​អំណានព្រះគម្ពីរពេលព្រឹក៖ ដ្បិត​ដំណឹង​ពី​ឈើ​ឆ្កាងនោះ​ជា​សេចក្តី​ចំកួត ដល់​អស់​អ្នក​ដែល​កំពុង​តែ​វិនាស តែ​ជា​ព្រះចេស្តា​នៃ​ព្រះ ដល់​យើង​រាល់​គ្នា​ដែល​កំពុង​តែ​បាន​សង្គ្រោះ​វិញ។ កូរិនថូសទី១ ១:១៨

អំណានប្រចាំថ្ងៃ សម្អប់និងការចោទប្រកាន់ខុស

លោកស្ទេផានបានជឿទៅលើព្រះរបស់លោកអ័ប្រាហាំ អ៊ីសាក ហើយនិង​យ៉ាកុប ហើយបានបើកបង្ហាញនូវការពិតយ៉ាងទូលំទូលាយ ចំពោះ​សិទ្ធិទាំង​ឡាយ​ របស់សាសន៍យូដា ប៉ុន្តែសេចក្តីជំនឿរបស់គាត់ទូលំទូលាយ ហើយគាត់បានដឹងថានឹងមានពេលវេលាមកដល់ ដែលអ្នកជឿពិតប្រាកដ មិន​ថ្វាយបង្គំ​​តែ​ម្នាក់ឯង នៅក្នុងព្រះវិហារដែលបានធ្វើដោយដៃរបស់មនុស្សទេ ប៉ុន្តែមនុស្សនឹងថ្វាយបង្ខំព្រះដោយវិញ្ញាណ និងដោយសេចក្តីពិតនៅពាសពេញពិភពលោក។

ស្បៃមុខបានធ្លាក់ចុះ ចេញពីភ្នែករបស់ស្ទេផាន ហើយគាត់បានសម្លឹងមើលទៅចុងបញ្ចប់ដែលត្រូវបានលុបបំបាត់ចោលដោយការសុគតរបស់ព្រះគ្រីស្ទ។

​ពួកសង្ឃ និងពួកមេដឹកនាំមិនបានទទួលជ័យជំនះអ្វីទាំងអស់ ក្នុងការប្រឆាំងទាស់នឹងប្រាជ្ញាដ៏ច្បាស់លាស់ និងស្ងៀមស្ងាត់របស់គាត់ ទោះបីជាពួក​គេមានសេចក្តីក្លៀវក្លា ក្នុងការប្រឆាំងជំទាស់របស់ពួកគេក៏ដោយ។ ពួកគេបានប្តេជ្ញាចិត្តបង្កើតរឿងទាស់នឹងលេោកស្ទេផាន ហើយខណៈដែលពួកគេបំពេញចិត្តគេដោយសម្អប់នៃការសងសឹករបស់គេ ដើម្បីការពារអ្នកដទៃពីការទទួលយកសេចក្តីជំនឿរបស់គាត់ ដោយសេចក្តីភ័យខ្លាច។ ពួកគេពេញចិត្ត​នឹងការ​ចោទប្រកាន់ ទាស់នឹងគាត់ នៅក្នុងលក្ខណៈយ៉ាងធំ។ គេបានជួលសាក្សីក្លែងក្លាយឱ្យមកបញ្ជាក់ថាគេបានឮគាត់និយាយពាក្យប្រមាថ ប្រឆាំងទាស់នឹងព្រះវិហារហើយនិងច្បាប់។ ពួកគេបាននិយាយថា «ដ្បិតយើងខ្ញុំបានឮវាថា ឈ្មោះយេស៊ូវ ពីស្រុកណាសារ៉ែតនោះនឹងបំផ្លាញទីនេះបង់ ព្រមទាំងបំផ្លាស់បំប្រែទំនៀមទម្លាប់ដែលលោកម៉ូសេបានទុកឱ្យយើងរាល់គ្នាចេញ»។

​ខណៈពេលដែលស្ទេផានបានឈរមុខទល់នឹងមុខ ជាមួយនឹង​ការជំនុំ​ជម្រះរបស់គាត់ ដើម្បីឆ្លើយទៅនឹងបទឧក្រិដ្ឋនៃពាក្យជេរប្រមាថ ភាពប្រិមប្រិយ​​បរិសុទ្ធបានចាំងបំភ្លឺមកលើទឹកមុខរបស់គាត់។ «តែអស់អ្នកដែលអង្គុយនៅក្នុងក្រុមជំនុំ ក៏ជាប់ភ្នែកមើលមុខគាត់ ឃើញដូចជាមុខ​ទេវតា»។ មនុស្សជាច្រើនដែលបានឃើញទឹកមុខដែលមានពន្លឺរបស់លោកស្ទេផានបាន​ភ័យញ័រ ហើយ​បានបកស្បៃបាំងចិត្តរបស់គេចេញ ប៉ុន្តែពួកអ្នកដែលមិនជឿ​ហើយ​និង​សាសន៍​ដទៃដ៏រឹងរូស មិនបានកែប្រែចិត្តឡើយ។

​អំណានព្រះគម្ពីរពេលល្ងាច៖ កិច្ចការ ជំពូក​ ៧:១-៣៦