ថ្ងៃអង្គារ ទី១៧ ខែឧសភា ឆ្នាំ២០២២
អំណានព្រះគម្ពីរពេលព្រឹក៖ កុំឲ្យចិត្តអ្នករាល់គ្នាថប់បារម្ភឡើយ អ្នករាល់គ្នាជឿដល់ព្រះហើយ ចូរជឿដល់ខ្ញុំដែរ នៅក្នុងដំណាក់នៃព្រះវរបិតាខ្ញុំ មានទីលំនៅជាច្រើន ពុំនោះ ខ្ញុំបានប្រាប់អ្នករាល់គ្នាហើយ ខ្ញុំទៅរៀបកន្លែងឲ្យអ្នករាល់គ្នា បើខ្ញុំទៅរៀបកន្លែងឲ្យអ្នករាល់គ្នា នោះខ្ញុំនឹងត្រឡប់មកវិញ នឹងទទួលអ្នករាល់គ្នាទៅឯខ្ញុំ ប្រយោជន៍ឲ្យអ្នករាល់គ្នាបាននៅកន្លែងដែលខ្ញុំនៅនោះដែរ។ យ៉ូហាន ១៤:១-៣
អំណានប្រចាំថ្ងៃ សេចក្តីសន្យានៃការយាងត្រឡប់មកវិញ
សេចក្តីសន្យានៃការយាងត្រឡប់មកវិញនៅពេលដែលពួកសាវកបានសម្លឹងទៅលើមេឃទាំងទុក្ខព្រួយ តាមមើលព្រះអម្ចាស់របស់គេយាងឡើងទៅស្ថានសួគ៌ នៅក្នុងក្រសែភ្នែកចុងក្រោយបង្អស់។ ទេវតាពីរអង្គដែលមានសំលៀកបំពាក់ស បានឈរនៅក្បែរគេ ហើយបានមានបន្ទូលទៅកាន់ពួកគេថា «ពួកអ្នកស្រុកកាលីឡេអើយ ហេតុអ្វីបានជាឈរមើលទៅលើមេឃដូច្នេះ? ព្រះយេស៊ូវនេះឯង ដែលព្រះបានលើកពីអ្នករាល់គ្នាឡើងទៅស្ថានសួគ៌ ទ្រង់នឹងយាងមកវិញតាមបែបដដែល ដូចជាអ្នករាល់គ្នាបានឃើញទ្រង់ទៅនោះដែរ» កិច្ចការ ១:១១។ ពួកសាវកនិងមាតារបស់ព្រះយេស៊ូវ ដែលនៅជាមួយនឹងពួកគេបាន ឃើញការយាងឡើងទៅកាន់ស្ថានសួគ៌របស់ព្រះរាជបុត្រានៃព្រះ ហើយគេបានចំណាយពេលពេញមួយយប់ និយាយគ្នាអំពីសកម្មភាពដ៏អស្ចារ្យរបស់ទ្រង់ និងរឿងដ៏មានសិរីរុងរឿងដ៏ចំឡែក ដែលទើបនឹងបានកើតឡើងនៅពេលថ្មីៗនេះ។
សាតាំងបានពិភាក្សាជាមួយទេវតារបស់វាម្តងទៀត ហើយដោយសម្អប់យ៉ាងជូរចត់ទាស់នឹងនគររបស់ព្រះ វាបានប្រាប់ទេវតារបស់វាថា នៅពេលដែលទ្រង់បានប្រគល់អំណាចនិងកម្លាំងរបស់ទ្រង់មកផែនដី វាត្រូវតែបន្ថែមការខំប្រឹងប្រែងរបស់វាឱ្យកាន់តែខ្លាំង ទាស់នឹងអ្នកដើរតាមព្រះយេស៊ូវ។ វាមិនអាចយកឈ្នះលើព្រះយេស៊ូវបានឡើយ វាត្រូវតែផ្តួលរំលំសាវករបស់ព្រះយេស៊ូវ ប្រសិនបើអាចធ្វើបាន។ នៅគ្រប់ជំនាន់ ពួកវាត្រូវតែស្វែងរកបោកបញ្ឆោតអ្នកដែលជឿទៅលើព្រះយេស៊ូវ។ សាតាំងបានប្រាប់ដល់ទេវតារបស់វាថា ព្រះយេស៊ូវបានប្រទានអំណាចដល់ពួកសាវក ធ្វើឱ្យពួកវាអាចគំរាមពួកវា និងព្យាបាលដល់អ្នកដែលពួកវាបានបៀតបៀន។ រួចទេវតារបស់សាតាំងបានចេញទៅ ដូចជាសិង្ហគ្រហឹម ដើម្បីស្វែងរកបំផ្លាញពួកសាវករបស់ព្រះយេស៊ូវ។
អំណានព្រះគម្ពីរពេលល្ងាច៖ កិច្ចការ ជំពូក ១:១-១១
ខចងចាំ៖ កុំឲ្យចិត្តអ្នករាល់គ្នាថប់បារម្ភឡើយ អ្នករាល់គ្នាជឿដល់ព្រះហើយ ចូរជឿដល់ខ្ញុំដែរ នៅក្នុងដំណាក់នៃព្រះវរបិតាខ្ញុំ មានទីលំនៅជាច្រើន ពុំនោះ ខ្ញុំបានប្រាប់អ្នករាល់គ្នាហើយ ខ្ញុំទៅរៀបកន្លែងឲ្យអ្នករាល់គ្នា បើខ្ញុំទៅរៀបកន្លែងឲ្យអ្នករាល់គ្នា នោះខ្ញុំនឹងត្រឡប់មកវិញ នឹងទទួលអ្នករាល់គ្នាទៅឯខ្ញុំ ប្រយោជន៍ឲ្យអ្នករាល់គ្នាបាននៅកន្លែងដែលខ្ញុំនៅនោះដែរ ។ យ៉ូហាន ១៤:១-៣
