ថ្ងៃសុក្រ ទី០៨ ខែមេសា ឆ្នាំ២០២២
អំណានព្រះគម្ពីរពេលព្រឹក៖ មានពរហើយ អស់អ្នកដែលត្រូវគេបៀតបៀន ដោយព្រោះសេចក្តីសុចរិត ដ្បិតនគរស្ថានសួគ៌ជារបស់ផងអ្នកទាំងនោះ អ្នករាល់គ្នាមានពរ ក្នុងកាលដែលគេជេរ បៀតបៀន ហើយនិយាយបង្ខុសគ្រប់ទាំងសេចក្តីអាក្រក់ ពីអ្នករាល់គ្នា ដោយព្រោះខ្ញុំ ចូរមានចិត្តអំណរ ហើយរីករាយជាខ្លាំងចុះ ដ្បិតអ្នករាល់គ្នាមានរង្វាន់ជាធំនៅឯស្ថានសួគ៌ ពីព្រោះគេក៏បានធ្វើទុក្ខដល់ពួកហោរា ដែលនៅមុនអ្នករាល់គ្នា បែបដូច្នោះដែរ។ ម៉ាថាយ ៥:១០-១២
អំណានប្រចាំថ្ងៃ លោកយ៉ូហានត្រូវគេកាត់ក្បាល
ស្តេចហេរ៉ូឌមានការរំជួលព្រះទ័យ នៅពេលដែលទ្រង់បានស្តាប់ទីបន្ទាល់ដ៏អស្ចារ្យ និងចំៗរបស់លោកយ៉ូហាន។ ដោយការចាប់អារម្មណ៍ជាខ្លាំង ព្រះអង្គបានសួរថា តើព្រះអង្គត្រូវធ្វើយ៉ាងណាដើម្បីឱ្យក្លាយជាសិស្សរបស់គាត់។ លោកយ៉ូហានបានដឹងយ៉ាងច្បាស់អំពីរឿងពិត ដែលទ្រង់ប្រុងនឹងរៀបអភិសេកជាមួយប្រពន្ធរបស់ព្រះអនុជទ្រង់ ដែលស្វាមីរបស់នាងនៅមានជីវិតរស់នៅ នៅឡើយ ហើយគាត់បានទូលដល់ស្តេចហេរ៉ូឌ ដោយស្មោះត្រង់ថា ធ្វើដូច្នោះនោះមិនត្រឹមត្រូវតាមច្បាប់ទេ។ ស្តេចហេរ៉ូឌពុំមានបំណងលះបង់គំនិតនេះចោលឡើយ។ ទ្រង់បានរៀបអភិសេកជាមួយនឹងប្រពន្ធនៃព្រះអនុជរបស់ព្រះអង្គ ហើយតាមរយៈឥទ្ធិពលរបស់នាងនោះ លោកយ៉ូហានក៏ត្រូវគេចាប់ដាក់គុក។ ប៉ុន្តែ ស្តេចហេរ៉ូឌមានបំណងនឹងដោះលែងគាត់ចេញវិញ។ នៅពេលជាប់ឃុំឃាំង លោកយ៉ូហានបានឮពីការងារដ៏មានឫទ្ធិបារមីរបស់ព្រះព្រះយេស៊ូវ តាមរយៈសិស្សរបស់គាត់។ គាត់មិនអាចស្តាប់ព្រះបន្ទូលទ្រង់បានទេ ប៉ុន្តែ ពួកសិស្សរបស់គាត់បានប្រាប់គាត់ និងកម្សាន្តចិត្តគាត់ពីអ្វីដែលពួកគេបានឮ។ មិនយូរប៉ុន្មាន លោកយ៉ូហានត្រូវបានគេកាត់ក ដោយសារតែឥទ្ធិពលនៃមហេសីរបស់ស្តេចហេរ៉ូឌ។ ខ្ញុំបានឃើញថាសិស្សដ៏តូចបំផុត ដែលបានដើរតាមព្រះយេស៊ូវ ធ្វើទីបន្ទាល់ពីការអស្ចារ្យរបស់ទ្រង់ និងបានឮពាក្យពេចន៍លួងលោមកម្សាន្តចិត្ត ដែលបានមានបន្ទូលចេញពីព្រះឱស្ឋទ្រង់ ដែលធំជាងលោកយ៉ូហាន។ ហេតុនេះហើយពួកគេត្រូវបានលើកតម្កើងឡើង ហើយកាន់តែមានអំណរនៅក្នុងជីវិតរបស់ពួកគេ។
លោកយ៉ូហានបានលេចមកដោយវិញ្ញាណនិងអំណាចរបស់អេលីយ៉ា ដើម្បីប្រកាសអំពីការយាងមកលើកទី១ របស់ព្រះយេស៊ូវ។ ខ្ញុំត្រូវបានគេចង្អុលបង្ហាញនូវថ្ងៃចុងក្រោយបង្អស់ ហើយបានឃើញថា យ៉ូហានបានតំណាងឱ្យអ្នកដែលត្រូវចេញទៅក្នុងវិញ្ញាណ និងអំណាចរបស់អេលីយ៉ា ដើម្បីប្រកាសប្រាប់ឱ្យដឹងអំពីថ្ងៃនៃការឃោរឃៅ និងការយាងមកជាលើកទីពីររបស់ព្រះព្រះយេស៊ូវ។
អំណានព្រះគម្ពីរពេលល្ងាច៖ ម៉ាកុស ជំពូក ៦: ១៤-២៩
ខចងចាំ៖ ឥឡូវនេះ ភ្នែកអញនឹងនៅតែបើក ហើយត្រចៀកអញ នឹងនៅតែផ្ទៀងស្តាប់សេចក្តី ដែលគេអធិស្ឋាននៅទីនេះ ។ របាក្សត្រទី២ ៧:១៥
