ថ្ងៃសៅរ៍ ទី១០ ខែកញ្ញា ឆ្នាំ២០២២
អំណានព្រះគម្ពីរពេលព្រឹក៖ ព្រះយេហូវ៉ាទ្រង់គង់ក្នុងព្រះវិហារបរិសុទ្ធរបស់ទ្រង់ឯបល្ល័ង្កនៃព្រះយេហូវ៉ា នោះនៅលើស្ថានសួគ៌ព្រះនេត្រទ្រង់ទតមើល ត្របកព្រះនេត្រទ្រង់ពិចារណាមើលមនុស្សជាតិទាំងឡាយ។ ទំនុកតម្កើង ១១:៤
អំណានប្រចាំថ្ងៃ ការយល់បន្ថែមទៀត
អស់អ្នកដែលកំពុងតែស្វែងយល់ពីការពិត បានយល់យ៉ាងជាក់ច្បាស់ពីភស្តុតាងរបស់ទីបរិសុទ្ធនៅស្ថានសួគ៌។ លោកម៉ូសេបានដំឡើងទីបរិសុទ្ធនៅលើផែនដី តាមគំរូដែលបានបង្ហាញដល់គាត់ ហើយសាវកប៉ុលក៏បានអះអាងថា គំរូនោះគឺជាគំរូពីទីបរិសុទ្ធដ៏ពិតនៃស្ថានសួគ៌ (ហេព្រើរ ៨:២, ៥) ហើយលោកយ៉ូហានក៏បានធ្វើបន្ទាល់ថា គាត់បានឃើញយ៉ាងដូច្នោះនៅស្ថានសួគ៌ដែរ។
នៅថ្ងៃផុតកំណត់នៃ ២៣០០ ថ្ងៃ (ល្ងាចនិងព្រឹក) នាឆ្នាំ ១៨៤៤ នោះ ពុំមានទីបរិសុទ្ធនៅលើផែនដីណាមួយដែលមានវត្តមានរាប់រយសតវត្សរ៍ រហូតដល់ពេលនោះឡើយ ដូច្នេះ អ្វីដែលបានចែងនៅក្នុងព្រះគម្ពីរថា «ដរាបដល់បានកន្លង ២៣០០ ថ្ងៃ (ល្ងាចនិងព្រឹក) ទៅ នោះទើបទីបរិសុទ្ធនឹងបានស្អាតឡើងវិញ» គឺពិតជាសំដៅទៅទីបរិសុទ្ធនៅស្ថានសួគ៌ប្រាកដណាស់។ ប៉ុន្តែ តើទីបរិសុទ្ធ នៅស្ថានសួគ៌ត្រូវការសំអាតដូចម្តេចទៅ? ពួកគេក៏បានក្រឡេកមើលទៅឯព្រះគម្ពីរម្តងទៀត ហើយ ក៏បានស្វែងយល់ថា ការសំអាតនេះមិនមែនជាការដកយកភាពមិនបរិសុទ្ធខាងសាច់ឈាមនោះទេ ព្រោះការនោះបានសម្រេចដោយសារព្រះលោហិតរបស់ព្រះយេស៊ូវតែប៉ុណ្ណោះ។ ដូច្នេះ កាសំអាតនោះពិតប្រាកដជាការសំអាតពីអំពើបាបវិញ។ ពួកសាវកបានមានប្រសាសន៍ថា «ដូច្នេះអស់ទាំងគំរូពីស្ថានសួគ៌ ត្រូវបានសំអាត ដោយសាររបស់ទាំងនោះ តែរបស់នៅស្ថានសួគ៌វិញ នោះត្រូវសំអាតដោយយញ្ញបូជាប្រសើរជាងទៅទៀត» ហេព្រើរ ៩:២៣។
ដើម្បីឱ្យយល់កាន់តែច្បាស់ពីការសំអាតដែលបានចែងនៅក្នុងបទទំនាយនេះ យើងត្រូវតែយល់អំពីកាតព្វកិច្ចដែលមាននៅក្នុងទីបរិសុទ្ធនៅស្ថានសួគ៌ជាមុនសិន។ ប៉ុន្តែដើម្បីស្វែងយល់ពីការងារនៅស្ថានសួគ៌នោះ យើងត្រូវតែស្វែងយល់ពីទីបរិសុទ្ធនៅលើផែនដីជាមុនដែរ ព្រោះសាវកប៉ុលបានមានប្រសាសន៍ថា «ដែលជាគំរូ ហើយជាស្រមេាលពីរបស់នៅស្ថានសួគ៌វិញ» ហេព្រើរ ៨:៥។
អំណានព្រះគម្ពីរពេលល្ងាច៖ របាក្សត្រទី២ ជំពូក ៥
ខចងចាំ៖ ហើយយើងខ្ញុំមានពាក្យទំនាយដ៏ពិតជាង ដែលគួរឲ្យអ្នករាល់គ្នាយកចិត្តទុកដាក់តាម ដូចជាតាមចង្កៀងដែលភ្លឺក្នុងទីងងឹត ទាល់តែថ្ងៃភ្លឺឡើង ហើយផ្កាយព្រឹករះឡើងក្នុងចិត្តអ្នករាល់គ្នា។ េពត្រុសទី២ ១:១៩
