​អំណានព្រះគម្ពីរពេលព្រឹក៖ នេះ​ជា​ជីវិត​ដ៏​អស់​កល្ប​ជានិច្ច គឺ​ឲ្យ​គេ​បាន​ស្គាល់​ដល់​ទ្រង់​ដ៏​ជា​ព្រះ​ពិត​តែ​១ នឹង​ព្រះយេស៊ូវគ្រីស្ទ ដែល​ទ្រង់​បាន​ចាត់​ឲ្យ​មក​ផង។ យ៉ូហាន ១៧:៣

អំណានប្រចាំថ្ងៃ៖ ​សេចក្តីពិតរបស់ព្រះជាម្ចាស់​ ការពារយើង

ព្រះវិញ្ញាណបរិសុទ្ធសព្វព្រះទ័យនិយាយមកកាន់ពួកយុវវ័យ ហើយ​ជួយពួកគេរកកំណប់ទ្រព្យ ហើយនិងសារៈប្រយោជន៍នៃព្រះបន្ទូលរបស់ព្រះជាម្ចាស់។ សេចក្តីសន្យាដែលព្រះយេស៊ូវបានធ្វើមកជាមួយនឹងអំណាចព្រះវិញ្ញាណដែលនឹងលើកទឹកចិត្តអ្នកស្តាប់ដោយសេចក្តីជំនឿនិងទង្វើឬការប្រព្រឹត្តិ។ អ្នកដែលស្វែងរកព្រះជាម្ចាស់ពិតប្រាកដនឹងដឹងហើយស្គាល់អ្វីៗដែលជារបស់ខាងព្រលឹងវិញ្ញាណដែលរបស់អស់ទាំងនេះនឹងក្លាយទៅជាជញ្ជាំងនៃការការពារប្រឆាំងនឹងសេចក្តីល្បួង។ ពាក្យនៃសេចក្តីពិត​នឹងរីកចម្រើននៅក្នុងភាពសំខាន់ ហើយទទួលបានន័យពេញលេញដែលមិនធ្លាប់គិតពីមុនមក។ សារៈប្រយោជន៍និងសម្បត្តិនៃព្រះបន្ទូលរបស់​ព្រះជាម្ចាស់បានផ្លាស់ប្តូរឥទ្ធិពលនៅលើចិត្តគំនិតនិងចរិតលក្ខណៈ។ សេចក្តីស្រឡាញ់របស់ព្រះជាម្ចាស់មកពីឋានសួគ៌ ចុះមកក្នុងចិត្តហើយបំពេញវាដោយការលើក​ទឹកចិត្ត។ ការឲ្យតម្លៃព្រះគម្ពីរកើនឡើងដោយការសិក្សារៀន​សូត្ររបស់វា។ កន្លែងណាដែលមានសិស្សព្យាយាមយកចិត្តទុកដាក់រៀនព្រះគម្ពីរអ្នកនោះនឹងបានយល់ដឹងនូវចំណេះប្រាជ្ញាដែលគ្មានទីបញ្ចប់របស់ព្រះជាម្ចាស់។

ពិធីបុណ្យដែលកំណត់វប្បធម៌របស់សាសន៍យូដាគឺមិនទាន់យល់ច្បាស់នៅឡើយទេ។ ភាពសំខាន់នៃសេចក្តីពិត​អាចដឹងបានពីពិធីបុណ្យ​និងនិមិត្ត​សញ្ញាទាំងនេះ។ ដំណឹងល្អ គឺជាកូនសោដែលចាក់អាថ៌កំបាំងទាំងនេះឲ្យរបើកបាន។ ទោះបីវាជាចំណេះដឹងនៃគម្រោងនៃការប្រោសលោះ​ក៏​ដោយ សេចក្តីពិតទាំងនេះ អាចយល់បាន។ វា គឺជាសិទ្ធិរបស់យើងក្នុងការយល់ឲ្យកាន់តែច្បាស់ នូវសេចក្តីពិតដែលសុីជម្រៅទាំងនេះ ដែលបានមក​ពីព្រះជាម្ចាស់។ ពួកទេវតាចង់សិក្សារៀនសូត្រនូវសេចក្តីពិត ដែលមានតែព្រះជាម្ចាស់ទេ ដែលអាចបង្ហាញដល់សិស្ស ដែលអធិស្ឋានសូមនូវចំណេះដឹងយ៉ាងធំធេង បន្ទាបខ្លួនស្វែងរកព្រះបន្ទូលរបស់ទ្រង់។

​អំណានព្រះគម្ពីរពេលល្ងាច៖ ម៉ាថាយ ២៦៖១-៥