ថ្ងៃពុធ ទី១៥ ខែមិថុនា ឆ្នាំ២០២២
អំណានព្រះគម្ពីរពេលព្រឹក៖ ដ្បិតគឺជាព្រះ ដែលមានព្រះបន្ទូលបង្គាប់ ឲ្យមានពន្លឺភ្លឺចេញពីសេចក្តីងងឹត ទ្រង់បានបំភ្លឺមកក្នុងចិត្តយើងខ្ញុំ ឲ្យយើងខ្ញុំមានរស្មីពន្លឺនៃដំណើរស្គាល់សិរីល្អរបស់ព្រះ ដែលនៅព្រះភក្ត្រនៃព្រះយេស៊ូវគ្រីស្ទ។ យើងមានទ្រព្យសម្បត្តិនេះនៅក្នុងភាជនៈដី ដើម្បីឲ្យឥទ្ធិឫទ្ធិលើសលប់បានមកពីព្រះ មិនមែនពីយើងខ្ញុំទេ។ កូរិនថូសទី២ ៤:៦-៧
អំណានប្រចាំថ្ងៃ ការរៀបចំសម្រាប់ការបំរើ
នៅពេលដែលគាត់បំរើការងារនៅក្នុងសាលាប្រជុំ សេចក្តីជំនឿរបស់គាត់បានលូតលាស់កាន់តែខ្លាំងឡើងៗ។ ការខ្នះខ្នែងដ៏ខ្លាំងក្លារបស់គាត់ នៅក្នុងការអះអាងថាព្រះយេស៊ូវ គឺជាព្រះរាជបុត្រារបស់ព្រះ ធ្វើឱ្យអ្នកប្រឆាំងជាសាសន៍យូដាដ៏ឃោរឃៅកាន់តែកើតឡើង។ ក្រោយពីការភ្ញាក់ផ្អើលរបស់ពួកសាសន៍យូដា ដោយសារការផ្លាស់ប្រែដ៏អស្ចារ្យរបស់គាត់ ហើយនិងការដែលបានកើតេឡីងជាបន្តបន្ទាប់ បានស្ងប់ស្ងាត់បន្តិចមក គាត់មិនអាចស្ថិតនៅក្នុងទីក្រុងដាម៉ាសបានយូរទេ។ ការភ្ញាក់ផ្អើលរបស់ពួកគេ នៅឯការបំផ្លាស់ប្រែរបស់សុលបានផ្លាស់ប្តូរ ឱ្យពួកគេមានកំហឹង ជាមួយនឹងគាត់កាន់តែខ្លាំងឡើង ដូចជាពួកគេបានបង្ហាញកំហឹងនោះប្រឆាំងនឹងព្រះយេស៊ូវដែរ។
ការរៀបចំសម្រាប់ការបំរើព្រះជីវិតរបស់ប៉ុលបានស្ថិតនៅក្នុងគ្រោះថ្នាក់ ហើយគាត់បានទទួលការត្រាស់បង្គាប់ពីព្រះឱ្យចាកចេញពីទីក្រុងដាម៉ាសមួយរយៈសិន។ គាត់បានចូលទៅប្រទេសអារ៉ាប់ ហើយនៅទីនោះតែម្នាក់ឯង គាត់មានឱកាសគ្រប់គ្រាន់ ដើម្បីប្រាស្រ័យទាក់ទងជាមួយព្រះនិងការរិះគិតពិចារណា។ គាត់ចង់នៅតែម្នាក់ឯងជាមួយនឹងព្រះដើម្បីសញ្ជឹងគិតឱ្យអស់ពីចិត្ត ដើម្បីជីកកកាយឱ្យការកែប្រែចិត្តរបស់គាត់កាន់តែស៊ីជម្រៅ និងដើម្បីរៀបចំខ្លួនគាត់ដោយការអធិស្ឋាននិងពិចារណាពីការងារដែលបានលេចឡើងយ៉ាងឧដុង្គឧត្តមនិងដ៏មានសារៈសំខាន់ដែលគាត់ត្រូវបំពេញ។ គាត់គឺជាសាវកម្នាក់ដែលមិនមែនមនុស្សជ្រើសតាំងទេ គឺព្រះជាអ្នកជ្រើសតាំងវិញ ហើយព្រះបានត្រាស់បង្គាប់យ៉ាងច្បាស់ថា ការងាររបស់គាត់ គឺផ្សព្វផ្សាយដំណឹងល្អដល់សាសន៍ដទៃ។ ខណៈដែលគាត់ស្នាក់នៅប្រទេសអារ៉ាប់ គាត់មិនបានទាក់ទងជាមួយនឹងពួកសាវកទេ គាត់បានស្វែងរកព្រះយ៉ាងអស់ពីចិត្ត ដោយប្តេជ្ញាចិត្តថានឹងមិនឈប់ឡើយ រហូតទាល់តែគាត់បានដឹងយ៉ាងច្បាស់ថា ពួកសាវកទទួលស្គាល់ការកែប្រែចិត្តរបស់គាត់ ហើយព្រះបានអត់ទោសចំពោះអំពើបាបដ៏ធំក្រៃលែងរបស់គាត់ហើយ។ គាត់មិនលះបង់ចោលការតស៊ូឡើយ រហូតទាល់តែគាត់មានការធានារ៉ាប់រងថាព្រះយេស៊ូវនឹងគង់នៅជាមួយនឹងគាត់ នៅក្នុងកិច្ចការរបស់គាត់ដែលនឹងមកដល់នៅពេលខាងមុខនេះ។ គាត់តែងតែយកទៅជាមួយគាត់នូវរូបកាយដែលជាសញ្ញានៃសិរីល្អរបស់ព្រះគ្រីស្ទ ព្រោះភ្នែកដែលខ្វាក់ដោយពន្លឺពីលើមេឃនោះ បានធ្វើឱ្យភ្នែករបស់គាត់មើលមិនច្បាស់អស់មួយជីវិត។ លោកប៉ុលមានទំនាក់ទំនងយ៉ាងជិតស្និទ្ធជាមួយនឹងស្ថានសួគ៌ ហើយព្រះយេស៊ូវបានមានបន្ទូលមកកាន់គាត់ ហើយតាំងសេចក្តីជំនឿរបស់គាត់ឡើង ដោយនូវប្រាជ្ញា និងព្រះគុណរបស់ទ្រង់ដល់គាត់។
អំណានព្រះគម្ពីរពេលល្ងាច៖ កិច្ចការ ជំពូក ៩:២០-២៥
ខចងចាំ៖ ដ្បិតគឺជាព្រះ ដែលមានព្រះបន្ទូលបង្គាប់ ឲ្យមានពន្លឺភ្លឺចេញពីសេចក្តីងងឹត ទ្រង់បានបំភ្លឺមកក្នុងចិត្តយើងខ្ញុំ ឲ្យយើងខ្ញុំមានរស្មីពន្លឺនៃដំណើរស្គាល់សិរីល្អរបស់ព្រះ ដែលនៅព្រះភក្ត្រនៃព្រះយេស៊ូវគ្រីស្ទ។ កូរិនថូសទី២ ៤:៦
