ថ្ងៃអាទិត្យ ទី២០ ខែកុម្ភៈ ឆ្នាំ២០២២
អំណានព្រះគម្ពីរពេលព្រឹក៖ មិនត្រូវឲ្យឯងរាល់គ្នាធ្វើរូបព្រះ ឬបញ្ឈររូបឆ្លាក់ ឬបង្គោលថ្ម សំរាប់គោរពឡើយ ក៏មិនត្រូវឲ្យមានថ្មឆ្លាក់ជារូបអ្វីនៅក្នុងស្រុកឯង ដើម្បីនឹងឱនខ្លួនក្រាបគោរពចំពោះរូបនោះដែរ ដ្បិតអញនេះ គឺយេហូវ៉ា ជាព្រះនៃឯងរាល់គ្នាហើយ។ លេវីវិន័យ ២៦:១
អំណានប្រចាំថ្ងៃ ការវិនាសនៃការថ្វាយបង្គំរូបព្រះ
ព្រះជាម្ចាស់បានការពាររាស្ត្រអ៊ីស្រាអែលពីការថ្វាយបង្គំរូបព្រះម្តងទៀតហើយ។ ព្រះអង្គបានមានបន្ទូលទៅកាន់ពួកគេថា «ដូច្នេះ អ្នកមិនត្រូវធ្វើព្រះពីប្រាក់សម្រាប់អញ ហើយឯងក៏មិនត្រូវធ្វើព្រះពីមាសសម្រាប់ឯងដែរ»។ ពួកគេស្ថិតនៅក្នុងគ្រោះថ្នាក់ ដោយគេធ្វើតាមសាសន៍អេស៊ីព្ទ ហើយធ្វើរូបព្រះសម្រាប់ពួកគេដើម្បីតំណាងឱ្យព្រះដ៏ពិត។
ព្រះយេហូវ៉ាទ្រង់បានមានបន្ទូលទៅម៉ូសេថា «មើលអញចាត់ទេវតាមួយឱ្យនាំមុខឯង ដើម្បីនឹងជួយទំនុកបំរុងឯងតាមផ្លូវ ហើយនិងនាំទៅដល់ទីកន្លែងដែលអញបានរៀបចំទុកឱ្យ។ ចូរប្រយ័ត្ននឹងស្តាប់បង្គាប់តាមទ្រង់ កុំបណ្តាលឱ្យទ្រង់ខ្ញាល់ទ្បើយ ដ្បិតទ្រង់មិនអត់ទោសការរំលងរបស់ឯងរាល់គ្នាទេពីព្រោះឈ្មោះអញនៅក្នុងទ្រង់បើឯងប្រុងស្តាប់បង្គាប់ទ្រង់ ហើយប្រព្រឹត្តតាមសេចក្តីដែលអញប្រាប់ទាំងប៉ុន្មាន នោះអញនឹងធ្វើជាសត្រូវដល់ពួកសត្រូវរបស់ឯង ហើយជាអ្នកតតាំងនឹងអស់អ្នកដែលតតាំងនឹងឯង ដ្បិតទេវតាអញនឹងទៅមុនឯង ហើយនឹងនាំឯងទៅឯពួកសាសន៍អាម៉ូរី សាសន៍ហេត សាសន៍ពេរីស៊ីត សាសន៍កាណាន សាសន៍ហេវី និងសាសន៍យេប៊ូស ហើយអញនឹងធ្វើឱ្យសាសន៍ទាំងនោះសាបសូន្យទៅ។ ទេវតាដែលបានយាងទៅមុនសាសន៍ អ៊ីស្រាអែល គឺជាព្រះអម្ចាស់យេស៊ូវគ្រីស្ទ។ កុំឱ្យក្រាបថ្វាយបង្គំឬគោរពប្រតិបត្តិដល់ព្រះរបស់គេឱ្យសោះ ក៏កុំឱ្យប្រព្រឹត្តតាមអំពើរបស់គេទ្បើយ គឺត្រូវឱ្យបំផ្លាញគេអស់រលីងវិញ ព្រមទាំងបំបាក់បំបែករូបព្រះគេឱ្យខ្ទេចខ្ទីផង ត្រូវឱ្យឯងរាល់គ្នាគោរពប្រតិបត្តិដល់ព្រះយេហូវ៉ា ជាព្រះនៃឯងវិញ នោះទ្រង់នឹងប្រទានពរដល់អាហារ និងទឹករបស់ឯង ហើយអញនឹងដកជំងឺរោគា ពីពួកឯងរាល់គ្នាចេញ»។ និក្ខមនំ ២៣:២៤, ២៥
អំណានព្រះគម្ពីរពេលល្ងាច៖ និក្ខមនំ ២៣:២០-៣៣
ខចងចាំ៖ ចូរញែកថ្ងៃឈប់សំរាករបស់អញចេញជាបរិសុទ្ធ នោះនឹងបានជាទីសំគាល់ដល់អញ ហើយនឹងឯងរាល់គ្នា ដើម្បីឲ្យឯងបានដឹងថា អញនេះ គឺយេហូវ៉ា ជាព្រះនៃឯងរាល់គ្នា។ អេសេគាល ២០:២០
