ថ្ងៃអាទិត្យ ទី១២ ខែកុម្ភៈ ឆ្នាំ២០២៣
អំណានព្រះគម្ពីរពេលព្រឹក៖ប៉ុន្តែ សេចក្តីអ្វីដែលមានប្រយោជន៍ដល់ខ្ញុំពីមុន នោះខ្ញុំបានរាប់ជាខាតវិញ ដោយព្រោះព្រះគ្រីស្ទ ហើយខ្ញុំក៏រាប់គ្រប់ទាំងអស់ទុកដូចជាខាតដែរ ដោយព្រោះសេចក្តីដែលប្រសើរជាង គឺដោយស្គាល់ព្រះគ្រីស្ទយេស៊ូវ ជាព្រះអម្ចាស់នៃខ្ញុំ ដែលដោយយល់ដល់ទ្រង់ ខ្ញុំបានខាតគ្រប់ទាំងអស់ ហើយបានរាប់ទាំងអស់ទុកដូចជាសំរាម ប្រយោជន៍ឲ្យបានព្រះគ្រីស្ទវិញ។ ភីលីព ៣:៧-៨
អំណានប្រចាំថ្ងៃ៖ ព្រះវិញ្ញាណបរិសុទ្ធកំពុងតែរង់ចាំឲ្យយើងទទួលអំណាច ឬថាមពលរបស់ទ្រង់
អ្វីដែលបានកើតមានឡើងនៅបុណ្យទីហាសិបនឹងកើតមានឡើងម្តងទៀត ហើយកាន់តែមានឫទ្ធានុភាពខ្លាំងក្លាជាងនេះ។ ការចាក់ព្រះវិញ្ញាណបរិសុទ្ធនៅថ្ងៃបុណ្យទីហាសិបគឺដូចជាភ្លៀងដើមរដូវដូច្នោះដែរ។ គឺដូចជាភ្លៀងចុងរដូវដែលមានលក្ខណៈជោគជាំ ដូច្នេះអំណាចនៃព្រះវិញ្ញាណបរិសុទ្ធនឹងមានអំណាចខ្លាំង មុនពេលដែលព្រះយេស៊ូវយាងមកម្តងទៀត។ ព្រះវិញ្ញាណរង់ចាំឲ្យយើងសូម ហើយទទួលយកអំណាចរបស់ទ្រង់។
ដោយសារអំណាចនៃព្រះវិញ្ញាណបរិសុទ្ធ រាស្ត្ររបស់ព្រះជាម្ចាស់នឹងបង្ហាញអំណាចនិងចរិតលក្ខណៈរបស់ព្រះយេស៊ូវជាថ្មីម្តងទៀត។ មនុស្សនឹងដឹងពីតម្លៃនៃគុជដ៏មានតម្លៃហើយជាមួយនិងលោកប៉ុលនឹងនិយាយថា «ក៏ ប៉ុន្តែអ្វីៗដែលខ្ញុំធ្លាប់គិតថាមានតម្លៃសម្រាប់ខ្ញុំនោះខ្ញុំចាត់ទុកទាំងអស់ថាឥតបានការទៅវិញ ព្រោះតែព្រះគ្រីស្ទ គឺខ្ញុំចាត់ទុកអ្វីៗទាំងអស់ដូចជាឥតបានការព្រោះតែបានស្គាល់ព្រះគ្រីស្ទយេស៊ូវជាព្រះអម្ចាស់របស់ខ្ញុំ ដែលជាការមួយដែលប្រសើរវិសេសវិសាលបំផុត»។ ភីលីព ៣ៈ៧,៨។
អំណានព្រះគម្ពីរពេលល្ងាច៖ ម៉ាថាយ ២២៖៣៤-៤០
ខចងចាំ៖ «អ្នករាល់គ្នាស្ទង់មើលគម្ពីរ ដោយស្មានថា បានជីវិតដ៏នៅអស់កល្បជានិច្ចអំពីគម្ពីរនោះមក គឺជាគម្ពីរនោះឯងដែលធ្វើបន្ទាល់ពីខ្ញុំ»។ យ៉ូហាន ៥:៣៩
