​អំណានព្រះគម្ពីរពេលព្រឹក៖ តែ​ចូរ​ឲ្យ​អ្នក​រាល់​គ្នា​បាន​បរិសុទ្ធ​ក្នុង​គ្រប់​កិរិយា​ទាំង​អស់ ដូច​ជា​ព្រះ​ដែល​ហៅ​អ្នក​រាល់​គ្នា​ទ្រង់​បរិសុទ្ធ​ដែរ។ ពេត្រុសទី១ ១:១៥

អំណានប្រចាំថ្ងៃ៖ ​ព្រះជាម្ចាស់ធ្វើឲ្យយើងបរិសុទ្ធ

លោកពេត្រុសលើកទឹកចិត្តយើងដោយនិយាយថា «ដូចជាព្រះដែល​ហៅអ្នករាល់គ្នា ទ្រង់បរិសុទ្ធដែរដ្បិតមានសេចក្តីចែងទុកមកថា ចូរឲ្យឯងរាល់គ្នាបានបរិសុទ្ធ ដ្បិតអញជាបរិសុទ្ធ ។ ពេត្រុសទី១ ១ៈ១៥,១៦។ ព្រះគុណរបស់ព្រះយេស៊ូវគឺត្រូវគ្រប់គ្រងអារម្មណ៍ ឬកំហឹងនិងសំឡេង។ ការងារ​របស់វានឹងបង្ហាញឲ្យឃើញនៅក្នុងភាពគួរសមពាក្យសម្តីលើកទឹកចិត្ត ហើយនិង​​ការថែរក្សាថ្នាក់ថ្នមចំពោះគ្នាទៅវិញទៅមក។ ព្រះគុណនេះ នាំមកនូវវត្តមាន​ដូចជាទេវតាមកនៅក្នុងក្រុមគ្រួសារ ឬផ្ទះដូច្នោះដែរ។ ជីវិតដែលមានលក្ខណៈដូចជាព្រះយេស៊ូវ គឺដូចជាទឹកអប់ដែលមានក្លិនក្រអូបប្រហើរដែលសាយភាយក្លិនទៅដល់ព្រះជាម្ចាស់ជាក្លិនធូបបរិសុទ្ធ។ សេចក្តីស្រឡាញ់បង្ហាញឲ្យឃើញនៅក្នុងលក្ខណៈជាចិត្តសប្បុរសសុភាពរាបសារ និងភាព​អំណត់​អត់ធន់។

មុខមាត់ត្រូវបានផ្លាស់ប្រែ។ព្រះយេស៊ូវគង់ប្រថាប់នៅក្នុងចិត្ត ចែងចាំង​នៅលើផ្ទៃមុខ អស់អ្នកដែលស្រឡាញ់ទ្រង់ ហើយនិងរក្សាបញ្ញត្តិរបស់ទ្រង់។ អាចមើលឃើញសេចក្តីពិតនិងសេចក្តីសុខនៃនគរឋានសួគ៌។គឺមានឃើញភាពសុភាពរាបសារ សេចក្តីស្រឡាញ់ដែលលើសពីសេចក្តីស្រឡាញ់របស់មនុស្សជាបន្ត។

មេដំបែនៃសេចក្តីពិតធ្វើការកែប្រែមនុស្សទាំងមូលធ្វើឲ្យមនុស្សគម្រោះគម្រើយទៅជាមនុស្សដែលសុភាពរាបសា និងមានភាពថ្លៃថ្នូរ ហើយនឹងមនុស្សដែលអាត្មានិយម ក្លាយទៅជា​មនុស្សដែលមានចិត្តសប្បុរស ចិត្តល្អ។តាមរយៈសេចក្តីពិតនៃព្រះបន្ទូលរបស់ព្រះអ្នកដែលប្រព្រឹត្តិអំពើបាបត្រូវបាន​លើកលែងទោសឲ្យត្រូវបានលាងសំអាតនៅក្នុងព្រះលោហិតរបស់កូនចៀម។ តាមរយៈអំណាចនៃព្រះបន្ទូលរបស់​ព្រះ ចិត្តគំនិត ព្រលឹង និងកម្លាំងត្រូវ​បាននាំចូលមកក្នុងសេចក្តីសុខដុមរមនាជាមួយនិងជីវិតរបស់ព្រះ។ មនុស្ស​ដែល​មានចិត្តពោរពេញដោយអំពើបាប ក្លាយទៅជាអ្នកដែលមានចិត្តដែល​មិន​មានអំពើបាបដូចជាព្រះដែរ។ ព្រះយេស៊ូវត្រូវបានផ្តល់កិត្តិយស ឬគោរព​ដោ​យ​ភាពវិសេសនិងចរិតលក្ខណៈល្អឥតខ្ចោះ។ កាលណាការ​កែប្រែ​ទាំងនេះកើតមានឡើងពួកទេវតាបន្លឺសំឡេងច្រៀងដោយក្តីអំណរ និងព្រះជាម្ចាស់ ហើយនឹងព្រះយេស៊ូវត្រេកអរចំពោះមនុស្សដែលចិត្តរបស់ពួកគេត្រូវបានកែប្រែទៅដូចជាពួកទេវតារបស់ព្រះ ហើយនឹងព្រះយេស៊ូវ។

​អំណានព្រះគម្ពីរពេលល្ងាច៖ ម៉ាថាយ ១៧៖ ១-១៣