​អំណានព្រះគម្ពីរពេលព្រឹក៖ ប្រាកដ​មែន ខ្ញុំ​ប្រាប់​អ្នក​រាល់​គ្នា​ជា​ប្រាកដ​ថា អ្នក​ណា​ដែល​ស្តាប់​ពាក្យ​ខ្ញុំ ហើយ​ជឿ​ដល់​ព្រះអង្គ ដែល​ចាត់​ឲ្យ​ខ្ញុំ​មក អ្នក​នោះ​មាន​ជីវិត​ដ៏​នៅ​អស់​កល្ប​ជានិច្ច ហើយ​មិន​ដែល​ត្រូវ​ជំនុំជម្រះ​ឡើយ គឺ​បាន​កន្លង​ហួស​ពី​សេចក្តី​ស្លាប់ ទៅ​ដល់​ជីវិត​វិញ ។ យ៉ូហាន ៥:២៤

អំណានប្រចាំថ្ងៃ៖ ​អ្នកណាដែលបន្ទាបខ្លួនស្វែងរកព្រះជាម្ចាស់ នឹងរកបាន​សេចក្តីស្រឡាញ់

ព្រះជាម្ចាស់នឹងបង្ហាញឬផ្តល់សេចក្តីស្រឡាញ់ដល់អ្នកដែលបន្ទាបខ្លួនដែលស្វែងរកទ្រង់។ កាលណាយើងកាន់តែឲ្យតម្លៃការបូជា​ឬលះបង់របស់ព្រះជាម្ចាស់សម្រាប់យើង ព្រះជាម្ចាស់កាន់តែជួយឲ្យយើងយល់ពី​សេចក្តីស្រឡាញ់របស់ទ្រង់ថែមទៀត។ នៅពេលដែលយើងស្វែងរកព្រះបន្ទូលរបស់ព្រះជាម្ចាស់ ដោយបន្ទាបខ្លួនរឿងនៃការប្រោសលោះដ៏អស្ចារ្យនឹងក្លាយជារបស់យើងឲ្យយើងយល់។ កាលណាយើងកាន់តែ​ព្យាយាមយល់ពីរឿងនៃការប្រោសលោះព្រះជាម្ចាស់នឹងកាន់តែធ្វើឲ្យយើងយល់ថែមទៀត។

ជីវិតរបស់យើង គឺត្រូវរួមតែ១ជាមួយជីវិតរបស់ព្រះយេស៊ូវ។ យើង​ត្រូវ​តែទទួលកម្លាំងរបស់យើង ពីព្រះយេស៊ូវជានិច្ច។ ទ្រង់គឺជានំបុ័ងជីវិត​ដែលបានយាងចុះមកពីនគរឋានសួគ៌ គឺជាប្រភពទឹកដែលតែងតែស្រស់ថ្លា ជានិច្ចតែងតែចែកចាយទ្រព្យសម្បត្តិហូរហៀររបស់ទ្រង់ជានិច្ច។ បើសិនជាយើងរក្សាព្រះយេស៊ូវឲ្យគង់នៅក្នុងចិត្តគំនិតរបស់យើង ឲ្យចិត្តរបស់យើងបន្តធ្វើការថ្លែងអំណរគុណ ហើយសរសើរតម្កើងទ្រង់ជាប់ជានិច្ច នោះជីវិតនៃការកាន់សាសនារបស់យើងនឹងមានភាពស្រស់ថ្លាតទៅទៀត។ ការអធិស្ឋានរបស់យើង នឹងក្លាយទៅជាការសន្ទនាជាមួយនិងព្រះជាម្ចាស់ ដូចយើងនិយាយជាមួយមិត្តភក្តិដូច្នោះដែរ។ ទ្រង់នឹងមានបន្ទូលប្រាប់យើង ​ពីអាថ៌កំបាំងរបស់អង្គទ្រង់ផ្ទាល់។ ជាញឹកញាប់យើងនឹងទទួល​បានបទពិសោធនៃព្រះវត្តមានដ៏រីករាយរបស់ព្រះយេស៊ូវ។ ជារឿយៗយើងនឹង​ទទួលបានសេចក្តីសុខដ៏កក់ក្តៅ​ នៅក្នុងចិត្តរបស់យើងនៅពេលដែលព្រះយេស៊ូវខិតមកជិតយើង ដើម្បីមានបន្ទូលជាមួយយើង ដូចដែលទ្រង់បានមានបន្ទូលជាមួយនិងលោកអុីណុកដែរ។ នៅពេលរឿងនេះជាបទពិសោធរបស់គ្រីស្ទាន គេនឹងឃើញភាពងាយស្រួល ភាពបន្ទាបខ្លួននិងការបន្ទាបឬដាក់ចិត្តនៅក្នុងជីវិតអ្នកនោះ ដែលបង្ហាញដល់មនុស្ស​ទាំងឡាយណា ដែលគេសេពគប់ជាមួយ ដែលធ្លាប់បាននៅជាមួយព្រះយេស៊ូវ និងស្គាល់ ឬដឹងពីទ្រង់។

​អំណានព្រះគម្ពីរពេលល្ងាច៖ ម៉ាថាយ ២៤៖៣៦-៥១