្បើងទៅលើ នោះខាងសាសន៍អ៊ីស្រាអែលមានកម្លាំងជាង តែបើកាលណាម៉ូសេដាក់ដៃចុះ នោះខាងសាសន៍អាម៉ាលេកមានកម្លាំងជាងវិញ តែម៉ូសេទៅជារោយដៃណាស់ បានជាគេយកថ្មមកដាក់ឱ្យលោកអង្អុយចុះ រួចអើរ៉ុននិងហើរ ក៏ឈរទ្រដៃលោកទាំងសងខាង ដូច្នេះដៃលោកបាននៅនឹងដដែលដរាបដល់ថ្ងៃលិច»។
យកថ្មមកដាក់ឱ្យលោកអង្អុយចុះ រួចអើរ៉ុននិងហើរ ក៏ឈរទ្រដៃលោកទាំងសងខាង ដូច្នេះដៃលោកបាននៅនឹងដដែលដរាបដល់ថ្ងៃលិច»។ ម៉ូសេបានលើកដៃរបស់លោកទ្បើងទៅឯស្ថានសួគ៌ ជាមួយនឹងដំបងរបស់ព្រះនៅដៃស្តាំរបស់គាត់ ទទួចអង្វរសុំជំនួយពីព្រះ។ នោះសាសន៍អ៊ីស្រាអែលបានឈ្នះ ហើយបានបង្ខំឱ្យសត្រូវដកថយ។ នៅពេលដែលម៉ូសេបានដាក់ដៃចុះនោះឃើញថាសាសន៍អ៊ីស្រាអែលហាក់ដូចជាបាត់បង់នូវកំម្លាំងដែលពួកគេបានទទួលនោះភ្លាមមួយរំពេច ហើយខ្មាំងសត្រូវបានយកជ័យជំនះលើពួកគេ។ ម៉ូសេក៏បានលើកដៃទ្បើងឆ្ពោះទៅស្ថានសួគ៌ឡើងវិញ សាសន៍អ៊ីស្រាអែល ក៏បានទទួលជ័យជំនះសាជាថ្មី ហើយសត្រូវរបស់គេក៏ដកថយម្តងទៀត។
សកម្មភាពលើកដៃទ្បើងទៅស្ថានសួគ៌របស់លោកម៉ូសេនេះបង្រៀនដល់សាសន៍អ៊ីស្រាអែលថា នៅពេលដែលពួកគេបានទុកចិត្តលើព្រះហើយពឹងផ្អែកលើកម្លាំងរបស់ទ្រង់ ព្រមទាំងលើកតម្កើងបល្ល័ង្ករបស់ទ្រង់ ហើយព្រះទ្រង់នឹងច្បាំងជំនួសពួកគេ ហើយទ្រង់នឹងកំទេចសត្រូវរបស់ពួកគេឱ្យវិនាសសាបសូន្យ។ ប៉ុន្តែ នៅពេលដែលពួកគេមិនយកចិត្តទុកដាក់នឹងការពឹងផ្អែកលើកម្លាំងរបស់ទ្រង់ ហើយទុកចិត្តលើកម្លាំងខ្លួនឯងវិញនោះ ពួកគេនឹងត្រូវចុះខ្សោយជាងសត្រូវរបស់ខ្លួន ហើយសត្រូវរបស់ពួកគេនឹងទទួលជ័យជំនះ ឈ្នះលើពួកគេ ជាពិតប្រាកដ។ បន្ទាប់មក «យ៉ូស្វេក៏បានឈ្នះអាម៉ាលេក ព្រមទាំងពលទ័ពគេដោយមុខដាវ»។
«រួចព្រះយេហូវ៉ាទ្រង់មានបន្ទូលនឹងម៉ូសេថា ចូរកត់រឿងនេះចុះក្នុងសៀវភៅ ទុកជាសេចក្តីរំឭក ហើយនិទានប្រាប់ឱ្យយ៉ូស្វេស្តាប់ ដ្បិតអញនឹងលុបឈ្មោះអាម៉ាលេកចេញពីក្រោមមេឃនេះឱ្យអស់រលីងមិនឱ្យនឹកឃើញទៀតសោះទ្បើយ គ្រានោះម៉ូសេក៏ស្អាងអាសនាមួយដាក់ឈ្មោះថា «យេហ៉ូវ៉ានីសី» ប្រែថា «ព្រះយេហូវ៉ាទ្រង់ជាជ័យជំនះរបស់យើង» ដ្បិតគាត់បាននិយាយដោយព្រោះព្រះយេហូវ៉ា ទ្រង់បានស្បថថា «ទ្រង់នឹងច្បាំងនឹងសាសន៍អាម៉ាលេក គ្រប់ទាំងដំណតរៀងទៅ»។ ប្រសិនបើកូនចៅអ៊ីស្រាអែលមិនបានរអ៊ូរទាំទាល់នឹងព្រះយេហូវ៉ាទេ ព្រះទ្រង់ក៏នឹងមិនធ្វើឱ្យខ្មាំងសត្រូវរបស់ពួកគេ ធ្វើសង្គ្រោមច្បាំងនឹងពួកគេដែរ។
អំណានព្រះគម្ពីរពេលល្ងាច៖ និក្ខមនំ ១៧:៨-១៥
ខចងចាំ៖ ព្រះនៃខ្ញុំ ទ្រង់នឹងបំពេញគ្រប់ទាំងអស់ ដែលអ្នករាល់គ្នាត្រូវការ តាមភោគសម្បត្តិនៃទ្រង់ដ៏ឧត្តម ក្នុងព្រះគ្រីស្ទយេស៊ូវ។ ភីលីព ៤:១៩
