ថ្ងៃអាទិត្យ ទី១២ ខែមិថុនា ឆ្នាំ២០២២
អំណានព្រះគម្ពីរពេលព្រឹក៖ ក្រោយបង្អស់នេះ ចូរឲ្យគ្រប់គ្នាមានគំនិតតែ១ ព្រមទាំងមានចិត្តអាណិតអាសូរ ហើយស្រឡាញ់គ្នាជាបងប្អូន និងមានចិត្តទន់សន្តោស ហើយសុភាព ឥតធ្វើការអាក្រក់ស្នងនឹងការអាក្រក់ ឬពាក្យប្រមាថស្នងនឹងពាក្យប្រមាថឡើយ គឺត្រូវឲ្យពរវិញ ដោយដឹងថា ទ្រង់បានហៅអ្នករាល់គ្នា មកឯសេចក្តីនោះឯង ដើម្បីបានព្រះពរជាមរដក។ ពេត្រុសទី១ ៣:៨-៩
អំណានប្រចាំថ្ងៃ បានដឹកនាំទៅកាន់ពួកជំនុំ
ការឆ្លើយតបទៅនឹងសំណួររបស់សុលគឺ «ចូរក្រោកឡើង ចូលទៅក្នុងទីក្រុងទៅ នោះគេនឹងប្រាប់អ្នកឱ្យដឹង ពីការដែលអ្នកត្រូវធ្វើ»។ ព្រះយេស៊ូវបញ្ជូនសាសន៍យូដាដែលគេកំពុងសង្ស័យទៅកាន់ពួកជំនុំរបស់ទ្រង់ ដើម្បីទទួលបានចំណេះដឹងជាសេចក្តីពិត នៃភារកិច្ចរបស់គាត់អំពីពួកគេ។ ព្រះគ្រីស្ទបានធ្វើការបើកសម្តែងនិងធ្វើការបំផ្លាស់បំប្រែ ហើយឥឡូវនេះអ្នកលន់តួទោសនេះ កំពុងរៀនសូត្រពីអ្នកដែលព្រះបានតែងតាំងឱ្យបង្រៀន អំពីសេចក្តីពិតរបស់ទ្រង់។ ដូច្នេះព្រះយេស៊ូវបានប្រទានអំណាចដល់ពួកជំនុំរបស់ទ្រង់ ហើយបានដាក់សុលជាអ្នកតំណាងរបស់ទ្រង់នៅលើផែនដី។ ពន្លឺនៃការបំភ្លឺពីស្ថានសួគ៌បានធ្វើឱ្យសុលមើលមិនឃើញ ប៉ុន្តែ ព្រះយេស៊ូវជាគ្រូពេទ្យដ៏អស្ចារ្យពុំបានធ្វើឱ្យគាត់ភ្លឺវិញភ្លាមៗនោះទេ។ ព្រះពរទាំងឡាយហូរចេញមកពីព្រះគ្រីស្ទ ហើយឥឡូវនេះទ្រង់បានបង្កើតពួកជំនុំមួយ ជាតំណាងរបស់ទ្រង់នៅលើផែនដី ហើយពួកជំនុំនេះ ត្រូវធ្វើការដឹកនាំបាបជនទាំងឡាយដែលបានកែប្រែចិត្ត ឱ្យដើរក្នុងផ្លូវនៃជីវិត។ មនុស្សដែលសុលមានគោលបំណងនឹងបំផ្លាញចោល បានក្លាយទៅជាគ្រូបង្រៀនរបស់គាត់ ពីសាសនាដែលគាត់បានស្អប់ខ្ពើមនិងបានបៀតបៀន។
សេចក្តីជំនឿរបស់លោកសុលត្រូវបានសាកល្បងយ៉ាងតឹងរ៉ឹងអស់រយៈពេល៣ថ្ងៃ ដោយការតមអាហារ ហើយនិងការអធិស្ឋាននៅឯផ្ទះរបស់យូដាសក្នុងក្រុងដាម៉ាស។ គាត់ពិតជាខ្វាក់ភ្នែកមើលអ្វីមិនឃើញសោះ ហើយនៅក្នុងភាពងងឹតឈឹង រីឯខាងគំនិតវិញ គាត់ក៏ងងឹតរកគិតអ្វីមិនឃើញដែរ។ គេបាននាំគាត់ទៅកាន់ទីក្រុងដាម៉ាស ជាកែន្លងដែលគេនឹងប្រាប់គាត់ពីការដែលគាត់ត្រូវធ្វើ។
នៅក្នុងភាពស្មុគ្រស្មាញនិងទុក្ខកង្វល់ គាត់បានស្រែកអំពាវនាវដល់ព្រះដោយស្មោះអស់ពីចិត្ត។ «រីឯនៅក្រុងដាម៉ាស នោះមានសិស្សម្នាក់ឈ្មោះ អាន៉្នានាស ហើយព្រះអម្ចាស់ ទ្រង់មានបន្ទូលហៅគាត់ក្នុងការជាក់ស្តែងថានែអាន៉្នានាសអើយគាត់ទូលឆ្លើយថា ព្រះករុណាវិសេស ព្រះអម្ចាស់ ព្រះអង្គមានបន្ទូលថាចូរក្រោកឡើង ទៅឯផ្លូវដែលហៅថាផ្លូវត្រង់ ហើយរកមនុស្សម្នាក់ឈ្មោះសុល ជាអ្នកស្រុកតើសុស នៅក្នុងផ្ទះយូដាស ដ្បិតមើលគាត់កំពុងតែអធិស្ឋាន ហើយក្នុងការជាក់ស្តែង គាត់បានឃើញថា មានមនុស្សម្នាក់ ឈោះអាន្ន៉ានាសចូរមកដាក់ដៃលើគាត់ឱ្យបានភ្លឺភ្នែកឡើង»។
អំណានព្រះគម្ពីរពេលល្ងាច៖ កិច្ចការ ជំពូក ៩:១០-១៩
ខចងចាំ៖ ដ្បិតគឺជាព្រះ ដែលមានព្រះបន្ទូលបង្គាប់ ឲ្យមានពន្លឺភ្លឺចេញពីសេចក្តីងងឹត ទ្រង់បានបំភ្លឺមកក្នុងចិត្តយើងខ្ញុំ ឲ្យយើងខ្ញុំមានរស្មីពន្លឺនៃដំណើរស្គាល់សិរីល្អរបស់ព្រះ ដែលនៅព្រះភក្ត្រនៃព្រះយេស៊ូវគ្រីស្ទ។ កូរិនថូសទី២ ៤:៦
