​អំណានព្រះគម្ពីរពេលព្រឹក៖ ទ្រង់​ក៏​មាន​ព្រះបន្ទូល​ទៅ​ទៀត​ថា ដូច្នេះ គ្រប់​អស់​ទាំង​អាចារ្យ​ណា​ដែល​មាន​គេ​បង្ហាត់​បង្រៀន ឲ្យ​ធ្វើ​ជា​សិស្ស​នៃ​នគរ​ស្ថានសួគ៌ នោះ​ធៀប​ដូច​ជា​ថៅកែ​ម្នាក់ ដែល​បញ្ចេញ​របស់​ទាំង​ថ្មី​ទាំង​ចាស់​ពី​ឃ្លាំង​របស់​ខ្លួន។ ម៉ាថាយ ១៣:៥២

អំណានប្រចាំថ្ងៃ៖ ​ត្រូវតែចែកចាយសេចក្តីស្រឡាញ់របស់ព្រះយេស៊ូវ

មនុស្សម្នាក់ៗដែលទទួលយកដំណឹងល្អ ចូលទៅក្នុងចិត្តនឹងចង់ចែកចាយវាជាមួយអ្នកដទៃ។ នៅពេលដែលយើងទទួលសេចក្តីស្រឡាញ់របស់ព្រះយេស៊ូវចូលក្នុងចិត្តរបស់យើង យើងត្រូវតែចែកចាយវា។ អស់អ្នកដែលបានស្លៀកសម្លៀកបំពាក់នៃសេចក្តីសុចរិតរបស់ព្រះយេស៊ូវ នឹងចែក​ចាយជាមួយអ្នកដទៃ ពីរបៀបដែលព្រះវិញ្ញាណបរិសុទ្ធបានដឹកនាំពួកគេខណៈពេលដែលពួកគេបានស្វែងរកស្គាល់ព្រះ និងព្រះយេស៊ូវ ជាព្រះរាជ​បុត្រាតែ១របស់ទ្រង់ ដែលទ្រង់បានចាត់មក។ ពួកគេនឹងចែកចាយនូវ អ្វីដែលពួកគេបានរៀន ពីការរៀនព្រះគម្ពីរនិងពីរបៀប ដែលព្រះជាម្ចាស់ បានឮនិងបានឆ្លើយតបទៅនឹងសេចក្តីអធិស្ឋានរបស់ពួកគេ។ ពួកគេនឹងប្រាប់ពីការឈឺចិត្តនៅពេលដែល ពួកគេគិតអំពីអំពើបាប ដែលពួកគេបានប្រព្រឹត្តិុ ប្រឆាំងនឹងព្រះជាម្ចាស់ ហើយនិងពាក្យនៃបន្ទូលដែលថា «អំពើបាបរបស់អ្នកត្រូវបានអត់ទោសឲ្យហើយ» បាននាំ​សេចក្តីសុខនិងសេចក្តីអំណរ ដល់ ពួកគេ។ នៅពេលដែលពួកគេ បានពោរពេញទៅដោយសេចក្តីស្រឡាញ់​របស់ព្រះយេស៊ូវ​ មនុស្សនោះនឹង មិនអាចរក្សារឿងនេះជាអាថ៌កំបាំងបានទេ។ ពួកគេនឹងមានចិត្តចង់ចែកចាយសេចក្តីពិតទាំងអស់ ដែលពួកគេបានទទួលហើយនៅក្នុងការចែកចាយ ពួកគេនឹងចែកចាយព្រះពរ ដែល​ពួក​គេ​បានទទួល។ នៅពេលដែលពួកគេចែកចាយទ្រព្យសម្បត្តិនៃព្រះគុណ​រ​បស់​ព្រះជាម្ចាស់ពួកគេនឹងបានទ្រព្យសម្បត្តិនៃព្រះគុណរបស់ព្រះយេស៊ូវ កាន់ តែ​ច្រើនថែមទៀត។ ពួកគេនឹងមានចិត្តដូចជាកូនក្មេង មិនមានភាពស្មុគស្មាញ​ ហើយស្តាប់បង្គាប់ដោយឥតល័ក្ខខ័ណ្ឌ។ ពួកគេ នឹងចង់បានបរិសុទ្ធ ហើយ​ព្រះគុណរបស់ព្រះជាម្ចាស់នឹងត្រូវបានផ្តល់ឲ្យពួកគេថែមទៀត ដើម្បី​ឲ្យ​ពួក​​​គេអាចចែកចាយព្រះគុណទាំងនោះ ជាមួយនឹង​លោកិយ។

​អំណានព្រះគម្ពីរពេលល្ងាច៖ ម៉ាថាយ ២៣៖៣៧-៣៩