ថ្ងៃចន្ទ ទី១៤ ខែមីនា ឆ្នាំ២០២២
អំណានព្រះគម្ពីរពេលព្រឹក៖ ឥឡូវនេះ ឱអ៊ីស្រាអែលអើយ សេចក្តីដែលព្រះយេហូវ៉ា ជាព្រះនៃឯង ទ្រង់ទារចង់បានពីឯង នោះគឺឲ្យឯងបានកោតខ្លាចដល់ព្រះយេហូវ៉ា ជាព្រះនៃឯង និងដើរតាមគ្រប់ទាំងផ្លូវរបស់ទ្រង់ ហើយឲ្យស្រឡាញ់ទ្រង់ព្រមទាំងគោរពប្រតិបត្តិដល់ព្រះយេហូវ៉ា ជាព្រះនៃឯងឲ្យអស់ពីចិត្ត អស់ពីព្រលឹងឯងផង ហើយឲ្យបានកាន់តាមសេចក្តីបញ្ញត្តផងព្រះយេហូវ៉ា និងច្បាប់ទាំងប៉ុន្មានរបស់ទ្រង់ ដែលអញបង្គាប់ឯងនៅថ្ងៃនេះ សំរាប់ជាសេចក្តីល្អដល់ឯង។ ចោទិយកថា ១០:១២-១៣
អំណានប្រចាំថ្ងៃ
លោកម៉ូសេជិតស្លាប់ហើយ ហើយគាត់បានបង្គាប់ឱ្យប្រមូលកូនចៅអ៊ីស្រាអែលទាំងអស់មកជួបជុំគ្នា មុននឹងសេចក្តីស្លាប់របស់គាត់មកដល់ ហើយគាត់បានរ៉ាយរ៉ាប់ប្រាប់ដល់ពួកគេពីគ្រប់ទាំងការធ្វើដំណើរនៃពួកសាសន៍ហេព្រើរ ចាប់តាំងពីការចាកចេញពីប្រទេសអេស៊ីព្ទមក ហើយនិងគ្រប់ទាំងការរំលង (នឹងច្បាប់) ដ៏ធំនៃពួកអយ្យកោរបស់ពួកគេ ដែលបាននាំមកនូវការជំនុំជម្រះរបស់ព្រះ មកលើពួកគេ ហើយបានបង្ខំឱ្យទ្រង់មានបន្ទូលថា ពួកគេនឹងមិនអាចចូលទៅក្នុងទឹកដីសន្យាបានទ្បើយ។ ពួកអយ្យកោរបស់ពួកគេទាំងអស់បានស្លាប់នៅឯទីរហោស្ថាន ស្របទៅតាមព្រះបន្ទូលរបស់ព្រះ។ កូនចៅរបស់គេបានធំទ្បើង ហើយតាមរយៈពួកគេសេចក្តីសន្យានៃការកាន់កាប់ទឹកដីកាណាននឹងត្រូវបានសម្រេច។ ពួកមនុស្សទាំងនេះភាគច្រើនជាកុមារ នៅពេលព្រះបានប្រទានច្បាប់ដល់ពួកគេ ហើយពួកគេមិនមានការចងចាំពីភាពអស្ចារ្យនៃព្រឹត្តិការណ៍ដែលបានកើតទ្បើងនោះទេ។ មនុស្សមួយចំនួនទៀតបានកើតនៅទីរហោស្ថាន ហើយដោយខ្លាចក្រែងពួកគេមិនបានដឹងពីភាពចាំបាច់នៃការគោរពក្រឹត្យវិន័យ ១០ ប្រការ ព្រមទាំងបញ្ញត្តិនិងច្បាប់ទាំងឡាយ ដែលព្រះបានប្រទានដល់លោកម៉ូសេ ហើយដែលទ្រង់បានឱ្យគាត់សង្ខេបក្រឹត្យវិន័យ ១០ប្រការ ហើយនិងព្រឹត្តិការណ៍ទាំងឡាយដែលជាប់ទាក់ទងនឹងការប្រទានច្បាប់នោះ។
លោកម៉ូសេបានកត់ត្រាទុកក្នុងសៀវភៅនូវគ្រប់ទាំងបញ្ញត្តិនិងច្បាប់ ដែលព្រះបានប្រទានដល់គាត់ ហើយបានកត់ត្រាយ៉ាងត្រឹមត្រូវនូវគ្រប់ទាំងការណែនាំទាំងឡាយ ដែលព្រះបានប្រទានដល់ពួកគេនៅតាមផ្លូវ និងគ្រប់ទាំងការអស្ចារ្យទាំងឡាយ ដែលទ្រង់បានធ្វើដល់ពួកគេ ហើយគ្រប់ទាំងការរអ៊ូរទាំរបស់កូនចៅអ៊ីស្រាអែល។ លោកម៉ូសេក៏បានកត់ត្រាទុកនូវជោគជ័យរបស់គាត់ ទៅលើការរអ៊ូរទាំរបស់ពួកគេផងដែរ។
ការណែនាំចុងក្រោយបង្អស់ទៅកាន់សាសន៍អ៊ីស្រាអែល
ពួកបណ្តាជនទាំងអស់បានប្រមូលផ្តុំគ្នានៅចំពោះមុខគាត់ ហើយគាត់បានអានព្រឹត្តិការណ៍ទាំងឡាយនៃប្រវត្តិអតីតកាលរបស់ពួកគេ ចេញពី នូវសេចក្តីសន្យារបស់ព្រះដល់គេ ប្រសិនបើពួកគេនឹងស្តាប់តាមទ្រង់ ព្រមទាំងបណ្តាសាដែលនឹងធ្លាក់មកលើពួកគេ ប្រសិនបើគេមិនស្តាប់បង្គាប់។
អំណានព្រះគម្ពីរពេលល្ងាច៖ ចោទិយកថា ជំពូក៣០
ខចងចាំ៖ ឯសេចក្តីឯទៀត បងប្អូនអើយ ចូរឲ្យមានកំឡាំងឡើងក្នុងព្រះអម្ចាស់ ដោយឫទ្ធិបារមីរបស់ព្រះចេស្តាទ្រង់។ អេភេសូរ ៦:១០
