​អំណានព្រះគម្ពីរពេលព្រឹក៖ មាន​ពរ​ហើយ អ្នក​ណា​ដែល​មើល និង​អស់​អ្នក​ដែល​ស្តាប់​ពាក្យ​ទំនាយ​ទាំង​នេះ ហើយ​ប្រព្រឹត្ត​តាម​សេចក្តី​ទាំង​ប៉ុន្មាន ដែល​កត់​ទុក​នេះ​ដែរ ដ្បិត​ឯ​ពេល​វេលា នោះ​ជិត​ដល់​ហើយ។ វិវរណៈ ១:៣

អំណានប្រចាំថ្ងៃ៖ វិវរណៈ​ គឺជាសេៀវភៅដែលត្រូវតែសិក្សា

ខណៈពេលដែលយើងខិតចូលមកជិតដល់ទីបញ្ចប់នៃប្រវត្តិសាស្ត្រនៃពិភពលោកនេះ បទទំនាយទាក់ទងទៅនឹងថ្ងៃចុងក្រោយ ជាពិសេសនោះ ទាមទារឲ្យយើងរៀនសូត្រ។ សៀវភៅគម្ពីរវិវរណៈគឺមានពោរពេញទៅដោយ សេចក្តីពិតដែលយើងត្រូវការយល់ដឹង។ សាតាំងបានធ្វើឲ្យចិត្តគំនិតរបស់ មនុស្សជាច្រើនងងឹតសូន្យសុង ដើម្បីឲ្យវាបានសប្បាយនឹងពាក្យដោះសានានា សម្រាប់ការរៀនសូត្រពីព្រះគម្ពីរវិវរណៈ។ ប៉ុន្តែ ព្រះយេស៊ូវបានឲ្យបាវ បម្រើរបស់ទ្រង់ឈ្មោះយ៉ូហានសរសេរសៀវភៅវិវរណៈនូវរឿងរ៉ាវ ដែលកើត មានឡើង មុនពេលព្រះយេស៊ូវយាងមក ហើយទ្រង់មានបន្ទូលថា «អ្នកណាអានសៀវភៅនេះអ្នកនោះមានសុភមង្គលហើយ អស់អ្នកដែលស្តាប់ពាក្យ លោកថ្លែង ក្នុងនាមព្រះជាម្ចាស់ ហើយប្រតិបត្តិតាមសេចក្តីទាំងប៉ុន្មាន ដែល មានចែងទុកមកនេះ ក៏មានសុភមង្គលដែរ»។​ វិវរណៈ១ៈ៣។ព្រះយេស៊ូវបានមានបន្ទូលថា «រីឯជីវិតអស់កល្បជានិច្ចនោះ គឺឲ្យគេស្គាល់ព្រះអង្គដែលជាព្រះដ៏ពិតតែមួយគត់និងឲ្យគេស្គាល់ព្រះយេស៊ូវគ្រីស្ទ ដែលព្រះអង្គចាត់ឲ្យមក។ យ៉ូហាន ១៧ៈ៣។ ហេតុអ្វីបានជាយើងមិនយល់ពីតម្លៃនៃចំណេះដឹងនេះ? ហេតុអ្វីបានជាសេចក្តីពិតដ៏អស្ចារ្យទាំងនេះមិនធ្វើឲ្យចិត្តរបស់យើងមានភាពកក់ក្តៅការបន្តចែកចាយជាមួយនិងអ្នកដទៃហើយផ្លាស់ប្តូរផ្លូវនៃការរស់នៅរបស់យើងទាំងមូល?

​អំណានព្រះគម្ពីរពេលល្ងាច៖ ម៉ាថាយ ២៦៖៦-១៣