ថ្ងៃពុធ ទី៤ ខែមករា ឆ្នាំ២០២៣
អំណានព្រះគម្ពីរពេលព្រឹក៖ ដ្បិតដីបង្កើតផលដោយខ្លួនឯង មុនដំបូងចេញជាពន្លក រួចបែកជាគួរ ក្រោយទៀតចេញជាគ្រាប់។ ម៉ាកុស ៤:២៨
អំណានប្រចាំថ្ងៃ៖ ព្រះជាម្ចាស់ផ្តល់សម្រាប់មនុស្ស នៅពេលដែលមនុស្សសហការជាមួយទ្រង់
ព្រះជាម្ចាស់គ្រប់គ្រងលើវត្ថុដែលមានរូបរាងទាំងអស់នៃលោកិយនេះ។ វត្ថុធម្មជាតិស្តាប់បង្គាប់ក្រឹត្យវិន័យដែលព្រះជាម្ចាស់បានបង្កើត។ វត្ថុគ្រប់យ៉ាងនិយាយនិងធ្វើតាមព្រះហឫទ័យរបស់ព្រះអាទិករ។ ពពកនិងពន្លឺថ្ងៃទឹកសន្សើមនិងទឹកភ្លៀងខ្យល់ និងព្យុះទាំងអស់ ស្ថិតនៅក្រោមការគ្រប់គ្រងរបស់ព្រះជាម្ចាស់ ហើយស្តាប់បង្គាប់តាមបញ្ជារបស់ព្រះជាម្ចាស់។ គ្រាប់ពូជស្តាប់បង្គាប់ តាមក្រឹត្យវិន័យរបស់ព្រះជាម្ចាស់តាំងពីការចេញពន្លកត្រួយការដុះចេញពីគ្រាប់ដុះចេញពីក្នុងដីមកលើផ្ទៃដីខាងលើ«មុនដំបូងចេញជាពន្លករួចបែកជាកួរ ក្រោយទៀតចេញជាគ្រាប់»។ ម៉ាកុស ៤ៈ២៨។ រុក្ខជាតិដុះត្រឹមត្រូវតាមរដូវកាល ពីព្រោះពួកវាមិនប្រឆាំងនឹងច្បាប់ដែលព្រះជាម្ចាស់បានបង្កើត។ តើវាអាចទៅរួចដែរទេ ដែលថាមនុស្សត្រូវបានបង្កើតឡើងនៅក្នុងរូបអង្គព្រះជាម្ចាស់ប្រទានសមត្ថភាព ឲ្យចេះគិត និងនិយាយជាផ្នែកតែ១គត់នៃការបង្កើតរបស់ព្រះជាម្ចាស់ ដែលមិនឲ្យតម្លៃអំណោយរបស់ព្រះជាម្ចាស់ហើយសម្រេចចិត្តមិនស្តាប់បង្គាប់ព្រះហឫទ័យរបស់ព្រះជាម្ចាស់នោះ? តើមានតែមនុស្សឬដែលមានសមត្ថភាពចេះគិត ហើយចេះដោះស្រាយបញ្ហាដែលបណ្តាលឲ្យមានការច្របូកច្របល់ឬភាន់ច្រឡំ នៅក្នុងលោកិយនេះ?
សេចក្តីត្រូវការរបស់មនុស្សត្រូវបានបំពេញតាមតម្រូវការដោយសារការសហការរវាងអំណាចរបស់ព្រះជាម្ចាស់ និងការខិតខំប្រឹងប្រែងរបស់មនុស្ស។ វានឹងគ្មានការច្រូតកាត់នោះទេ លុះត្រាតែមនុស្សសាបព្រោះជាមុនសិន ប៉ុន្តែ បើសិនជាព្រះជាម្ចាស់មិនធ្វើការផ្តល់ពន្លឺថ្ងៃនិងទឺកភ្លៀងទឹកសន្សើមនិងពពក នោះនឹងគ្មានការរីកចម្រើនឡើយ។ គឺវាដូចគ្នានៅក្នុងសកម្មភាពខាងមុខជំនួញឬការរកសុីនីមួយៗនៅក្នុងគ្រប់វិស័យនៃការសិក្សានិងវិទ្យាសាស្ត្រ។ យើងមានការងាររបស់យើង ដើម្បីកែប្រែចរិតលក្ខណៈ និងគ្រប់ការងារទាំងអស់របស់គ្រីស្ទាន រួមទាំងផ្នែកខាងព្រលឹងវិញ្ញាណផង ប៉ុន្តែយើងត្រូវការអំណាចរបស់ព្រះជាម្ចាស់ដើម្បីធ្វើជាជំនួយដល់យើងដែរ។
នៅពេលណាដែលមនុស្សបានសម្រេចអ្វីមួយមិនថានៅខាងព្រលឹងវិញ្ញាណឬក៏ខាងសម្ភារៈ អ្នកនោះត្រូវរក្សាទុកនៅក្នុងចិត្តគំនិតថា គេបានសម្រេចការងារនោះតាមរយៈការសហការជាមួយព្រះអាទិកររបស់ខ្លួន។ យើងមានសេចក្តីត្រូវការយ៉ាងធំដើម្បីឲ្យដឹងពីការពឹងអាស្រ័យលើព្រះជាម្ចាស់។មនុស្សមានការទុកចិត្តខ្លាំងពេក មានការពឹងផ្អែកទៅលើអ្វីៗដែលមនុស្សបង្កើតខ្លាំងពេក។ គឺមានទំនុកចិត្តចំពោះអំណាចដែលព្រះជាម្ចាស់ត្រៀមនឹងប្រទានឲ្យ។ «យើងរាល់គ្នាជាអ្នកធ្វើការជាមួយនឹងព្រះ»។កូរិនថូសទី១ ៣ៈ៩។
អំណានព្រះគម្ពីរពេលល្ងាច៖ ម៉ាថាយ ១៣៖១-២៣
ខចងចាំ៖ «ទ្រង់ក៏ថែរក្សា ហើយស្រោចស្រប់ផែនដី ព្រមទាំងធ្វើឲ្យមានផលកាន់តែច្រើនឡើង ដោយទន្លេនៃព្រះមានទឹកពេញ រួចទ្រង់ផ្គត់ផ្គង់ឲ្យមានស្រូវ ដោយរៀបចំផែនដី យ៉ាងនោះ ទ្រង់ស្រោចគន្លងទាំងប៉ុន្មានជាបរិបូរក៏ពង្រាបអាចម៍បំណះ ហើយធ្វើឲ្យដីទន់ ដោយទឹកភ្លៀង ក៏ប្រទានពរដល់ពន្លក ទ្រង់ប្រោសប្រទានឲ្យឆ្នាំបានប្រកបដោយសេចក្តីសប្បុរសនៃទ្រង់វិលខួប ហើយអស់ទាំងផ្លូវទ្រង់ ក៏ស្រក់ជាសេចក្តីបរិបូរ»។ ទំនុកតម្កើង ៦៥៖៩-១១
