ថ្ងៃអង្គារ ទី២៨ ខែកុម្ភៈ ឆ្នាំ២០២៣
អំណានព្រះគម្ពីរពេលព្រឹក៖ ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ ព្រមទាំងធ្វើបុណ្យជ្រមុជទឹកឲ្យ ដោយនូវព្រះនាមព្រះវរបិតា ព្រះរាជបុត្រា និងព្រះវិញ្ញាណបរិសុទ្ធចុះ ហើយបង្រៀន ឲ្យគេកាន់តាមគ្រប់ទាំងសេចក្តី ដែលខ្ញុំបានបង្គាប់មកអ្នករាល់គ្នាផង ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប។ អាម៉ែន។ ម៉ាថាយ ២៨:១៩-២០
អំណានប្រចាំថ្ងៃ៖ ជួយឲ្យមនុស្សដទៃស្គាល់ព្រះជាម្ចាស់ គឺជាការងារដ៍អស្ចារ្យបំផុត
នៅក្នុងការប្រទានព្រះបន្ទូលរបស់ទ្រង់មកឲ្យយើង ព្រះជាម្ចាស់បានដាក់យើងឲ្យធ្វើជាម្ចាស់នៃសេចក្តីពិតទាំងអស់ដែលត្រូវការសម្រាប់សេចក្តីសង្គ្រោះរបស់យើង។ ដំណឹងល្អអំពីសេចក្តីសង្គ្រោះគឺជារឿងដែលមិនចេះរីងស្ងួត គឺតែងតែមានគ្រប់សម្រាប់មនុស្សគ្រប់គ្នាជានិច្ច។ មានមនុស្សរាប់ពាន់នាក់បានផ្តោតជីវិតរបស់ពួកគេទៅលើព្រះជាម្ចាស់ ហើយដោយឃើញចរិតលក្ខណៈល្អនិងសេចក្តីស្រឡាញ់របស់ទ្រង់បានផ្លាស់ប្តូរទៅដូចជាទ្រង់។ ពួកគេរំភើបនៅពេលដែលចែកចាយអំពីចរិតលក្ខណៈដែលប្រកបដោយក្តីស្រឡាញ់របស់ព្រះជាម្ចាស់ប្រាប់នូវអ្វីដែលព្រះយេស៊ូវបានធ្វើដើម្បីពួកគេ ហើយនិងព្រះយេស៊ូវស្រឡាញ់ពួកគេច្រើនប៉ុនណាក្នុងនាមអ្នកដែលទ្រង់បានប្រោសលោះនោះ។ ទោះបីជាមានមនុស្សជាច្រើនបានរៀនព្រះគម្ពីរវិវរណៈរួចហើយក៏ដោយ ក៏នៅតែមានមេរៀនថ្មីៗ ដើម្បីរៀនតទៅទៀតដែរ។ មានមនុស្សរាប់ពាន់នាក់ទៀតអាចចូលរួមធ្វើការស្វែងរកអាថ៌កំបាំងនៃសេចក្តីសង្គ្រោះ។ នៅពេលដែលគេរៀនសូត្រដឹងពីជីវិតរបស់ព្រះយេស៊ូវហើយនិងគោលបំណងនៃបេសកកម្មរបស់ទ្រង់ ដោយការចង់ដឹងសេចក្តីពិតនឹងបានយល់កាន់តែច្បាស់។ ជាមួយនិងការស្វែងរកថ្មីនឹងបានយល់កាន់តែច្បាស់។ រឿងគឺមិនចេះអស់នោះទេ ការរៀនសូត្រអំពីរបៀបដែលព្រះរាជបុត្រានៃព្រះក្លាយទៅជាមនុស្ស ការលះបង់ របស់ទ្រង់ដែលបង់ថ្លៃលោះ សម្រាប់អំពើបាបរបស់យើងនិងការងាររបស់ទ្រង់ ដើម្បីស្តារទំនាក់ទំនងជាមួយព្រះវរបិតាទ្រង់នឹងផ្តល់ការងារ ដល់ចិត្តគំនិតសិស្សដែលខំព្យាយាមយកចិត្តទុកដាក់ដល់ទីបញ្ចប់ឲ្យតែមានពេល។ អស់អ្នកដែលបានទទួលជីវិតអស់កល្បនឹងប្រើចិត្តគំនិតនិងភាសារបស់ពួកគេគ្មានទីបញ្ចប់ ដើម្បីនិយាយអំពីគម្រោងនៃការប្រោសលោះមនុស្ស ដែលមានបាប។ ពួកគេនឹងយល់ពីសេចក្តីពិត ដែលព្រះយេស៊ូវចង់បង្ហាញដល់សាវ័ករបស់ទ្រង់ ប៉ុន្តែ ពួកគេមិនមានសេចក្តីជំនឿនឹងចាប់យក។ ទស្សនៈថ្មីនៃភាពឥតខ្ចោះនិងសិរីល្អនៃព្រះយេស៊ូវនឹងបង្ហាញដល់យើងជារៀងរហូត។ តាមរយៈជំនាន់ដែលគ្មានទីបញ្ចប់ ម្ចាស់ផ្ទះជាព្រះដែលមានភាពស្មោះត្រង់នឹងបញ្ចេញរបស់មានតម្លៃថ្មីនិងចាស់របស់ទ្រង់មក។
អំណានព្រះគម្ពីរពេលល្ងាច៖ ម៉ាថាយ ២៦៖១៤-១៦
ខចងចាំ៖ «មានពរហើយ អ្នកណាដែលមើល និងអស់អ្នកដែលស្តាប់ពាក្យទំនាយទាំងនេះ ហើយប្រព្រឹត្តតាមសេចក្តីទាំងប៉ុន្មានដែលកត់ទុកនេះដែរ ដ្បិតឯពេលវេលានោះជិតដល់ហើយ»។ វិវរណៈ ១:៣
