​អំណានព្រះគម្ពីរពេលព្រឹក៖ ប៉ុន្តែ បើ​អ្នក​រាល់​គ្នា​មិន​ជឿ​សេចក្តី ដែល​លោក​បាន​ចែង​ទុក​មក​ទេ នោះ​ធ្វើ​ដូច​ម្តេច​ឲ្យ​ជឿ​ពាក្យ​ខ្ញុំ​ទៅ​បាន។ យ៉ូហាន ៥:៤៧

អំណានប្រចាំថ្ងៃ៖ ​យើងអាចរៀនអំពីព្រះយេស៊ូវបន្ថែមទៀតបានជានិច្ច

ការស្គាល់ព្រះយេស៊ូវការរៀនសូត្រពីសេចក្តីពិតគឺគ្មានកម្រិតព្រំដែននោះទេ។ កាលណាសិស្សរៀនពីព្រះបន្ទូល​របស់ព្រះជាម្ចាស់កាន់តែសុីជម្រៅ គេនឹងកាន់តែយល់បានទូលំទូលាយថែមទៀត។ យើងនឹងមិនយល់ច្បាស់ពីអាថ៌កំបាំងនៃសេចក្តីស្រឡាញ់របស់ព្រះជាម្ចាស់ នៅក្នុងការប្រទានព្រះយេស៊ូវដែលជាព្រះរាជបុត្រារបស់ទ្រង់ ដើម្បីនាំសេចក្តីសុខសាន្តរវាងមនុស្សនិងព្រះជាម្ចាស់បានទេ ទាល់តែយើងទៅនគរឋានសួគ៌ទើបយើងយល់។ ការងារដែលព្រះយេស៊ូវបានធ្វើនៅលើផែនដី​ ដើម្បីលោះយើងនឹងក្លាយទៅជាប្រធានបទ១ ដែលនឹងធ្វើឲ្យការស្រមើស្រមៃរបស់យើងរំជើបរំជួល។

យើងអាចទទួលបានពិសោធពីសេចក្តីពិតនៅក្នុងព្រះយេស៊ូវបាន ប៉ុន្តែ​ មិន​អាចពន្យល់បាន។ កម្រិតកម្ពស់និងទំហំ ហើយនិងជម្រៅរបស់វាគឺហួសពីកម្រិតចេះដឹងរបស់យើង។ សេចក្តីស្រឡាញ់របស់ព្រះជាម្ចាស់ចំពោះយើង គឺធំធេងណាស់គឺថាមិនថាយើងខំព្យាយាមយល់យ៉ាងណានោះទេ យើងនឹងយល់ពីវាបានតែបន្តិចតែប៉ុណ្ណោះ។ សេចក្តីស្រឡាញ់របស់ព្រះជាម្ចាស់គឺមិនអាចពន្យល់បកស្រាយបានទេគឺវាខ្ពស់ដូចជានគរឋានសួគ៌អ៊ីចឹង ប៉ុន្តែវាធ្វើការនៅក្នុងចិត្តយើងនៅលើផែនដីនេះ ដើម្បីបង្កើតរូបអង្គនៃព្រះជាម្ចាស់នៅក្នុងយើងម្តងទៀត។

​អំណានព្រះគម្ពីរពេលល្ងាច៖ ម៉ាថាយ ២៤៖៣២-៣៥