​អំណានព្រះគម្ពីរពេលព្រឹក៖ សូម​អត់​ទោស​បាប​យើង​ខ្ញុំ ដ្បិត​យើង​ខ្ញុំ​ក៏​អត់​ទោស ដល់​អស់​អ្នក​ដែល​ធ្វើ​ខុស​នឹង​យើង​ខ្ញុំ​ដែរ ហើយ​សូម​កុំ​នាំ​យើង​ខ្ញុំ​ទៅ​ក្នុង​សេចក្តី​ល្បួង​ឡើយ តែ​សូម​ប្រោស​ឲ្យ​យើង​ខ្ញុំ​បាន​រួច​ពី​សេចក្តី​អាក្រក់​វិញ។ លូកា ១១:៤

អំណានប្រចាំថ្ងៃ៖ ​សេចក្តីជំនឿដែលមិនរស់រវើក = ទទួលបានការកំណត់អំណាចពីព្រះជាម្ចាស់

មានមនុស្សជាច្រើនមិនមានជំនឿសកម្មឡើយ។ ហេតុនេះហើយបានជាពួកគេមើលមិនឃើញអំណាចព្រះជាម្ចាស់ច្រើន។ ភាពកំសោយ​របស់ពួកគេគឺបណ្តាលមកពីភាពគ្មានជំនឿ។ ពួកគេមានជំនឿទៅលើការខំប្រឹងប្រែងរបស់ខ្លួនឯងជាងនៅក្នុងការងារដែលព្រះជាម្ចាស់អាចធ្វើសម្រាប់ពួកគេទៅទៀត។ ពួកគេសុខចិត្តដោះស្រាយបញ្ហាតាមផ្លូវរបស់ពួកគេ។ ពួកគេរៀបគម្រោងដោះស្រាយបញ្ហារបស់ពួកគេតែអធិស្ឋានតិចតួចហើយមានជំនឿទុកចិត្តលើព្រះពិតប្រាកដតិចតួច។ ពួកគេគិតថា ពួកគេមានសេចក្តីជំនឿ ប៉ុន្តែសេចក្តីជំនឿរបស់ពួកគេនៅមិនបានយូរអង្វែង។ ពួកគេមើលមិនដឹងពីសេចក្តីត្រូវការរបស់ខ្លួនឯងឬក៏មិនឃើញពីការសព្វព្រះទ័យ ដែលទ្រង់នឹងប្រទានឲ្យ ពួកគេមិនអធិស្ឋានទៅព្រះជាម្ចាស់ឲ្យបានជាប់លាប់ហើយសូមនូវការឆ្លើយតបរបស់ទ្រង់នោះទេ។

យើងគួរតែអធិស្ឋានឲ្យដូចជាយើងពិតជាចង់បាននូវអ្វីដែលយើងសូម ហើយចេះតែបន្តសូមដូចមិត្តភក្តិម្នាក់នៅក្នុងរឿងប្រៀបប្រដូចរបស់ព្រះយេស៊ូវដែលចេះតែបន្តសុំនំបុ័ងនៅពាក់កណ្តាលអាធ្រាត្ររហូតទាល់តែគាត់ទទួលបាននូវអ្វីដែលគាត់ត្រូវការ។

នៅពេលយើងអធិស្ឋានតាមរបៀបបែបនេះ យើងនឹងកាន់តែមានភាពជិតស្និទ្ធជាមួយនឹងព្រះយេស៊ូវ។ យើងនឹងទទួលបានព្រះពរកាន់តែច្រើនឡើងពីព្រោះយើងបានបង្កើនសេចក្តីជំនឿរបស់យើង។

​អំណានព្រះគម្ពីរពេលល្ងាច៖ ម៉ាថាយ ២៧៖២៧-៣១