ថ្ងៃអង្គារ ទី៣ ខែមករា ឆ្នាំ២០២៣
អំណានព្រះគម្ពីរពេលព្រឹក៖ រីឯតិណជាតិ ដែលដុះនៅវាលក្នុងថ្ងៃនេះ ហើយថ្ងៃស្អែកត្រូវគេដុតនៅជើងក្រាន បើព្រះទ្រង់តុបតែងស្មៅយ៉ាងដូច្នោះ នោះឱមនុស្សមានជំនឿតិចអើយ តើទ្រង់មិនតុបតែងឲ្យអ្នករាល់គ្នា លើសជាងទៅទៀតទេឬអី ។ ម៉ាថាយ ៦:៣០
អំណានប្រចាំថ្ងៃ៖ ព្រះជាម្ចាស់រក្សាសេចក្តីសន្យារបស់ទ្រង់
ព្រះយេស៊ូវបានបង្រៀនសាវ័ករបស់ទ្រង់ឲ្យអធិស្ឋាន «សូមប្រទានអាហារដែលយើងខ្ញុំត្រូវការនៅថ្ងៃនេះ»។ ហើយចង្អុលទៅឯផ្កា ទ្រង់បានផ្តល់នូវកិច្ចសន្យាថា «បើព្រះទ្រង់តុបតែងស្មៅយ៉ាងដូច្នោះ នោះឱមនុស្សមានជំនឿតិចអើយ តើទ្រង់មិនតុបតែងឲ្យអ្នករាល់គ្នាលើសជាងទៅទៀតទេឬអី?» ម៉ាថាយ ៦ៈ១១,៣០។ ព្រះយេស៊ូវតែងតែធ្វើការឆ្លើយតបសេចក្តីអធិស្ឋាននេះ ហើយនិងរក្សាសេចក្តីសន្យានេះជានិច្ច។ គឺមានអំណាចដែលមិនអាចមើលឃើញដែលតែងតែធ្វើការជាអ្នកបម្រើរបស់មនុស្សដើម្បីផ្តល់អាហារនិងស្លៀកពាក់ឲ្យគេ។ ព្រះជាម្ចាស់ប្រើវត្ថុជាច្រើនដើម្បីឲ្យគ្រាប់ពូជដែលគេបោះបង់ចោលឲ្យទៅជារុក្ខជាតិដែលមានជីវិត។ ហើយទ្រង់ផ្គត់ផ្គង់តាមចំនួនដែលត្រឹមត្រូវតាមសេចក្តីត្រូវការដើម្បីធ្វើឲ្យការប្រមូលផលបានល្អឥតខ្ចោះ។ នៅក្នុងពាក្យសម្តីដ៏ពីរោះរបស់សេ្តចដាវីឌនៅព្រះគម្ពីរទំនុកតម្កើង៖«ទ្រង់ក៏ថែរក្សាហើយស្រោចស្រប់ផែនដី ព្រមទាំងធ្វើឲ្យមានផលកាន់តែច្រើនឡើងដោយទន្លេនៃព្រះមានទឹកពេញ រួចទ្រង់ផ្គត់ផ្គង់ឲ្យមានស្រូវ ដោយរៀបចំផែនដីយ៉ាងនោះ ទ្រង់ស្រោចគន្លងទាំងប៉ុន្មានជាបរិបូរ ក៏ពង្រាបអាចម៏បំណះហើយធ្វើឲ្យដីទន់ដោយទឹកភ្លៀង ក៏ប្រទានពរដល់ពន្លក។ ទ្រង់ប្រោសប្រទានឲ្យឆ្នាំបានប្រកបដោយសេចក្តីសប្បុរសនៃទ្រង់វិលខួប ហើយអស់ទាំងផ្លូវទ្រង់ក៏ស្រក់ជាសេចក្តីបរិបូរ»។ ទំនុកតម្កើង ៦៥ៈ៩-១១
អំណានព្រះគម្ពីរពេលល្ងាច៖ ម៉ាថាយ ១២៖៤៦-៥០
ខចងចាំ៖ «ទ្រង់ក៏ថែរក្សា ហើយស្រោចស្រប់ផែនដី ព្រមទាំងធ្វើឲ្យមានផលកាន់តែច្រើនឡើង ដោយទន្លេនៃព្រះមានទឹកពេញ រួចទ្រង់ផ្គត់ផ្គង់ឲ្យមានស្រូវ ដោយរៀបចំផែនដី យ៉ាងនោះ ទ្រង់ស្រោចគន្លងទាំងប៉ុន្មានជាបរិបូរក៏ពង្រាបអាចម៍បំណះ ហើយធ្វើឲ្យដីទន់ ដោយទឹកភ្លៀង ក៏ប្រទានពរដល់ពន្លក ទ្រង់ប្រោសប្រទានឲ្យឆ្នាំបានប្រកបដោយសេចក្តីសប្បុរសនៃទ្រង់វិលខួប ហើយអស់ទាំងផ្លូវទ្រង់ ក៏ស្រក់ជាសេចក្តីបរិបូរ»។ ទំនុកតម្កើង ៦៥៖៩-១១
