​អំណានព្រះគម្ពីរពេលព្រឹក៖ ត្រូវ​ឲ្យ​ដើរ​តាម​តែ​ព្រះយេហូវ៉ា ជា​ព្រះ​នៃ​ឯង​វិញ ហើយ​កោតខ្លាច​ដល់​ទ្រង់ ព្រម​ទាំង​កាន់​តាម​សេចក្តី​បញ្ញត្ត​ទាំង​ប៉ុន្មាន​របស់​ទ្រង់ និង​ស្តាប់​តាម​ព្រះបន្ទូល​ទ្រង់ ក៏​ត្រូវ​គោរព​ប្រតិបត្តិ​ដល់​ទ្រង់ ហើយ​នៅ​ជាប់​នឹង​ទ្រង់​ផង។ ចោទិយកថា ១៣:៤

អំណានប្រចាំថ្ងៃ ព្រះពរនៃការស្តាប់បង្គាប់

ព្រះទ្រង់នឹងធ្វើឱ្យរាស្ត្ររបស់ទ្រង់យល់ថា មានតែទ្រង់មួយអង្គគត់ ដែលជាកម្មវត្ថុនៃការថ្វាយបង្គំរបស់ពួកគេ ហើយនៅពេលដែលគេមានជ័យជំនះលើជាតិសាសន៍ដែលថ្វាយបង្គំរូបព្រះ ដែលនៅជុំវិញពួកគេ ពួកគេមិនត្រូវបន្សល់ទុកនូវរូបសំណាកដែលពួកគេថ្វាយបង្គំឡើយ ប៉ុន្តែត្រូវបំផ្លាញរូបទាំងនោះចោលជាដាច់ខាត។ ពួកគេមិនត្រូវរក្សាទុក ឬថ្វាយបង្គំដល់រូប​ព្រះ​ទាំងនោះឡើយ ទោះបីជារូបព្រះទាំងនោះជារបស់មានតម្លៃយ៉ាងណាក៏ដោយ។ ព្រះទ្រង់នឹងធ្វើឱ្យរាស្ត្ររបស់ទ្រង់ដឹងថា ដោយសារតែការថ្វាយបង្គំរូបព្រះរបស់សាសន៍ទាំងអស់នេះ ដែលបានដឹកនាំពួកគេឱ្យប្រព្រឹត្តិការអាក្រក់ជាច្រើនក្រៃលែង ដែលទ្រង់នឹងប្រើសាសន៍អ៊ីស្រាអែលជាឧបករណ៍របស់ទ្រង់ ដើម្បីធ្វើទារុណកម្មពួកគេ ហើយបំផ្លាញរូបព្រះរបស់ពួកគេ។

«អញនឹងចាក់សេចក្តីស្ញែងខ្លាចរបស់អញទៅមុនឯង ហើយនិង​បំផ្លាញគ្រប់ទាំងសាសន៍ ដែលឯងទៅដល់ អញនឹងធ្វើឱ្យអស់ទាំងខ្មាំងសត្រូវឯងត្រូវបែរខ្នងនៅមុខឯង អញនឹងចាត់ឪម៉ាល់ទៅមុនឯងដែលនឹង​បណ្តេញ​សាសន៍ហេវី សាសន៍កាណាន ហើយនិងសាសន៍ហេត ពីមុខឯងចេញ អញមិនបណ្តេញគេចេញពីមុខឯងក្នុង១ឆ្នាំ តែម្តងទេ ក្រែងស្រុកនោះនឹងត្រឡប់ទៅជាស្ងាត់ ហើយកើតមានសត្វព្រៃជាច្រើនទ្បើងធ្វើបាបដល់ឯងវិញ គឺនឹងបណ្តេញគេពីមុខឯងទៅបន្តិចម្តងៗ ទាល់តែឯងមានគ្នាច្រើន ល្មមនឹង​ទទួល​យកស្រុកជាមរតកបាន នោះអញនឹងដាក់ព្រំស្រុកឱ្យឯង ចាប់តាំងពី​សមុទ្រ​ក្រហម ទៅទល់សមុទ្រភីលីស្ទីន ហើយតាំងពីទីរហោស្ថានរហូតដល់ទន្លេ ដ្បិតអញនឹង ប្រគល់មនុស្សនៅស្រុកនោះ មកក្នុងកណ្តាប់ដៃឯង ហើយ​ឯងនឹងបណ្តេញគេពីមុខឯងចេញ កុំឱ្យតាំងសេចក្តីសញ្ញានឹងគេ ឬនឹងព្រះ​របស់គេទ្បើយ ក៏មិនត្រូវឱ្យគេនៅក្នុងស្រុករបស់ឯងដែរ ក្រែងគេនាំឱ្យឯង​ធ្វើបាបចំពោះអញ ដ្បិតបើឯងគោរពប្រតិបត្តិដល់ព្រះរបស់គេ នោះនឹងត្រឡប់​​ជាអន្ទាក់ដល់ឯងហើយ”​ និក្ខមនំ ២៣:២៧-៣៣។ សេចក្តីសន្យារបស់ព្រះដល់រាស្ត្ររបស់ទ្រង់នេះ អាស្រ័យទៅលើការស្តាប់បង្គាប់របស់ពួកគេ។ ប្រសិនបើពួកគេនឹងបំរើព្រះ ដោយចិត្តស្មោះត្រង់នោះទ្រង់នឹងធ្វើការអស្ចារ្យជាច្រើនសម្រាប់ពួកគេ។

​អំណានព្រះគម្ពីរពេលល្ងាច៖ ចោទិយកថា ជំពូក​៦