ថ្ងៃព្រហស្បតិ៍ ទី០២ ខែមិថុនា ឆ្នាំ២០២២
(ជំពូកនេះមានមូលដ្ឋាននៅក្នុងគម្ពីរកិច្ចការ ៦:១-៧)
អំណានព្រះគម្ពីរពេលព្រឹក៖ ដូច្នេះ ចូរប្រដាប់កាយ ដោយចិត្តក្តួលអាណិត សប្បុរស សុភាព សំឡូត និងចិត្តអត់ធ្មត់ ទុកដូចជាពួកអ្នករើសតាំង ដែលបរិសុទ្ធ ហើយស្ងួនភ្ងាដល់ព្រះចុះ ហើយទ្រាំទ្រគ្នា ទាំងអត់ទោសទៅវិញទៅមក បើអ្នកណាមានហេតុទាស់នឹងអ្នកណា នោះចូរអត់ទោសឲ្យគេចុះ ដូចជាព្រះគ្រីស្ទបានអត់ទោសឲ្យអ្នករាល់គ្នាដែរ ចូរបន្ថែមទាំងសេចក្តីស្រឡាញ់ថែមទៀត ជាចំណងនៃសេចក្តីគ្រប់លក្ខណ៍ ចូរឲ្យសេចក្តីមេត្រីរបស់ព្រះគ្រីស្ទត្រួតត្រានៅក្នុងចិត្ត ដែលទ្រង់បានហៅអ្នករាល់គ្នាមកក្នុងសេចក្តីនោះឯង ឲ្យមានរូបកាយតែ១ ហើយត្រូវដឹងគុណផង។ កូល៉ុស ៣:១២-១៥
អំណានប្រចាំថ្ងៃ
«នៅគ្រានោះ កាលពួកសិស្សបានចម្រើនច្រើនឡើង នោះពួកហេលេនក៏ចាប់តាំងរទូរទាំទាស់នឹងពួកហេព្រើរ អំពីការចែកចាយរាល់តែថ្ងៃ ដោយព្រោះគេតែងធ្វេសការនឹងស្រីមេម៉ាយ»។ ពួកសាសន៍ហេលេន នេះគឺជាសាសន៍ ដទៃមួយដែលនិយាយភាសាក្រិក។ ក្រុមជំនុំភាគច្រើនដែលបានទទួលជឿសុទ្ធសឹងតែជាសាសន៍យូដា ដែលនិយាយ ភាសាហេព្រើរទាំងអស់ ប៉ុន្តែពួកហេលេនគឺជាពួកអ្នកដែលស្ថិតនៅក្រោមចក្រភពរ៉ូម ហើយនិយាយតែភាសាក្រិកប៉ុណ្ណោះ។ ការរអ៊ូរទាំបានកើតឡើង ដោយសារតែការមិនបានយកចិត្តទុកដាក់ឱ្យដិតដល់ចំពោះស្ត្រីមេម៉ាយជនជាតិ ហេលេន ដូចដែលគេបានធ្វើដល់ស្ត្រីសាសន៍យូដា។ ការលំអៀងនេះនឹងធ្វើឱ្យប៉ះពាល់ដល់ព្រះនាមរបស់ព្រះ ដូច្នេះ ពួកសាវកត្រូវតែរកវិធីកែលំអបញ្ហានេះឱ្យបានឆាប់រហ័សជាទីបំផុត ដើម្បីស្តារឡើងវិញនូវសន្តិភាព និងសាមគី្គភាព របស់ក្រុមជំនុំ។
ព្រះវិញ្ញាណបរិសុទ្ធបានប្រទានវិធីមួយ ឱ្យពួកសាវកបានរួចពីការទទួលខុសត្រូវចំពោះការផ្គត់ផ្គង់ ដល់ជនក្រីក្រ និងបន្ទុកផ្សេងៗទៀតដែលស្រដៀងគ្នានេះ ដើម្បីឱ្យពួកគេមានពេលវេលាបង្រៀន ពីព្រះគ្រីស្ទតែមួយប៉ុណ្ណោះ។ «ពួកសាវកទាំង១២ ក៏បានហៅក្រុមជំនុំទាំងអស់មកជំនំគ្នាហើយបាននិយាយថា «មិនគួរគប្បីឱ្យយើងខ្ញុំទុកព្រះបន្ទូល ចោលដើម្បីនឹងទៅបំរើតុទេ ដូច្នេះ បងប្អូនអើយ ចូររើសយក៧នាក់ក្នុងពួកអ្នករាល់គ្នា ជាអ្នកមានឈ្មោះល្អ ពេញជា ព្រះវិញ្ញាណបរិសុទ្ធនិងប្រាជ្ញា នោះយើងខ្ញុំនឹងតាំងគេឱ្យត្រួតត្រាលើការងារនេះ ឯយើងខ្ញុំនឹងខំព្យាយាម ក្នុងសេចក្តី អធិស្ឋាន និងការផ្សាយព្រះបន្ទូលវិញ»។ ពួកជំនុំក៏បានជ្រើសរើសមនុស្ស៧នាក់ដែលពេញដោយសេចក្តីជំនឿ ហើយនិងប្រាជ្ញានៃព្រះវិញ្ញាណរបស់ព្រះ ដើម្បីនឹងបំពេញភារកិច្ចដែលបង្កឱ្យមានបញ្ហានោះ។ ស្ទេផានគឺជាបេក្ខជនទីមួយដែលត្រូវបានជ្រើសរើសព្រោះគាត់ គឺជាជនជាតិយូដាដោយកំណើតនិងសាសនា ប៉ុន្តែគាត់និយាយភាសាក្រិក ហើយមានការយល់ដឹងអំពីវប្បធម៌របស់ សាសន៍ក្រិក។ ដូច្នេះគាត់ក៏ត្រូវបានគេជ្រើសរើស ឱ្យធ្វើជាអ្នកគ្រប់គ្រងកិច្ចការទាំងឡាយ ដែលទាក់ទងទៅនឹងការផ្គត់ផ្គង់ដល់ស្រីមេម៉ាយ ក្មេងកំព្រា ហើយនិងអ្នកក្រីក្រ។ ការជ្រើសរើសនេះត្រូវបានគេពេញចិត្តគ្រប់គ្នា ហើយជម្លោះដែលកើតមានក៏បានស្ងប់ទៅវិញ។
អំណានព្រះគម្ពីរពេលល្ងាច៖ កិច្ចការ ជំពូក ៦:១-៧
ខចងចាំ៖ ក៏គ្មានណាមួយប្រជ្រៀតគ្នានឹងគ្នាដែរ គឺទាំងអស់ដើរតាមជួររៀងខ្លួន គេទំលុះទំលាយគ្រឿងសស្ត្រាវុធឥតរុញរាថយក្រោយឡើយ។ យ៉ូអែល ២:៨
