​អំណានព្រះគម្ពីរពេលព្រឹក៖ ព្រះ​ទ្រង់​បាន​រើស​ពួក​ល្ងង់ល្ងើ​​នៅ​លោកីយ៍​នេះ ដើម្បី​នឹង​ធ្វើ​ឲ្យ​អ្នក​ប្រាជ្ញ​មាន​សេចក្តី​ខ្មាស​វិញ ទ្រង់​បាន​រើស​ពួក​កំសោយ​នៅ​លោកីយ៍​នេះ ដើម្បី​នឹង​ធ្វើ​ឲ្យ​ពួក​ខ្លាំង​ពូកែ​មាន​សេចក្តី​ខ្មាស។ កូរិនថូសទី១ ១:២៧

អំណានប្រចាំថ្ងៃ៖ ​ព្រះជាម្ចាស់ជ្រើសរើសយកអ្នកដែលចេះបន្ទាបខ្លួន ពីព្រោះ​ពួកគេអាចបង្រៀនបាន

ពួកមេដឹកនាំសាសនាធំៗនៅក្នុងជំនាន់នេះសរសើរតម្កើងនិងសង់វិមានឲ្យអ្នកដែលបានដាំគ្រាប់ពូជនៃសេចក្តីពិតកាលពីច្រើនសតវត្សរ៍មកហើយខណៈពេលដែលធ្វើឲ្យមនុស្សខកចិត្តមកពីធ្វើការងារដូចគ្នានៅសព្វថ្ងៃនេះដែរ។ អ្វីដែលបាននិយាយកាលពីយូរយារមកហើយនោះគឺត្រូវបានធ្វើសារឡើងវិញ«យើងដឹងថាព្រះបានមានបន្ទូលនឹងលោកម៉ូសេពិតតែអ្នកនោះយើងមិនដឹងជាមកពីណាទេ»។ យ៉ូហាន៩ៈ២៩។ ដូចកាលពីពេលកន្លងហួសសេចក្តីពិតពិសេសសម្រាប់ពេលនេះគឺឃើញចំពោះមនុស្សប្រុសស្រីដែលចេះបន្ទាបខ្លួនមិនមែនជាមួយនិងពួកមេដឹកនាំសាសនាដែលមានចំណេះខ្លាំងពេកនិងឆ្លាតហួសពេក ហើយ​នឹងមិនជឿព្រះបន្ទូលរបស់ព្រះជាម្ចាស់នោះឡើយ។

«ឱបងប្អូនអើយអ្នករាល់គ្នាឃើញថា ក្នុងពួកអ្នកដែលទ្រង់បានហៅមិនសូវមានអ្នកប្រាជ្ញច្រើនខាងសាច់ឈាមឬច្រើននាក់មានអំណាចនិងច្រើននាក់ដែលមានត្រកូលខ្ពស់នោះទេ។ ព្រះទ្រង់បានរើសពួកល្ងង់ល្ងើនៅលោកិយនេះដើម្បីនឹងធ្វើឲ្យអ្នកប្រាជ្ញមានសេចសេចក្តីខ្មាសវិញ ទ្រង់បានរើសពួកកំសោយនៅលោកិយនេះ ដើម្បីនឹងធ្វើឲ្យពួកខ្លាំងពូកែមានសេចក្តីខ្មាសហើយទ្រង់បានរើសអ្នកទាបថោកនៅលោកិយនេះនិងពួកអ្នកដែលគេមើលងាយព្រមទាំងរបស់ដែលគ្មានផង ដើម្បីនឹងលើកចោលរបស់ដែលមានចេញ»។ កូរិនថូសទី១ ១ៈ២៦-២៨។ «ដើម្បីកុំឲ្យសេចក្តីជំនឿរបស់អ្នករាល់គ្នាបានតាំងនៅដោយប្រាជ្ញារបស់មនុស្សឡើយ គឺដោយព្រះចេស្តានៃព្រះវិញ»។កូរិនថូសទី១ ២ៈ៥។

នៅក្នុងតំណចុងក្រោយនេះរឿងប្រៀបប្រដូចនៃគ្រាប់ពូជដ៏តូចគឺដើម្បីឲ្យបានសម្រេចការសំខាន់និងជោគជ័យ។ គ្រាប់ដ៏តូចនឹងក្លាយ ទៅជាដើម ឈើ។ សារនៃសេចក្តីព្រមាននិងសេចក្តីមេត្តាគឺត្រូវទៅ«ដល់គ្រប់អស់ទាំង សាសន៍គ្រប់ពូជអំបូរគ្រប់ភាសា»។ វិវរណៈ ១៤ៈ៦-១៤ «ដើម្បីរើសយករាស្ត្រ១ពួកពីគេទុកសម្រាប់ព្រះនាមទ្រង់។ កិច្ចការ ១៥ៈ១៤ ហើយ​សិរីល្អ​របស់​ទេវតានោះក៏បំភ្លឺផែនដី»។ វិវរណៈ ១៨ៈ១។

​អំណានព្រះគម្ពីរពេលល្ងាច៖ ម៉ាថាយ ១២៖៣៨-៤២