​អំណានព្រះគម្ពីរពេលព្រឹក៖ បើ​អ្នក​រាល់​គ្នា​ស្រឡាញ់​ខ្ញុំ ចូរ​កាន់​តាម​បញ្ញត្ត​របស់​ខ្ញុំ​ចុះ។ យ៉ូហាន ១៤:១៥

អំណានប្រចាំថ្ងៃ បញ្ញត្តិរបស់ព្រះត្រូវបានប្រកាស

បន្ទាប់ពីព្រះយេហូវ៉ាទ្រង់បានប្រទានភស្តុតាងយ៉ាងច្បាស់ អំពីព្រះ​ចេស្តារបស់ទ្រង់មក ទ្រង់បានមានបន្ទូលប្រាប់ពួកគេថា ទ្រង់គឺជានរណា «ព្រះយេហូវ៉ាជាព្រះនៃឯង ដែលបាននាំឯងចេញពីផ្ទះពួកបាវបំរើនៅស្រុកអេស៊ីព្ទមក»។ ជាព្រះដែលបានលើកតម្កើងអំណាចរបស់ទ្រង់នៅក្នុងចំណោម​សាសន៍អេស៊ីព្ទ ឥឡូវនេះ ទ្រង់បានមានព្រះបន្ទូលពីបញ្ញតិរបស់ទ្រង់ដូច្នេះថា៖

កុំឱ្យមានព្រះឯណាទៀត នៅចំពោះអញឱ្យសោះ

កុំឱ្យឆ្លាក់ធ្វើរូបណាសម្រាប់ឯងឱ្យសោះ ក៏កុំឱ្យធ្វើរូបណាឱ្យដូចជាអ្វីនៅស្ថានសួគ៌ខាងលើ ឬនៅផែនដីខាងក្រោម ឬនៅក្នុងទឹក ដែលទាប​ជាង​ដីផង ក៏កុំឱ្យក្រាបសំពះនៅចំពោះរបស់ទាំងនោះ ឬគោរពប្រតិបត្តិតាម​នោះទ្បើយ ដ្បិតអញដែលជាយេហូវ៉ា ជាព្រះនៃឯង អញមានសេចក្តីប្រច័ណ្ឌ ក៏ទម្លាក់ការទុច្ចរិតរបស់ឪពុកទៅលើកូនចៅ រហូតដល់៣ ហើយ៤តំណ​ផង ចំពោះអស់អ្នកណាដែលស្អប់អញតែអញផ្តល់សេចក្តីសប្បុរសដល់ទាំងពាន់តំណនៃពួកអ្នកដែលស្រឡាញ់ហើយកាន់តាមបញ្ញតិរបស់អញទាំងប៉ុន្មានវិញ។

កុំឱ្យចេញព្រះនាមរបស់ព្រះយេហូវ៉ា ជាព្រះនៃឯងជាអសារ​ឥត​ការទ្បើយ ដ្បិតព្រះយេហូវ៉ា ទ្រង់នឹងមិនរាប់ជាឥតទោសដល់ អ្នកណាដែលចេញព្រះនាមទ្រង់ជាអសារឥតការនោះទេ។

​ចូរឱ្យនឹកចាំពីថ្ងៃឈប់សម្រាក ដើម្បីញែកថ្ងៃនោះចេញជាបរិសុទ្ធ ក្នុងរវាង៦ថ្ងៃ នោះត្រូវឱ្យឯងធ្វើអស់ទាំងការរបស់ឯងចុះ តែឯថ្ងៃទី ៧ នោះគឺជាថ្ងៃឈប់សម្រាកថ្វាយព្រះយេហូវ៉ាជាព្រះនៃឯងវិញ នៅថ្ងៃនោះ មិនត្រូវ​ធ្វើអ្វីឱ្យសោះ ទោះខ្លួនឯង ឬកូនប្រុស កូនស្រីឯងក្តី ទោះបាវប្រុសបាវ​ស្រី​ឯង​ក្តី ទោះសត្វរបស់ឯង ឬអ្នកដទៃដែលនៅផ្ទះឯងក្តី ដ្បិតក្នុង៦ថ្ងៃព្រះយេហូវ៉ាទ្រង់បានធ្វើផ្ទៃមេឃ ផែនដីហើយនិងសមុទ្រព្រមទាំងរបស់សព្វសារពើនៅស្ថានទាំងនោះដែរ រួចដល់ថ្ងៃទី៧ទ្រង់បានប្រទានពរដល់ថ្ងៃឈប់សម្រាក​ហើយក៏ញែកចេញជាបរិសុទ្ធ។

​ចូរឱ្យគោរពប្រតិបត្តិដល់ឪពុកម្តាយ ដើម្បីឱ្យបានអាយុវែង​នៅ​ក្នុង​ស្រុក ដែលព្រះហេយូវ៉ា ជាព្រះនៃឯងទ្រង់ប្រទានឱ្យ។

​កុំឱ្យសម្លាប់មនុស្សឱ្យសោះ

​កុំឱ្យផិតគ្នាឱ្យសោះ

​កុំឱ្យលួចប្លន់ឱ្យសោះ

​កុំឱ្យធ្វើជាទីបន្ទាល់ក្លែងទាស់នឹងអ្នកជិតខាងខ្លួនឱ្យសោះ។

​កុំឱ្យលោភចង់បានផ្ទះអ្នកជិតខាងខ្លួនឱ្យសោះ ក៏កុំឱ្យលោភចង់​បានប្រពន្ធគេ ឬបាវប្រុសបាវស្រីគេក្តី ឬគោ លា ឬរបស់អ្វីផងអ្នកជិតខាងខ្លួនឱ្យសោះ។

​អំណានព្រះគម្ពីរពេលល្ងាច៖ និក្ខមនំ ២០:១-២៤