​អំណានព្រះគម្ពីរពេលព្រឹក៖ កូន​អើយ ចូរ​ផ្ចង់​ចិត្ត​ចំពោះ​ប្រាជ្ញា​របស់​អញ ហើយ​ផ្ទៀង​ត្រចៀក​ចំពោះ​យោបល់​អញ​ដែរ ដើម្បី​ឲ្យ​ឯង​បាន​បំរុង​ទុក​នូវ​គំនិត​វាងវៃ ហើយ​ឲ្យ​បបូរ​មាត់​ឯង​បាន​រក្សា​ទុក​នូវ​ដំរិះ។ សុភាសិត ៥:១-២

អំណានប្រចាំថ្ងៃ៖ ​ព្រះគម្ពីរតែងតែមានកំណប់ទ្រព្យជាច្រើនទៀត កំពុងតែ​រង់ចាំអ្នកដែលស្វែងរក

គ្មានអ្នកណាម្នាក់ត្រូវគិតថា ពួកគេបានរៀនគ្រប់យ៉ាងអំពីព្រះជាម្ចាស់ ហើយនិងផែនការនៃសេចក្តីសង្គ្រោះឡើយ។ វាប្រហែលជា​អាចស្ទង់ដឹងពីភាពវៃឆ្លាតរបស់មនុស្សបាន ឬក៏រៀនគ្រប់យ៉ាងដែលត្រូវចេះដឹងអំពីអ្វីដែលមនុស្សបានសរសេរ ប៉ុន្តែដំណើរខ្ពស់បំផុត ជ្រៅបំផុត ទូលាយបំផុតនៃការស្រមើស្រមៃមិនអាចដឹងអំពីព្រះជាម្ចាស់បានទេ។ នៅពេលដែលចិត្តគំនិតរបស់មនុស្សបានយល់គ្រប់យ៉ាងដែលមានសមត្ថភាពគឺនៅតែមានរបស់ជាច្រើនរាប់មិនអស់ទៀតដែលត្រូវចេះដឹង។ យើងបានឃើញសិរីល្អរបស់ព្រះជាម្ចាស់តែបន្តិចបន្តួចប៉ុណ្ណោះ ចំណេះប្រាជ្ញាគឺដូចដែលយើងកំពុងតែស្វែងរកកំណប់ទ្រព្យនៅលើរ៉ែ ខណៈពេលដែលមាសមានតម្លៃនៅកប់ខាងក្រោមដីជ្រៅ នៅរង់ចាំឲ្យយើងជីកយកវា។ ផ្លូវរូងទៅកន្លែងរ៉ែត្រូវតែជីកឲ្យជ្រៅហើយកាន់តែជ្រៅទៅ ដើម្បីឲ្យបានផលមកជាផលនៃកំណប់ទ្រព្យដ៏ល្អអស្ចារ្យ។ តាមរយៈសេចក្តីជំនឿ​ដែលត្រឹមត្រូវចំណេះប្រាជ្ញារបស់ព្រះនឹងក្លាយទៅជាចំណេះប្រាជ្ញារបស់យើង។ គ្រប់គ្នាដែលស្វែងរកជំនួយរបស់ព្រះវិញ្ញាណបរិសុទ្ធត្រូវស្វែងរកសេចក្តីពិតនៅក្នុងព្រះគម្ពីរនឹងត្រូវបានទទួលរង្វាន់។ នៅពេលដែលមនុស្សសុខចិត្តឲ្យព្រះជាម្ចាស់បង្រៀនដូចជាកូនក្មេងតូចនៅពេលដែលគេថ្វាយជីវិតរបស់គេទៅព្រះជាម្ចាស់ទាំងស្រុង អ្នកនោះនឹងឃើញសេចក្តីពិតនៅក្នុងព្រះបន្ទូលរបស់ព្រះជាម្ចាស់។ បើសិនជាមនុស្សស្តាប់បង្គាប់ពួកគេនឹងយល់អំពីផែនការនៃការ​គ្រប់គ្រងរបស់ព្រះជាម្ចាស់។ នគរឋានសួគ៌នឹងបើកជង្រុកនៃព្រះគុណនិង​​សិរីល្អឲ្យយើងចូលរក។ មនុស្សនឹងមានសភាពខុសប្លែកពីពេលនេះពីព្រោះ​​នៅពេលដែលមនុស្សស្វែងរកសេចក្តីពិតនៅក្នុងព្រះគម្ពីរ ចរិតលក្ខណៈ​របស់ពួកគេនឹងក្លាយដូចជាចរិតលក្ខណៈរបស់ព្រះយេស៊ូវ។

អាថ៌កំបាំង​​នៃ​ផែនការនៃសេចក្តី​សង្គ្រោះ​ កំណើតព្រះយេស៊ូវជាមនុស្សការបូជាអង្គទ្រង់ដែលបានបង់សម្រាប់អំពើបាបរបស់យើងនឹងមិនដូចពេល​ឥឡូវនោះទេ គឺមិនច្បាស់នៅក្នុងចិត្តគំនិតរបស់យើង។ វាមិនត្រឹមតែច្បាស់​ល្អ​ប៉ុណ្ណោះ​ទេ ប៉ុន្តែឲ្យតម្លៃកាន់តែខ្ពស់ទៅទៀត។

​អំណានព្រះគម្ពីរពេលល្ងាច៖ ម៉ាថាយ ២១៖១-១១