​អំណានព្រះគម្ពីរពេលព្រឹក៖ ព្រះអម្ចាស់យេហូវ៉ា​ទ្រង់​បាន​ប្រទាន​ឲ្យ​ខ្ញុំ​មាន​វោហារ ដូច​ជា​អ្នក​ដែល​បាន​រៀនសូត្រ​ហើយ ដើម្បី​ឲ្យ​ខ្ញុំ​បាន​ចេះ​ប្រើ​ពាក្យ​សំដី និង​ជ្រោង​មនុស្ស​គ្រាកចិត្ត​ឡើង ទ្រង់​ដាស់​ខ្ញុំ​រាល់​តែ​ព្រឹក គឺ​ទ្រង់​ដាស់​ត្រចៀក​ខ្ញុំ ដើម្បី​ឲ្យ​ខ្ញុំ​ស្តាប់ ដូច​ជា​អ្នក​ដែល​កំពុង​តែ​រៀនសូត្រ។ អេសាយ ៥០:៤

អំណានប្រចាំថ្ងៃ៖ ​ព្រះយេស៊ូវយាងមកបម្រើ មិនមកឲ្យគេបម្រើនោះឡើយ

ពាក្យបន្ទូលដែលព្រះយេស៊ូវបានមានបន្ទូលកាលទ្រង់គង់នៅលើផែនដីត្រូវបានផ្តល់ឲ្យដោយព្រះវរបិតាទ្រង់នៅឯនគរឋានសួគ៌។ ព្រះយេស៊ូវបានមានបន្ទូលថា«ពាក្យដែលអ្នករាល់គ្នាឮខ្ញុំនិយាយមិនមែនជាពាក្យរបស់ខ្ញុំទេ គឺជាព្រះបន្ទូលរបស់ព្រះបិតាដែលបានចាត់ខ្ញុំឲ្យមក»។ យ៉ូហាន ១៤ៈ២៤។«បុត្រមនុស្សមកក្នុងពិភពលោកនេះ មិនមែនដើម្បីឲ្យគេបម្រើលោកទេ គឺលោកមកបម្រើគេវិញ»។ ម៉ាថាយ ២០ៈ២៨។ ព្រះយេស៊ូវបានគង់នៅ បានគិតហើយបានអធិស្ឋានឲ្យអ្នកដទៃ មិនមែនសម្រាប់អង្គទ្រង់ឡើយ។ ពេញមួយយប់និងពេលព្រឹកព្រលឹមព្រះយេស៊ូវចំណាយពេលជាមួយព្រះជាម្ចាស់នៅក្នុងការអធិស្ឋាន ដើម្បីឲ្យទ្រង់អាចចែកចាយដំណឹងល្អមកពីនគរឋានសួគ៌ ជាមួយនឹងមនុស្សដែលទ្រង់បានជួប។ ព្រះវិញ្ញាណបរិសុទ្ធនឹងបំពេញឲ្យទ្រង់នូវព្រះវិញ្ញាណបរិសុទ្ធ។ ព្រះវរបិតាតែងតែតើន(ដាស់)ព្រះយេស៊ូវដើម្បីឲ្យទ្រង់អាចប្រទានព្រះគុណឲ្យដល់ព្រះយេស៊ូវយកទៅចែកចាយជាមួយមនុស្សដទៃទៀត។ ពាក្យបន្ទូលរបស់ព្រះវរបិតាត្រូវបានប្រទាន​ឲ្យដល់​ព្រះយេស៊ូវផ្ទាល់ ចេញពីរាជបល្ល័ង្កនៃនគរឋានសួគ៌មកសម្រាប់ឲ្យព្រះយេស៊ូវមានបន្ទូលទៅកាន់អស់អ្នកដែលមានបន្ទុកជាមួយនិងអំពើបាបនិងការឈឺចាប់រងទុក្ខវេទនា។ ព្រះយេស៊ូវបានមានបន្ទូលថា «ព្រះជាអម្ចាស់បង្រៀនខ្ញុំឲ្យនិយាយពាក្យសំដីជាសិស្សដើម្បីឲ្យខ្ញុំលើកទឹកចិត្តមនុស្សដែលអស់សង្ឃឹម។ រៀងរាល់ព្រឹកព្រះអង្គរំឭកដាស់តឿនខ្ញុំ ហើយអប់រំខ្ញុំឲ្យចេះស្តាប់ដូចសិស្សស្តាប់ពាក្យគ្រូ។ អេសាយ ៥០ៈ៤។

ពួកសាវ័ករបស់ព្រះយេស៊ូវបានចាប់អារម្មណ៍ពីរបៀបដែលព្រះយេស៊ូវបានអធិស្ឋានហើយនិងទម្លាប់នៃការចំណាយពេលជាមួយព្រះអម្ចាស់របស់ទ្រង់។ មានថ្ងៃមួយបន្ទាប់ពីឃ្លាតឆ្ងាយពីព្រះយេស៊ូវ​ក្នុងរយៈពេលខ្លីរួចមកពួកគេបានវិលត្រឡប់ទៅរកទ្រង់វិញ ក៏បានឃើញទ្រង់កំពុងតែរវល់អធិស្ឋានឲ្យមនុស្សដទៃ។ តាមមើលទៅទ្រង់មិនដឹងថាពួកគេនៅទីនោះទេ​ ព្រះយេស៊ូវបានបន្តធ្វើការអធិស្ឋាន ទ្រង់បានអធិស្ឋានឮៗ។ ពួកសាវ័ករំភើបចិត្តជាខ្លាំង។នៅពេលដែលព្រះយេស៊ូវអធិស្ឋានចប់ ពួកសាវ័កបានសូមឲ្យទ្រង់បង្រៀនពួកគេអធិស្ឋាន។ ព្រះយេស៊ូវទូលឆ្លើយដោយសូត្រ «សេចក្តីអធិស្ឋានរបស់ព្រះជាម្ចាស់»ដូចដែលទ្រង់បានមានបន្ទូលពីវាក្នុងពេលដែលទ្រង់អធិប្បាយនៅលើភ្នំ។ ហើយនៅក្នុងរឿងប្រៀបប្រដូចទ្រង់ពន្យល់បង្ហាញមេរៀនដែលទ្រង់ចង់បង្រៀនដល់ពួកគេដែរ។

​អំណានព្រះគម្ពីរពេលល្ងាច៖ ម៉ាថាយ ២៦៖១៧-២៥