ថ្ងៃពុធ ទី១១ ខែមករា ឆ្នាំ២០២៣
អំណានព្រះគម្ពីរពេលព្រឹក៖ ឱមនុស្សកំឡៅអើយ គ្រាប់ពូជដដែលអ្នកព្រោះទៅ បើមិនងាប់ នោះមិនពន្លកដុះឡើងទេ ហើយគ្រាប់ដែលអ្នកព្រោះនោះ មិនមែនដូចជាដើមដែលពន្លកឡើងនោះដែរ គឺជាគ្រាប់សុទ្ធ ដូចជាគ្រាប់ស្រូវ ឬពូជណាទៀតក្តី តែព្រះទ្រង់ប្រទានឲ្យមានដើមទីទៃពីគ្នារៀងរាល់ពូជ តាមព្រះហឫទ័យទ្រង់។ កូរិនថូសទី១ ១៥:៣៦-៣៨
អំណានប្រចាំថ្ងៃ៖ សួន ឬចំការបន្លែ គឺជាថ្នាក់រៀនរបស់ព្រះជាម្ចាស់
រឿងប្រៀបប្រដូចនេះបានបង្រៀនអំពីបទពិសោធនៃជីវិតពិតរបស់អ្នកសាបព្រោះ ហើយនឹងគ្រាប់ពូជ។ ខណៈពេលដែលឪពុកម្តាយនិងគ្រូបង្រៀនខំព្យាយាមបង្រៀនមេរៀនទាំងនេះត្រូវធ្វើឲ្យការងារនេះមានប្រយោជន៍។ ចូរឲ្យកុមារខ្លួនឯងជាអ្នករៀបចំដីនិងដាំគ្រាប់ពូជចុះ។ ដូចគ្រាប់ពូជកប់នៅក្រោមដី ពួកគេអាចបង្រៀនមេរៀនអំពីការសុគតរបស់ព្រះយេស៊ូវបាន។ ដូចគ្រាប់ពូជដុះឡើង ហើយចេញស្លឹកដំបូង ពួកគេអាចបង្រៀនមេរៀនអំពីសេចក្តីពិតនៃការរស់ឡើងវិញបាន។ ដូចដើមរុក្ខជាតិដុះលូតលាស់អាចបង្រៀនកុមារអំពីរបៀបទំនាក់ទំនងនៃធម្មជាតិជាមួយនិងអ្វីដែលនៅខាងព្រលឹងវិញ្ញាណ។
ត្រូវបង្រៀនណែនាំពួកយុវវ័យតាមរបៀបស្រដៀងគ្នាដែរ។ ត្រូវបង្រៀនពួកគេឲ្យចេះដាំដុះ។ វាជាការល្អ បើសិនជាគ្រប់សាលារៀនមានដីសម្រាប់ធ្វើកសិកម្ម។ ដីសម្រាប់ធ្វើកសិកម្មត្រូវចាត់ទុកដូចជាបន្ទប់ថ្នាក់រៀនរបស់ព្រះជាម្ចាស់។ ត្រូវមើលទៅអ្វីៗនៅក្នុងធម្មជាតិទុកជាសៀវភៅមេរៀនដែលកូនចៅរបស់ទ្រង់ត្រូវសិក្សារៀនសូត្រពីសៀវភៅនោះ ហើយដែលពួកគេអាចទទួលបានចំណេះអំពីការរីកចម្រើនលូតលាស់នៃចិត្តខាងព្រលឹងវិញ្ញាណ។
អំណានព្រះគម្ពីរពេលល្ងាច៖ ម៉ាថាយ ១៤៖១៣-២១
ខចងចាំ៖ «ខ្ញុំចង់និយាយដូច្នេះ គឺថា អ្នកណាដែលព្រោះដោយកំណាញ់ នោះនឹងច្រូតបានតិច ហើយអ្នកណាដែលព្រោះដោយសទ្ធា នោះនឹងច្រូតបានច្រើនវិញ»។ កូរិនថូសទី២ ៩:៦
