ថ្ងៃពុធ ទី០៦ ខែមេសា ឆ្នាំ២០២២
អំណានព្រះគម្ពីរពេលព្រឹក៖ ដ្បិតមានបុត្រ១កើតដល់យើង ព្រះទ្រង់ប្រទានបុត្រា១មកយើងហើយ ឯការគ្រប់គ្រងនឹងនៅលើស្មារបស់បុត្រនោះ ហើយគេនឹងហៅព្រះនាមទ្រង់ថា ព្រះដ៏ជួយគំនិតយ៉ាងអស្ចារ្យ ព្រះដ៏មានព្រះចេស្តា ព្រះវរបិតាដ៏គង់នៅអស់កល្ប និងជាម្ចាស់នៃមេត្រីភាព ។ អេសាយ ៩:៦
អំណានប្រចាំថ្ងៃ នោះខ្ញុំត្រូវបានគេនាំចុះទៅដល់ពេលដែលព្រះយេស៊ូវត្រូវបានទទួលយកនិស្ស័យជាមនុស្ស ទ្រង់បន្ទាបអង្គទ្រង់ជាមនុស្សហើយទទួលរងនូវការល្បួងរបស់សាតាំង។
ការប្រសូតរបស់ទ្រង់គ្មានភាពប្រសើររុងរឿងនៃលោកិយនេះឡើយ។ ទ្រង់បានប្រសូតនៅក្នុងក្រោលសត្វ ផ្តេកនៅក្នុងស្នូក តែការប្រសូតរបស់ទ្រង់ត្រូវបានតម្កើងឡើង លើសពីកូនរបស់មនុស្សណាៗ ទាំងអស់ ទេវតានៃស្ថានសួគ៌បានប្រាប់ដល់ពួកអ្នកគង្វាលចៀម អំពីការយាងមករបស់ព្រះយេស៊ូវនៅពេលដែលពន្លឺនិងសិរីល្អមកពីព្រះបានមកជាមួយនឹងទីបន្ទាល់របស់លោក (ទេវតា)។ ពពួកទេវតានៃស្ថានសួគ៌បានដេញពិណ ហើយថ្វាយសិរីល្អដល់ព្រះ។ ទេវតាប្រកាសដោយជោគជ័យនូវការយាងមកនៃព្រះរាជបុត្រារបស់ព្រះ មកកាន់ផែនដីដែលមានបាបដើម្បីបំពេញឱ្យបានសម្រេចនូវការងារនៃការប្រោសលោះ ហើយការសុគតរបស់ទ្រង់នាំមកនូវសេចក្តីសុខសាន្ត សេចក្តីរីករាយ និងជីវិតអស់កល្បដល់មនុស្សលោក។ ព្រះអម្ចាស់បានផ្តល់សិរីរុងរឿងដល់ការយាងមកនៃព្រះរាជបុត្រា។ ទេវតាបានថ្វាយបង្គំទ្រង់
អំណានព្រះគម្ពីរពេលល្ងាច៖ លូកាជំពូក ២៖១-២០
ខចងចាំ៖ ឥឡូវនេះ ភ្នែកអញនឹងនៅតែបើក ហើយត្រចៀកអញ នឹងនៅតែផ្ទៀងស្តាប់សេចក្តី ដែលគេអធិស្ឋាននៅទីនេះ។ របាក្សត្រទី២ ៧៖១៥
