ថ្ងៃអាទិត្យ ទី២៩ ខែមករា ឆ្នាំ២០២៣
អំណានព្រះគម្ពីរពេលព្រឹក៖ កូនតូចៗ រាល់គ្នាអើយ ដែលខ្ញុំសរសេរសេចក្តីទាំងនេះផ្ញើមក នោះដើម្បីកុំឲ្យអ្នករាល់គ្នាធ្វើបាបទៀត តែបើសិនជាអ្នកណាភ្លាត់ធ្វើបាបវិញ នោះយើងមានព្រះដ៏ជាជំនួយ១អង្គហើយ ដែលទ្រង់គង់នៅចំពោះព្រះវរបិតា គឺជាព្រះយេស៊ូវគ្រីស្ទ ជាព្រះដ៏សុចរិត។ យ៉ូហានទី១ ២:១
អំណានប្រចាំថ្ងៃ៖ ត្រូវបង្រៀនមេរៀនពីក្នុងព្រះគម្ពីរដល់កូនៗ
យើងត្រូវរៀនព្រះបន្ទូលរបស់ព្រះជាម្ចាស់។ យើងត្រូវបង្រៀនកូនៗរបស់យើងអំពីសេចក្តីពិតដែលមាននៅក្នុងព្រះគម្ពីរ។ ព្រះគម្ពីរ គឺជាកំណប់ដែលយើងប្រើមិនចេះអស់។ ប៉ុន្តែ មនុស្សមិនព្រមរកកំណប់ទ្រព្យនេះទេពីព្រោះពួកគេមិនស្វែងរកវាឲ្យទាល់តែឃើញ។ មានមនុស្សជាច្រើនពេញចិត្តនឹងគិតពួកគេស្គាល់សេចក្តីពិត។ ពួកគេពេញចិត្តនឹងដឹងតិចតួចអំពីព្រះបន្ទូលរបស់ព្រះជាម្ចាស់ជឿថាពួកគេដឹងនូវអ្វីដែលសំខាន់។ ពួកគេជឿអ្វីដែលអ្នកដទៃនិយាយដោយគិតថាវាគឺជាសេចក្តីពិត ប៉ុន្តែ ពួកគេខ្ជិលសិក្សារៀនសូត្រព្រះបន្ទូលរបស់ព្រះជាម្ចាស់សម្រាប់ខ្លួនគេពេក។ នៅក្នុងរឿងប្រៀបប្រដូចអំពីកំណប់ទ្រព្យមេរៀននេះតំណាងឲ្យការជីករកកំណប់ទ្រព្យដែលបានគ្របបាំងឬកប់ជិត។ គំនិតរបស់មនុស្សមិនអាចយកជាការបានទេហើយក៏គ្រោះថ្នាក់ដែរ ដោយការជឿទុកចិត្តលើគំនិតរបស់មនុស្សទាំងនោះពួកគេដាក់គំនិតរបស់មនុស្សជំនួសកន្លែងគំនិតរបស់ព្រះជាម្ចាស់វិញ។ ពួកគេជឿទុកចិត្តលើពាក្យសម្តីរបស់មនុស្សជាជាងជឿទុកចិត្តលើព្រះបន្ទូលរបស់ព្រះជាម្ចាស់។
ព្រះយេស៊ូវគឺជាសេចក្តីពិត។ ព្រះបន្ទូលរបស់ទ្រង់គឺជាសេចក្តីពិតហើយ ព្រះបន្ទូលទាំងនោះគឺសំខាន់ជាងតាមការគិតរបស់យើងទៅទៀត។ អ្វីៗដែលព្រះយេស៊ូវបានមានបន្ទូល មានតម្លៃជាងការយល់របស់យើងទៅទៀត។ មនុស្សដែលពោរពេញទៅដោយព្រះវិញ្ញាណបរិសុទ្ធ នឹងយល់ពីតម្លៃនូវអ្វីដែលព្រះយេស៊ូវបានមានបន្ទូល។ ពួកគេនឹងឃើញសេចក្តីពិតដ៏មានតម្លៃត្រូវបានរកឃើញនៅក្នុងកំណប់ទ្រព្យដែលកប់នេះ។
ទ្រឹស្តីនិងគំនិតរបស់មនុស្សនឹងមិនដែលនាំឲ្យយល់ពីព្រះបន្ទូលរបស់ព្រះជាម្ចាស់ឡើយ។ មនុស្សដែលគិតថា ខ្លួនគេយល់ពីទស្សនវិជ្ជាក៏គិតថា ពួកគេអាចធ្វើឲ្យយល់ពីកំណប់ទ្រព្យនៃចំណេះដឹងដែលមាននៅក្នុងព្រះគម្ពីរហើយការពារនូវសេចក្តីជំនឿនិងការបង្រៀនក្លែងក្លាយមិនឲ្យចូលមកក្នុងព្រះវិហារបាន។ ប៉ុន្តែ ការពន្យល់បកស្រាយនេះហើយដែលបាននាំការបង្រៀននិងជំនឿក្លែងក្លាយចូលមកនោះ។ មនុស្សបានខំព្យាយាមពន្យល់នូវអ្វីដែលពួកគេគិតថាជាខព្រះគម្ពីរដែលពិបាកៗ ប៉ុន្តែជាញឹកញាប់ពួកគេបានសម្តែងឬពន្យល់ខុសពីអ្វីដែលខព្រះគម្ពីរបានបង្រៀន។
អំណានព្រះគម្ពីរពេលល្ងាច៖ ម៉ាថាយ ១៩៖ ១៦-៣០
ខចងចាំ៖ «កូនតូចៗ រាល់គ្នាអើយ ដែលខ្ញុំសរសេរសេចក្តីទាំងនេះផ្ញើមក នោះដើម្បីកុំឲ្យអ្នករាល់គ្នាធ្វើបាបទៀត តែបើសិនជាអ្នកណាភ្លាត់ធ្វើបាបវិញ នោះយើងមានព្រះដ៏ជាជំនួយ១អង្គហើយ ដែលទ្រង់គង់នៅចំពោះព្រះវរបិតា គឺជាព្រះយេស៊ូវគ្រីស្ទ ជាព្រះដ៏សុចរិត»។ យ៉ូហានទី១ ២:១
